konka coffee
KONKA

AMAKURU

UKWEZI

Amerika yariye karungu, ngo Korea ya Ruguru nikomeza ubushotoranyi hazaca uwambaye

Amerika yariye karungu, ngo Korea ya Ruguru nikomeza ubushotoranyi hazaca uwambaye
6-07-2017 saa 16:48' | By Akayezu Jean de Dieu | Yasomwe n'abantu 6185 | Ibitekerezo

Leta zunze ubumwe za America yahamije ko yiteguye gukoresha imbaraga za gisirikare mu guhangana n’igihugu cya Koreya ya Ruguru gikomeje umugambi mubisha wo gucura ibitwaro bya kirimbuzi . Ibi bije nyuma y’igeragezwa ry’ibisasu bya misile Koreya ya Ruguru ikomeje kugerageza ndetse ikanagaragaza ko biri gukorerwa Leta Zunze Ubumwe za Amerika.

Ibi byagarutsweho mu nama y’umutekano ya ONU, aho uhagarariye Leta Zunze Ubumwe za America muri iyi nama, NIKKI Haley yavuze ko hari ingabo za America ziri muri hirya no hino muri Aziya ndetse ko ni biba ngombwa ziteguye kugaba ibitero kuri Koreya ya ruguru.

Nikki Haley yanakomeje avuga ko nka Leta Zunze Ubumwe za America batifuza kugaba ibyo bitero, ariko ngo nibabona ko ariyo mahitamo basigaranye, bazatangiza urwo rugamba ntawe bagishije inama ngo kuko Korea ya Ruguru yabwiwe kenshi ariko yanze kumva.

Ambasaderi wa Leta Zunze Ubumwe za Amerika muri Loni, Nikki Haley

Uhagarariye igihugu cy’Ubushinwa muri ONU, Liu Jieyi, yavuze ko ibisasu bya Misile Koreya ya Ruguru iherutse kugerageza ari ukurenga ku masezerano n’amategeko agenga ibihugu biri muri uyu muryango.

Umunyamabanga wa Leta muri Leta Zunze Ubumwe za Amerika Rex Tillerson nawe aherutse kuvuga ko igerageza ry’ibisasu kirimbuzi rya Koreya ya Ruguru ari ubushotoranyi, maze atangaza ko Washington itazigera yemera ikoreshwa ry’intwaro kirimbuzi rya Koreya ya Ruguru.

Mu kwezi kwa Gashyantare uyu mwaka nibwo Ubushinwa bwahagaritse imwe mu mirimo bwakoreraga muri Koreya ya Ruguru harimo no kuranguza mazutu muri iki gihugu, mu gihe Ubushinwa aricyo gihugu cya mbere cyaranguzaga mazutu nyinshi muri Koreya ya Ruguru.


Igisasu Koreya ya Ruguru iherutse kugerageza ngo gishobora kurasa agace ako ari ko kose ku Isi


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA