konka coffee
KONKA

AMAKURU

UKWEZI

Donald Trump uhatanira gusimbura Obama yari agiye kwicwa Polisi irahagoboka

Donald Trump uhatanira gusimbura Obama yari agiye kwicwa Polisi irahagoboka
21-06-2016 saa 05:43' | By Chief Editor | Yasomwe n'abantu 7446 | Ibitekerezo

Umusore ukomoka mu Bwongereza yatawe muri yombi ari ku iduka rya Donald Trump riherereye i Las Vegas, aho nyuma yo gufatwa yiyemereye ko yagerageje kwambura umupolisi imbunda ngo abashe kurasa Donald Trump uri mu bahabwa amahirwe yo gutsinda amatora y’umukuru w’igihugu.

Ikinyamakuru Daily Mail kivuga ko uyu musore w’imyaka 20 y’amavuko witwa Michael Steven Sandford, yahise anajyanwa imbere y’urukiko kuri uyu wa Mbere, aho yanivugiye ko kuwa Gatanu w’icyumweru gishize yari yagiye mu iduka ricuruzwamo imbunda kugirango yige kurasa.

Yatawe muri yombi afite umugambi wo guhitana Donald Trump

Uyu musore basanganye uruhushya rwo gutwara imodoka rwatangiwe mu Bwongereza, yatawe muri yombi kuwa Gatandatu w’iki cyumweru dusoje, agezwa imbere y’urukiko rwa Nevada kuri uyu wa Mbere. Ubwo yafatwaga, yabwiye abapolisi ko yari avuye muri Calfornia akajya Las Vegas ashaka kwica Donald Trump.

Ageze aho Donald Trump ari, yegereye umupolisi avuga ko ashaka ’autograph’ (umukono usinyirwa n’icyamamare ukunda ukajya uterwa ishema no kuwugendana) ya Donald Trump, hanyuma aza gufatwa ashaka kwambura imbunda uwo mupolisi ngo ahite arasa Donald Trump.

Habuze gato ngo ahite arasa Donald Trump

Michael Steven Sandford, yivugiye ko amaze igihe kirekire afite umugambi wo kwica Donald Trump, umugambi yagize guhera mu mwaka ushize, mu gihe ubusanzwe amaze umwaka umwe n’igice aba muri New Jersey, muri Leta Zunze Ubumwe za Amerika.

Nyina wa Michael Steven Sandford ndetse n’umwunganira muri uru rubanza, bavuze ko ashobora kuba afite ikibazo cyo mu mutwe, ndetse nyina avuga ko n’ubwo yaje kuvurwa, ariko yigeze kugira uburwayi bwo mu mutwe akiri muto.

Michael Steven Sandford kandi ngo yari amaze umwaka n’igice aba muri Leta Zunze Ubumwe za Amerika atabifitiye ibyangombwa, kandi nta n’akazi yari afite. Umucamanza yavuze ko adashobora kwemera ko arekurwa hatanzwe ihazabu y’amafaranga, kubera uburemere bw’ibyaha akurikiranweho, urubanza rukaba rugomba gukomeza kuburanishwa.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA