konka coffee
KONKA

AMAKURU

UKWEZI

Sudani y’Epfo yugarijwe, yavuye ku izima isaba amahanga ko yayigoboka

Sudani y’Epfo yugarijwe, yavuye ku izima isaba amahanga ko yayigoboka
6-08-2016 saa 16:48' | By Bikorimana Alexis | Yasomwe n'abantu 1151 | Ibitekerezo

Guverinima ya Sudan y’Epfo yemeye izindi ngabo zo gufasha kubungabunga umutekano mu gushaka igisubizo ku masezerano y’amahoro.

Muri iki gihugu bari guhangana n’ikibazo gikomeye cy’imirwano ishingiye ku moko nyuma y’uko mu kwezi gushize yahitanye abantu bagera kuri 300, ndetse ababirebera hafi bakaba basanga bishobora gufata indi ntera bikaba byaviramo indi ntambara nk’iyo igihugu kivuyemo yahitanye ababarirwa mu bihumbi n’ibihumbi.

Nyuma y’uko ingabo z’umuryango w’abibumbye zigera ku 12000 zinaniwe guhagarika ibitero bigabwa muri iki gihugu, ubu iyi Leta irasaba amahanga ko yatabara bakongera bakohereza izindi ngabo ziza gufasha izihasanzwe.

Iyoherezwa ry’ingabo nshya ryatangajwe n’umuryango w’ibihugu byibumbiye mu gace k’uburasirazuba bwa Afurika, IGAD, byemezwa na minisitiri ushinzwe imirimo ya guverinoma muri Sudani y’Epfo, Dr Martin Elia Lomuro.

Perezida w’iki gihugu, Salva Kiir yari yabanje kwanga igitekerezo cyo kohereza izindi ngabo ariko yaje kubyemera nyuma yo kubona ko amasezerano y’amahoro atagerwaho hatoherejwe izindi ngabo ziza gufasha izari zisanzwe.

Gusa ibyinshi mu bikubiye mu masezerano n’inshingano z’izi ngabo nsha zigiye koherezwa muri ikmi gihugu ntibisobanutse, dore ko umuryango wa IGAD uvuga ko izi ngabo zagombye kuba zifite ubushobozi burenze ubw’ingabo zari zisanzwe.

Dr Martin Elia Lomuro yabwiye BBC nyuma y’inama ko ibindi biganiro bikenewe kugira ngo bagere ku mwanzuro wo kureba ingano, igihe ndetse n’uburyo ingabo zizagenda.

Biravugwa ko ingabo zigiye koherezwa zizaba zimeze nk’izoherejwe muri Repubulika Iharanira Demokarasi ya Kongo (DRC) kurwanya umutwe wa M23


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA