konka coffee
KONKA

AMAKURU

UKWEZI

Uganda: Umudepite washoye mu myigaragambyo abagore bambaye ubusa yatawe muri yombi

Uganda: Umudepite washoye mu myigaragambyo abagore bambaye ubusa yatawe muri yombi
11-08-2017 saa 11:57' | By Akayezu Jean de Dieu | Yasomwe n'abantu 4140 | Ibitekerezo

Polisi y’igihugu cya Uganda yataye muri yombi Depite Odonga Otta wari uyoboye itsinda ry’abagore bambaye ubusa bari mu myigaragambyo yo kwamagana Minisiteri ishinzwe ubutaka muri iki gihugu bayishinja kuba yaravuniye ibiti mu matwi ikirengagiza ubusabe bw’abaturage badashaka ko ubutaka bwabo buherereye mu majyepfo y’ishyamba rya Zoka mu karere ka Amuru butwarwa na Leta ikabwubakamo uruganda rw’isukari.

Aba bagore bambaye ubusa bari baherekejwe n’urubyiruko biraye mu mihanda bamagana icyemezo cyafashwe na Leta ibinyujije muri iyi Minisiteri y’ubutaka, cyo kwambura abaturage ubutaka bungana na hegitare 10.000 bukubakwamo uruganda rw’isukari rwari ruteganyirijwe kuzatanga akazi ku bantu basaga 8.000 nk’uko abayobozi babigaragaje.

Gusa umudepite witwa Mudepite Otto nawe ukomoka muri aka gace yamaganye yivuye inyuma iki cyemezo avuga ko nta mpamvu ubutaka gakondo bwakurwa mu maboko y’abaturage. Ibi kandi byashimangiwe n’umuyobozi wahoze ushinzwe ubutasi muri iki gihugu cya Uganda, David Pulkol, avuga ko nta mpamvu n’imwe yagakwiye gutuma abaturage bakorerwa ibyo badashaka harimo no kubaka uru ruganda ku butaka bwabo kandi bigakorwa ku gahato.

Minisitiri ufite ubutaka mu nshingano muri Uganda, Betty Amongi, aherekejwe n’inzego z’umutekano ku mugoroba wo kuwa 10 Kanama 2017, biraye muri aba baturage bari mu myigaragambyo babatera ibyuka bihumanya abandi bahatwa igiti na Polisi bamwe muri bo barakomereka ndetse n’uyu mudepite wari ubayoboye ahita afatwa na Polisi ajyanwa muri gereza gukurikiranwa nk’uko Ikinyamakuru Chimpreport dukesha iyi nkuru cyabitangaje.

Uyu Minisitiri Betty Amongi kandi yavuye hano abwiye aba baturage bigaragambyaga ko umushinga wo kubaka uru ruganda muri aka gace utazigera uhagarara.

Abigaragambya barimo n’urubyiruko bari batambitse ibitu mu muhanda bahagaritse gahunda z’abaturage
Abagore bambaye ubusa bamaganaga icyemezo cyafashwe na Leta cyo kubambura ubutaka gakondo Depite Odonga Otta kuri ubu ari mu maboko ya Polisi azira gushora abaturage mu myigaragambyo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...