konka coffee
KONKA

AMAKURU

UKWEZI

Umuhanzikazi Rose Muhando yatawe muri yombi na Polisi

Umuhanzikazi Rose Muhando yatawe muri yombi na Polisi
6-06-2017 saa 14:34' | By Vincent Nsengiyumva | Yasomwe n'abantu 8360 | Ibitekerezo

Umuhanzikazi w’icyamamare wamenyekanye cyane mu ndirimbo zo kuramya no guhimbaza Imana , Rose Muhando, yatawe muri yombi na Polisi yo mu gihugu cya Tanzania aho akurikiranyweho icyaha cy’ubwambuzi.

Rose Muhando yatawe muri yombi na Polisi yo mu gace ka Singida ku Cyumweru tariki ya 04 Kamena 2017, nyuma yo gushinjwa n’urusengero rwa AICT Singida ubwambuzi bw’amashilingi 800.000 ya Tanzania .

Umuyobozi wa polisi yo muri iyi ntara ya Singida, Debora Mligimba, yavuze ko uyu muhanzikazi yafatiwe mu rugo rwe ruherereye mu gace ka Ikungi nyuma y’uko ubuyobozi bw’urusengero rwa AICT Singida rutanze ikirego cy’uko yabambuye akaba yaranze kubishyura.

Ikinyamakuru e-daily kivuga ko mu kwezi k’Ugushyingo 2016, tariki 3 aribwo Rose Muhanda yahawe amashilling 800 000 n’umuyobozi wa Chorale y’urusengero rwitwa AICT Singida, Mashala Japhet, bumvukana ko uyu muhanzikazi azitabira igikorwa cyo kumurika indirimbo z’iyo chorale hanyuma ntiyaboneka muri icyo gikorwa ndetse ntiyanasubiza amafaranga yari yahawe.

Polisi ikomeza ivuga ko banamenye amakuru y’uko Rose Muhando yanasabye andi mashilingi 150.000 yinyongera abwira Chorali AICT ko ari ayo azakoresha mu rugendo ava mu mujyi wa Dodoma yerekeza Singida ahari kubera igikorwa cyo kumurikaindirimbo zayo.

Ubwo yahatwaga ibibazo na Polisi, Rose Muhando yemeye ko yakoze amakosa yoshe ashinjwa ariko avuga ko atari abigambiriye ngo kuko ubwo yari kujya gufasha iyi Chorali yari arwaje umuvandimwe bityo ntiyabona uburyo ahagera, anavuga ko yiteguye gusubiza amafaranga yahawe na chorale y’urusengero AICT Singida..

Ibi biregwa uyu muhanzikazi w’icyamamare mu ndirimbo zo kuramya no guhmbaza Imana bije nyuma gato y’inkundura iherutse kumvikana hagati ye n’inzego za polisi ubwo yashakishwaga ashinjywa gukoresha ibiyobyabwenge.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...