konka coffee
KONKA

AMAKURU

UKWEZI

Umunyarwanda ari mu bafatiwe i Burundi mu bikorwa byo gucuruza abagore n’abakobwa

Umunyarwanda ari mu bafatiwe i Burundi mu bikorwa byo gucuruza abagore n’abakobwa
18-05-2017 saa 19:15' | By Chief Editor | Yasomwe n'abantu 10122 | Ibitekerezo

Kuri uyu wa Gatatu tariki 17 Gicurasi 2017, Polisi y’u Burundi yatangaje ko yafashe abantu bane barimo abasore batatu n’umukobwa umwe, bakurikiranyweho ibikorwa byo gucuruza abagore n’abakobwa bakabashuka babizeza ibitangaza babajyanye mu bikorwa bigamije kubambura no kubangiriza ubuzima. Muri aba bafashwe, Polisi y’u Burundi ivuga ko harimo umunyarwanda umwe.

Pierre Nkurikiye, umuvugizi w’igipolisi cy’u Burundi, yasobanuye abinyujije ku rubuga rwa Twitter ko aba bane bafashwe barimo umunyarwanda witwa Nizeyimana wari kumwe n’abarundi bane barimo uwitwa Nzikobanyanka Léonidas bakunda kwita Rusiferi, Emmanuel Ntahoturi n’umukobwa witwa Kanyamuneza bafatiwe mu gace kitwa Gisyo.

Polisi y’u Burundi ivuga ko uyu mukobwa witwa Kanyamuneza ari we washakaga abagore n’abakobwa akabashuka abizeza ko bagiye kubona akazi keza mu bihugu by’amahanga, hanyuma agafatanya n’aba basore bakabajyana mu bikorwa by’ubucuruzi bw’abantu aho baba bashobora gukoreshwa nk’abacakara, bagakoreshwa ubusambanyi ndengakamere cyangwa bamwe bagakurwamo inyama zimwe na zimwe z’umubiri wabo.

JPEG - 205.7 kb

Uyu mukobwa niwe ushinjwa ko yashukaga abandi barundikazi abizeza ibitangaza

Mu minsi yashize, Polisi y’u Rwanda yagiye ifatira mu Rwanda abantu babaga bajyanye abagore n’abakobwa mu bikorwa by’ubucuruzi bw’abantu mu bihugu by’amahanga babacishije mu Rwanda, ikabasha kubarokora bagasubizwa mu gihugu cyabo. Bamwe muri aba bavugaga ko babaga bijejwe kujya guhabwa akazi kabahemba amafaranga menshi mu bihugu nka Saudi Arabia n’ahandi.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...