konka coffee
KONKA

AMAKURU

UKWEZI

Umusirikare w’u Burundi yiyahuriye mu biro bishinzwe iperereza arapfa

Umusirikare w’u Burundi yiyahuriye mu biro bishinzwe iperereza arapfa
16-09-2016 saa 07:30' | By Chief Editor | Yasomwe n'abantu 6197 | Ibitekerezo 4

Umusirikare w’ u Burundi witwa NYONGERA Eddy Claude ufite ipeti rya Adjudant, yapfuye yiyahuye akoresheje gerenade ubwo yari mu biro bishinzwe iperereza mu mujyi wa Bujumbura, akaba yafashe iki cyemezo nyuma yo gutabwa muri yombi akurikiranweho icyaha cyo guhungabanya umutekano w’igihugu.

Adjudant NYONGERA Eddy Claude, yatawe muri yombi kuwa Gatatu tariki 14 Nzeri 2016, aho yabazwaga n’inzego z’iperereza ku bijyanye n’ibyaha byo guhungabanya umutekano w’igihugu cy’u Burundi. Yari asanzwe akora mu biro bikuru by’igisirikare cy’iki gihugu (Etat Major).

Nyuma yo gutabwa muri yombi, mu masaha y’umugoroba nibwo yiyahuye akoresheje gerenade nk’uko byemezwa na Pierre Nkurikiye, umuvugizi wa Polisi y’u Burundi. Nyuma yo kubazwa n’umwe mu bakozi b’ibiro bikuru by’ipererereza, Adjudant NYONGERA Eddy Claude yamubwiye ko agiye hanze maze ajya mu cyumba cyari kirimo gerenade zafatanywe abandi bantu bafunzwe, ahita ayiturikirizaho iramuhitana.

Urupfu rw’uyu musirikare, ruje rusange urw’abandi benshi bagiye bicwa muri iki gihugu, n’ubwo uyu we yiyahuye bikaba n’ubundi bijyana n’ikibazo cy’imidugararo n’umutekano mucye ukomeje kurangwa mu gihugu cy’u Burundi.


INKURU ZA :
Tanga Igitekerezo
Ibitekerezo 4
Mob Kuya 18-09-2016

Hasigaye kurasa uwiyise MANZI

Mob Kuya 18-09-2016

Hasigaye kurasa uwiyise MANZI

Manzi Kuya 16-09-2016

Abantu mwirirwa murasa i Rwanda mwibwiyeko bo atari ibiremwa. Mwishe Habyarimana, mwica muri Congo, Kibeho nahandi Mujya i Burundi mwabanje kurangiza iby’iwanyu

Alain Kuya 16-09-2016

Kubatazi iperereza ry’iburundi kweri ngo " Nyuma yo kubazwa n’umwe mu bakozi b’ibiro bikuru by’ipererereza, Adjudant NYONGERA Eddy Claude yamubwiye ko agiye hanze maze ajya mu cyumba cyari kirimo gerenade zafatanywe abandi bantu bafunzwe, ahita ayiturikirizaho iramuhitana."
Yoba yarari murugo iwe kwariho asohoka uko ashatse. Muga ntaco namwe muzovyishura imbere y’Imana bitabaye imbere y’abantu.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...