konka coffee
KONKA

AMAKURU

UKWEZI

Uwari Depite muri Somalia yiturikirijeho igisasu agamije gukorera Imana, hapfa 13

Uwari Depite muri Somalia yiturikirijeho igisasu agamije gukorera Imana, hapfa 13
27-07-2016 saa 11:22' | By Chief Editor | Yasomwe n'abantu 1972 | Ibitekerezo

Umugabo w’imyaka 53 wari umudepite mu gihugu cya Somalia, ni umwe muri babiri biturikirijeho igisasu kigahitana abantu 13 hafi y’ibirindiro by’ingabo z’umuryango w’Abibumbye n’iz’umuryango wa Afurika yunze ubumwe zagiye mu butumwa bwo kubungabunga amahoro muri Somalia.

Salah Badbado yabaye umudepite mu Nteko Ishinga Amategeko ya Somalia kuva muri 2004 kugeza muri 2010, ubwo yatangazaga ku mugaragaro mu kiganiro n’abanyamakuru, ko avuye mu bya politiki akaba agiye kwiyunga ku mutwe w’intagondwa za al-Shabab.

Kuri uyu wa kabiri mu gitondo, nibwo we na mugenzi we babanaga muri uyu mutwe biturikirijeho igisasu bari bafite mu modoka bari barimo, gihitana abantu 13 biganjemo abashinzwe umutekano.

Radiyo y’uyu mutwe w’intagondwa, yahise ishyira hanze amajwi uyu mugabo wahoze ari depite yifashe mbere gato y’iki gitero, aho yigambaga ko agiye gukora iki gikorwa cy’ubwiyahuzi mu rwego rwo gukorera izina ry’Imana (Allah).

Muri iri jwi yagiraga ati: "Iki gikorwa cy’ubwiyahuzi tugiye gukora, tugiye kugikora ku bwa Allah, kandi ni inshingano mu iyobokamana. Twahisemo gushimisha Allah tubabaza abatamwemera, tubababaza cyane kurusha uko bababaje igihugu cy’Abayisilamu."}

N’ubwo iki gitero cy’ubwiyahuzi cyabereye hafi y’ibiro by’Umuryango w’Abibumbye, iyo modoka yashakaga kwihuta ngo biturikirizeho igisasu bageze mu kigo imbere ariko umwe mu bashinzwe umutekano arasa imodoka, abiyahuzi nabo bahita bagituritsa.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA