konka coffee
KONKA

AMAKURU

UKWEZI

Uganda: Umugabo yiyemereye ko yishe umugore we amuziza ubushurashuzi no kumwanduza SIDA

Uganda: Umugabo yiyemereye ko yishe umugore we amuziza ubushurashuzi no kumwanduza SIDA
6-05-2016 saa 12:28' | By Chief Editor | Yasomwe n'abantu 678 | Ibitekerezo

Polisi yo mu gihugu cya Uganda, yataye muri yombi umugabo w’imyaka 27 y’amavuko wari umaze amezi ane yihishahisha, nyuma yo kwica umugore we akoresheje aside (acid), amuziza kumuca inyuma no kumwanduza agakoko gatera SIDA.

Mu ijoro rya tariki 7 Mutarama 2016, nibwo Imran Kaliisa yatwitse umugore we Justine Aisha Kyomugisha bari bamaranye imyaka 8 bashakanye, akaba yaramutwitse akoresheje aside yamumennyeho kuri bimwe mu bice by’umubiri we. Umugore yahise ajyanwa mu bitaro bya Mulago ariko mu kwezi gushize ubuzima bwaranze ashiramo umwuka, asiga umwana w’umukobwa w’imyaka 7 ari wenyine, dore ko se akimara gutwika nyina yahise ahunga akaburirwa irengero.

Muri aya mezi ashize, uyu mugabo Kaliisa yari mu bashakishwaga kurusha abandi na Polisi ya Uganda, amaherezo bakaba barabashije kumufatira ahitwa Bunyoro, maze ataruhanyije yemera icyaha yakoze ndetse ashimangira impamvu yahisemo kwiyicira uwo bashakanye.

Mu buhamya Imran Kaliisa yahaye Polisi ya Uganda nk’uko New Vision ibihamya, yavuze ko impamvu yamuteye gutwika umugore we ari uko yajyaga arara amajoro avugana n’abagabo, agakeka ko ari amahabara ye ariko yabimubaza akabihakana, akavuga ko ari abagabo bakorana mu kazi kabo ka buri munsi.

Uyu mugabo avuga ko yiyemeje gucunga umugore we, akaza kugwa ku mpapuro zemeza ko abana n’ubwandu bw’agakoko gatera SIDA bisobanura ko nawe yari yaramwanduje, kuva ubwo nawe ngo ahita amera nk’umusazi.

Imran Kaliisa avuga ko yabibajije umugore akabihakana kandi yamaze kubibonera ibimenyetso, kuva ubwo ngo uburakari bwatumye atekereza ikintu yakorera uyu mugore we ngo abe amuhannye mu buryo atazigera yibagirwa, asanga akwiye kumutwika akoresheje aside.

Nyuma yo gutabwa muri yombi akanabazwa na Polisi ku byaha ashinjwa, biteganyijwe ko azagezwa imbere y’ubutabera mu kwezi gutaha bwa Kamena 2016


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA