konka coffee
KONKA

AMAKURU

UKWEZI

Abakozi ba UN mu Rwanda batanze amaraso mu kuzirikana indembe ziri mu bitaro

Abakozi ba UN  mu Rwanda batanze amaraso mu kuzirikana indembe ziri mu bitaro
24-10-2017 saa 17:07' | By Vincent Nsengiyumva | Yasomwe n'abantu 1382 | Ibitekerezo

Abakozi b’Umuryango w’Abibumbye Ishami rikorera mu Rwanda bahuriye mu gikorwa cyo kuzirikana indembe n’abarwayi barwariye mu bitaro bitandukanye,maze batanga amaraso yo kubagoboka.Iki gikorwa cyahuriranye n’isabukuru abakozi b’uyu muryango bizihizaga uyu munsi.

Kuri uyu wa Kabiri tariki ya 24 Ukwakira 2017 nibwo Umuryango w’Abibumbye wizihije isabukuru y’imyaka 72 ubayeho, abakorera mu Rwanda bakaba bahisemo kuwizihiza bazirikana abarwayi bakeneye ubufasha bw’amaraso.

Umuhuzabikorwa wa UN mu Rwanda Fode Ndiaye, yatangaje ko mu kwizihiza isabukuru y’imyaka 72 uyu muryango ushyinzwe, bagomba kugira umusanzu batanga mu rwego rw’ubuzima, bityo bakaba barahisemo gutanga amaraso azafasha indembe.

Fode Ndiaye avuga ko iki gikorwa ari ingenzi cyane kuko kigoboka abababaye, anashimangira ko ‘gutanga amaraso ari ugutanga ubuzima’ bityo ko bizeye ko amaraso batanze azafasha benshi gukira.

Yanavuze ko ibikorwa by’urukundo bitarangira uyu munsi gusa, ko ahubwo bazamara iki cyumeru cyose bakora ibikorwa bitandukanye bifitiye abaturage akamaro ndetse n’igihugu cy’u Rwanda muri rusange.

Yagize ati “ Muri iki cyumweru turashaka kwishimira iyi sabukuru dukora ibikobwa bitandukanye birimo iki cyo gutanga amaraso. Ni igikorwa cyiza kuko iyo utanze amaraso uba urokoye umuntu umwe cyangwa babiri. Hari abantu benshi bakenera amaraso, abarwayi barembye, abakoze impanuka, ababazwe kubera impamvu zitandukanye kandi uyu muntu iyo utanze amaraso ejo hari igihe ari wowe uyakenera ndahamagarira buri muntu wese gushyigikira iki gikorwa .”

Mukamazimpaka Alexie, umukozi w’ikigo cy’igihugu cyo gutanga amaraso akanayobora ishami rya Kigali yavuze ko igikorwa cyakozwe na UN ari igikorwa cy’indashyikirwa anabashimira uburyo ubuyobozi bw’uyu muryango bwakoze ubukangurambaga.

Mukamazimpaka avuga ko buri muntu wese agomba kugira imyumvire y’uko gutanga amaraso ari igikorwa cy’ubugiraneza, akabikorana ubushake nta gahato kandi akanabikora nta gihembo ategereje.

Gusa n’ubwo gutanga amaraso ari igikorwa cy’ubugiraneza hari abantu bataba bemerewe gutanga amaraso bitewe na zimwe mu ndwara cyangwa imyitwarire n’imibereho ye.

Yagize ati “Umuntu utanga amaraso ni umuntu utagendera mu ngeso z’ubusambanyi, ni umuntu utagirana imibonano mpuzabitsina n’umuntu urenze umwe, ni umuntu utanywa ibiyobyabwenge cyangwa ngo abyitere.”

Yakomeje avuga ko n’abantu barwaye zimwe mu ndwara zitandukanye nka Sida, umwijima wo mu bwoko bwa B na C n’izindi zandurira mu maraso.

Abakozi ba UN mu Rwanda mu gikorwa cyo gutanga amaraso

Fode Ndiaye umuhuzabikorwa wa UN mu Rwanda


Mukamazimpaka Alexie umukozi w’ikigo cy’igihugu cyo gutanga amaraso akanayobora ishami rya Kigali


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...