konka coffee
KONKA

AMAKURU

UKWEZI

Abana 4560 bamaze gukurwa mu muhanda n’ikigo CECYDAR bamwe muri bo barangije za kaminuza

Abana 4560 bamaze gukurwa mu muhanda n’ikigo CECYDAR bamwe muri bo barangije za kaminuza
23-08-2017 saa 08:12' | By Akayezu Jean de Dieu | Yasomwe n'abantu 747 | Ibitekerezo 1

Mu myaka 25 kimaze gikorera mu Rwanda, Ikigo CECYDAR cyashinzwe n’umurayango wa nyakwigendera Rugamba Cyprien, kimaze gukura mu buzima bubi bwo mihanda abana ibihumbi bine magana atanu na mirongo itandatu (4560) bamwe muri bo bakaba bamaze kurangiza amashuli makuru na za Kaminuza.

Iki kigo nyarwanda kitegamiye kuri Leta cyashinzwe na Rugamba Cyprien wamenyekanye cyane mu ndirimbo zo hambere zamamaye cyane mu Rwanda, afatanije n’umugore we mu mwaka w’ 1992, ndetse kiranabitirirwa ‘Centre Cyprien & Daphrose Rugamba’ CECYDAR mu magambo y’impine.

Igitekerezo cyo gushinga iki kigo cyaturutse ku mugore wa Nyakwigendera Rugamba Sipiriyani ubwo yarimo acuruza ibirayi mu mujyi wa Kigali, Akarere ka Nyarugenge hanyuma umwana wo mu muhanda(Bitaga mayibobo) araza amwiba ikirayi ubundi kuva icyo gihe aterwa agahinda n’ubuzima abo bana babayemo, ari naho yahereye ageza igitekerezo ku mugabo we Rugamba Sipiriyani bemeranya gushinga ikigo kizajya gikura abana mu mihanda kikabafasha kubaho nk’ikiremwa muntu.

Mu ntero y’umuhanzi Rugamba Sipiriya yagiraga iti "Aba bana bagaragara nk’abaterashozi bitaweho bazaba abaterashema."

Iki kigo kugeza ubu gikorera mu mujyi wa Kigali kikaba gikorera muri Kominote Emmanuel, Umuyobozi w’iki kigo Bitega Joseph avuga ko kuva cyabaho kimaze kunyuramo abana 4560 ndetse bamwe muri bo bakaba bararangije kwiga amashuli makuru na za kaminuza babifashijwemo n’iki kigo.

Bitera Joseph yagize ati “Muri iki kigo tumaze gufasha abana benshi ubusanzwe mbere tugitangira twajyaga ku mihanda tugafata abana bari hagati y’imyaka 5 na 15 tukabazana muri iki kigo tukabanza kumenya impamvu zatumye bajya mu buzima bwo mu mihanda, hanyuma tukabafasha mu buryo bunyuranye.Hari abo twagiye dufasha kwiga amashuli yabo ndetse hari n’abo tumarana amezi atandatu baba bamaze kubona imiryango yabo tukayibajyanamo akaba ariho tubakurikiranira.”

Umwe mu bana barerewe muri iki kigo kuri ubu akaba ari umunyeshuli muri kaminuza, avuga ko yakuwe mu buzima bwo mu muhanda mu mwaka wa 2003 aza kurererwa muri iki kigo cya CECYDAR kuri ubu akaba ageze mu mwaka wa Gatatu muri kaminuza y’u Rwanda ishami ry’ubuhinzi n’ubworozi.

Iki kigo gikorana bya hafi na Minisiteri y’Uburinganire n’Iterambere ry’Umuryango ndetse na Komisiyo y’Igihugu y’abana kivuga ko hari gahunda yo kurebera hamwe uburyo abana bose bari mu mihanda yo mu Rwanda bazakurwamo bakagezwa mu miryango abandi muri bo bakabasha kwakirwa n’ibigo nk’ibi bikabafasha.


Umuyobozi w’ikigo CECYDAR Bitega Joseph avuga ko kuva iki kigo cyabaho kimaze kunyuramo abana basaga 4560


INKURU ZA :
Tanga Igitekerezo
Ibitekerezo 1
Aline Kuya 24-08-2017

Nyagasani ahe umugisha abita ku bana b’u Rwanda bose bagirango bazavemo abanyarwanda beza b’ejo hazaza.Ndashimira Imana izi mbuto z’urukunda rw’ababyeyi bacu Cyprien na Daphrose RUGAMBA.Yubile nziza kuri twese

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...