konka coffee
KONKA

AMAKURU

UKWEZI

Agahinda k’umuryango w’abantu 3 babana mu karuri n’ihene yitwa Mutesi - AMAFOTO

Agahinda k’umuryango w’abantu 3 babana mu karuri n’ihene yitwa Mutesi - AMAFOTO
18-10-2017 saa 14:44' | By Akayezu Jean de Dieu | Yasomwe n'abantu 8917 | Ibitekerezo 4

Umuryango w’abantu batatu, Umusaza n’umukecuru ndetse n’umwuzukuru wabo baba mu mudugudu w’Ibuhoro, akagari ka Nyagatovu mu murenge wa Kimironko aho baba munzu y’icyumba kimwe nayo yahoze ari ikiraro cy’inka bakaza kugitizwa na nyiracyo ubwo imirimo y’ubworozi yakoreragamo yari ihagaze. Uyu muryango kandi ufite impungenge ko n’ubwo iyi nzu yenda kubagwaho ariko iri no mu gishanga isaha ku isaha imvura ishobora kugwa ikabatwara. Iyi nzu banabanamo n’ihene yabo bavuga ko yitwa Mutesi.

Umukecuru witwa Mukamuyango Gelardine uvuga ko afite imyaka irenga 60 ariko nawe atibuka neza umubare nyawo, ni we ikinyamakuru Ukwezi.com cyasanze muri uru rugo maze atubwira ko abana n’umugabo we nawe ugeze mu za bukuru udafite imbaraga zo gushakisha. Uyu mukecuru kandi yatubwiye ko bavuye mu karere ka Karongi muri 2009 baje gushakisha ubuzima i Kigali bahagera naho bigakomeza kwanga cyane ko batagiraga aho kuba nyuma baza kugobokwa n’umugiraneza witwa dogiteri (Docteur) wabahaye inzu yororeragamo inka mu gishanga nyuma ngo inshuti n’abavandimwe bakaza kubafasha kuyisana.

Mu kiganiro yahaye ikinyamakuru Ukwezi.com, uyu mukecuru yadutangarije ko ahabwa inkunga y’ingoboka igenerwa abageze mu zabukuru batishoboye ariko akavuga ko aramutse ahawe aho guhengeka umusaya akareka kurarana n’ihene muri aka karuri, byamugwa neza.

Yagize ati “Inkunga se? Rwose udufaranga baratumpa nanjye, dore ngiyi isukari mba naguzemo nkagura n’amavuta yo guteka ariko muby’ukuri nanjye ndamutse mbonye inzu yo kubamo namererwa neza nk’abandi dore ko iyi nzu mbamo ari aho nahawe na dogiteri amaze gukuramo ikiraro cy’inka, abavandimwe bakadufasha kuyisana gutya”

Uyu mukecuru kandi twamubajije impamvu abana n’ihene mu nzu dore ko iba iziritse ku giti kiri hafi y’igitanda, ahegereye umuryango usohoka muri iyi nyubako, maze avuga ko nta bundi buryo yabona kandi ko n’iyo hene ari iyo yahawe n’umuturanyi wamugiriye impuhwe.

Ati "Ihene yanjye yitwa Mutesi ntabwo ishobora kumva iruhande ariko nyine ni ukubura uko umuntu agira mbonye aho kuyiraza nanjye nkareka kurarana n’ihene nakwishima"

N’Ubwo twavugishije umukozi w’umurenge wa Kimironko ushinzwe irangamimerere akatubwira ko uwo muryango ubana n’ihene mu nzu atuwuzi, hari amakuru yizewe agera ku kinyamakuru Ukwezi.com ko nyuma y’uko umunyamakuru avuye gusura uyu mukecuru ubuyobozi bw’umurenge bwahise bujya gushaka uburyo yakwimurwa akavanwa muri iki gishanga ndetse agashakirwa aho kuba.


Iyi niyo nyubako ibamo uyu mukecuru, umutware we ndetse n’umwuzukuru wabo
Iyi hene bahaye akazina ka mutesi kubwo kuba irarana nabo, ubu yarabyaye Uyu mukecuru kandi yatubwiye ko barara mu nzitiramibu n’ubwo inzu yabo ari ntoya

Aya nayo ni amashyiga batekaho Ubu nabwo ni ubwiherero bw’uyu muryango bwegeranye cyane n’iyi nzu babamo


INKURU ZA :
Tanga Igitekerezo
Ibitekerezo 4
cccv Kuya 22-10-2017

njye ndumva basubizwa ku isambu yabo muri karongi kugirango bahinge beze babone ibibatunga bo gukomeza kuba umutwaro kuri Leta.

-xxxx- Kuya 19-10-2017

Kuki badasubira Karongi ku isambu. Abayobozi baragowe. Mu mujyi ujyibwamo n’abahari te imirimo abandi imirimo yabo iri mu cyaro hafi y’ubutaka. Murakoze ni inama ntanze .

Elise Kuya 19-10-2017

Yooo! disi ndababaye, ubuse koko abayobozi ntibabibona?
ubu se nubwo afite inkunga y’ingoboka nayo iza rimwe mumezi atatu yamumarira iki? gusa nkabanyamakuru ntimukandike gusa ahubwo mujye muganira n’abo bireba mumenye niba hari nagatekerezo ko kugirira neza abababyeyi bacu, ntidukwiye gushora amafaranga menshi mu myidagaduro kandi hari abaturage bageramiwe bene akakageni, yego kwishimisha nibyo biranakenewe, ariko gufasha abantu nkaba nibyo byibanze

Joe Kuya 18-10-2017

Ariko ibi ndabona bitabaho ino mu Rwanda byongeye noneho mu mujyi wa kigali

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...