konka coffee
KONKA

AMAKURU

UKWEZI

Ahimana amaze imyaka irenga 5 mu bitaro none banamwangiye ko mituweli yamuvuza

Ahimana amaze imyaka irenga 5 mu bitaro none banamwangiye ko mituweli yamuvuza
11-07-2017 saa 17:56' | By Chief Editor | Yasomwe n'abantu 13776 | Ibitekerezo 25

Ahimana Céléstin ni umusore w’imyaka 26 wahuye n’akaga gakomeye ubwo yari arangije amashuri yisumbuye, yitegura gukomereza muri Kaminuza. Yakoze impanuka ubwo yari iwabo mu rugo, bimuviramo kuvunika ijosi, bimutera ibibazo by’ubuzima byatumye kugeza ubu amaze imyaka irenga 5 mu bitaro. Mu gihe asabwa amafaranga menshi cyane yo kwivuza, ubuyobozi bwa mituweli nabwo bwamubwiye ko kwivuriza kuri mituweli asanzwe yivurizaho bidashoboka.

Ahimana Céléstin ni umusore ukomoka mu murenge wa Karangazi wo karere ka Nyagatare, aho benshi bakunda kwita mu Mutara. Mu mwaka wa 2012, ubwo yari arimo gukora imirimo yo mu rugo, yakoze impanuka, aratsikira aragwa, bimuviramo kuvunika ijosi.

Yivurije mu bitaro bya Nemba mu karere ka Gakenke, ajya mu bitaro bya CHUK ndetse ajya no mu bitaro by’inkomerere bya Nyagatare, ari naho amaze igihe kirekire aryamye kuko ahamaze imyaka ine n’amezi atanu, ariko igihe cyose amaze mu bitaro ubariyemo n’aho yivurije mbere, kikaba kirenga imyaka 5.

Mu kiganiro n’ikinyamakuru Ukwezi.com, uyu musore yashimangiye ko yahuye n’akaga gakomeye, nyuma yo kuvunika ijosi bakamushyiraho igisima ngo amagufwa yongere gufatana neza, ariko nyuma bikaba byaragaragaye ko amagufwa atahuye neza ahubwo hagafatana amagufwa ataringaniye, ari nabyo byatumye igice cyo hasi cyose kigagara, ibi bikaba byararushijeho kumukomerera.

Kumara imyaka yose aryamye ku gitanda ndetse no kuba igice cyo hasi cy’umubiri we cyaragagaye, byatumye Ahimana anahura n’ikibazo cy’uko umugongo wabaye ibisebe, ibi byose bikaba byaramuzahaje kandi kuba umuryango we umaze kuzahara mu by’ubukungu kubera amafaranga menshi bamutanzeho, bituma atakaza icyizere cyo kuzakira kuko n’ubu aho aryamye hari ubuvuzi atabonye kuko yabuze ubushobozi. Mu minsi ishize ubwo ikinyamakuru Ukwezi.com cyaganiraga nawe agasobanura uburwayi afite, hari abamufashije abona amafaranga yo gukoresha ibizamini byatumye hamenyekana uko uburwayi bwe bumeze, n’ubwo yabuze ubushobozi bwatuma abasha kuvurwa ngo akire burundu.

Ikibazo cy’uyu musore yakigejeje ku nzego zinyuranye azisaba ubufasha bamubwira ko nta ngengo y’imari bafite, mu bamuhakaniye harimo na Minisiteri y’Ubuzima yitabaje mu minsi yashize mu gihe yari ikiyoborwa na Dr Agnes Binagwaho.

Yari yoherejwe kuvurizwa mu Buhinde, aho bari bamuciye amafaranga akabakaba miliyoni ecyenda ubaze mu mafaranga y’u Rwanda, nyuma aza kubwirwa ko byashoboka ko yivuriza no mu bitaro byitiriwe Umwami Faisal biri ku Kacyiru mu mujyi wa Kigali, ariko yasanze ari ho byamuhenda kurushaho kuko ubuvuzi bw’ibanze bamuha mu minsi 6 gusa bwamutwara hafi miliyoni enye, nyuma y’iyo minsi bakagenda bamubwira ibindi yishyura, kuburyo yumva byamutwara amafaranga menshi cyane kuruta n’ayo mu Buhinde.

Ahimana kandi yagerageje kwandikira ikigo cy’igihugu cy’ubwiteganyirize, RSSB, abasaba ko yakwivuriza ku mwisungane mu kwivuza, ariko ibaruwa dufitiye kopi, Gatera Jonathan uyobora RSSB yamwandikiye tariki 29 Gicurasi 2017, yamubwiraga ko mituweli ikirimo kwiyubaka ikaba itaragira ubushobozi bwo kumwishyurira ayo mafaranga asabwa, bityo bamugaragariza ko agomba kwiyishyurira adakoresheje mituweli.

Kugeza ubu Ahimana avuga ko byamuyobeye, agasaba umugiraneza wese wabibasha kumutabara akabasha kwivuza kuko izindi nzego zose yatakiye bamugaragarije ko bitakunda ko bamwishyurira ubuvuzi.

Ku muntu wese ufite umutima w’urukundo n’impuhwe wakwifuza kugira ubufasha bwose aha uyu musore, yamusanga mu bitaro bya Nyagatare cyangwa akamuhamagara kuri 0782124301 cyangwa 0722124301, cyangwa nanone agahamagara umurwaza we kuri 0722271047.

SANGIZA ABANDI IYI NKURU NABWO URABA UHAYE UYU MUSORE UBUFASHA


INKURU ZA :
Tanga Igitekerezo
Ibitekerezo 25
Yves Kuya 21-07-2017

Nahimana arababaye pe. Biragoye kohereza amafaranga utazi neza security yayo, kandi utazi neza niba icyo uyatangiye kiza kurikizwa.
Niyo mpanvu hafungurwa compte muri bank runaka, ikitirirwa izina ryuwo murwayi maze tukamufasha. Nka kinyamakuru mwafata iyo initiative, mukafunguza iyo compte maze mukayamamaza. Murakoze

Simeon Desantos Kuya 20-07-2017

Ndababaye rwose kubwuriya muvandimwe umaze igihe mubitaro,ariko rwose Leta ntiyagakwiye kuvugako ntamafaranga ubu c bafashe amakipe abiri APR FC na RAYON sport bakababwira iki kibazo bakabasaba ko bakina umukino wagishuti avuyemo bakayafashisha uyu muvandimwe,nzi neza ko bitewe nabyo ayo makipe atabangira rwose ahubwo bipfira mubuyobozi

agaciro Kuya 19-07-2017

ubundi se ko dufite ikigega amafranga arimo akora iki?niba tuvuga ko ubukungu bwancu ari twe , ni gute umuntu yamara mu bitaro imyaka ingana gutya nkaho nta buyobozi buri aho atuye, ibi ranga shyaka byatwaye angahe? byamamaza abamamaye nubundi. Agaciro oyeeeeee

placide Kuya 17-07-2017

imana ikomeze kumurengera

nsa biyaremye Daniel Kuya 15-07-2017

mudukurikiranir uwo mwarimu yameny ibanga

ELISE Kuya 15-07-2017

Twongere twisabire UKWEZI.COM ko badukurikiranira iby’uyu muvandimwe kandi bakadushakira aho twakusanyiriza inkunga tukivuriza umuvandimwe kuko ndabona RSSB ubugugu b’amafaranga bwanze ,twe nti twarebera umuvandimwe aducika kuko igihugu kizubakwa n’amaboko y’abana bacyo .Murakoze kuzirikana indangagaciro kacu nk’abanyarwanda

Mahoro Kuya 14-07-2017

Ibintu nk’ibi rwose abanyarwanda ntabyo tuba tuzi none reka dusabe ukwezi kutugejejeho iyi nkuru kudufashe muri organisation. Ni ukuri abantu bitanze ni iyo yaba ari RWF 1.000 buri muntu atanze uyu mwana yavuzwa.

sikubwabo Innocent Kuya 13-07-2017

Elise igitekerezo cye ndagishyigikiye gusa ndumva hagenwa uburyo bwizewe twagezaho inkunga nkaba numva natanga 1000Rwf. kandi RSSB yabidushamo mugushaka ubwo buryo bwizewe.NAHIMANA nahumure
ntakinanira Imana

Ernestto Kuya 12-07-2017

dukwiye icyigega gifasha abantu nkabangaba kuko njye aga Hinda nikose

innocent Kuya 12-07-2017

Uyu muvandimwe arababaje cyane ariko Imana ushobora byose izabikora,Gusa numva abantu twese dukwiriye kugira icyo dukora ngo ubuzima bwe buve mukaga kuko kuva kera umutima WO gutabarana warangaga abanyarwanda.Hashyirweho uburyo bwo gukusanya inkunga bihereye aho atuye,mu masengero,mu mashyirahamwe.,mu mavuriro n’ahandi hatandukanye hagire ababyitangira basobanure Ikibazo cye nziko Imana izagira icyo ikoresha abantu bayo.

umuntu Kuya 12-07-2017

Mu kiganiro n’ikinyamakuru Ukwezi.com, uyu musore yashimangiye ko yahuye n’akaga gakomeye, nyuma yo kuvunika ijosi bakamushyiraho igisima ngo amagufwa yongere gufatana neza, ariko nyuma bikaba byaragaragaye ko amagufwa atahuye neza ahubwo hagafatana amagufwa ataringaniye, ari nabyo byatumye igice cyo hasi cyose kigagara, ibi bikaba byararushijeho kumukomerera. man nge ndumva nubwo ministeri yubuzima idashaka kugufasha ikosa nirya baganga bagushyizeho igisima nabi kuko ntaho byabaye ngo amagufwa ahure yibeshye ubwo nabaganga baba bibebeshye cg bakabikorana uburangare cg nabi so nge ndumva ikibazo cye amaherezo azakigeza mu nzego zishinzwe urenganzira bwa muntu cg agasaba intore izirusha interera kuko nabonye ariwe wagowe kuza gukemura ibibazo biba biba byabuze igisubizo

Etienne Kuya 12-07-2017

Uyu musore arababaje pe. Kandi ndashinira ukwezi kwamushakiye ubufasha. Ariko leta yaka imisoro koko buriya ntacyo ya mumarira. Ese koko umuntu yabigenza até?

ANITHA Kuya 12-07-2017

Nta kure Imana itagukura ndasenze ngo Imana yo mwijuru ikora ibyananiye abana ba bantu itabare uyu mwenedata..Amen

lg Kuya 12-07-2017

IBYIZA, BYOSE NIBYABAMWE, SI BYABOSE, UMUKENE NGO MUTUELI NTIYAMUVUZA MINISTERI YUBUZIMA NGO NAPFE NTAMAFARANGA IFITE UDAFITE AMAFRANGA NTAGIRE, RAMA NTAKANDAGIRA MULI FAYCAL NIGUTE UMUNTU ABORERA, MU BITARO KUGEZA APFUYE DUFITE IBITARO ABAGANGA BAHEMBWA AMAFRANGA YIGIHUGU ABANTU BIFITE NABAKOZI, BA LETA KUKI BUMVA BAGOMBA KWIHARIRA, IBINTU BYOSE RSSB NGO NTIYASHOBORA KUMUVUZA UWABIVUZE BURIYA ARWAYE GRIPPE, YAFATA, INDEGE NGO AGIYE KWIVUZA KANDI SAYE, YATANGA UBUSE KO ABANYAMAHANGA BAVA IWABO BAKAZA KUVURA, KUBINTU HANO ABAGANGA NIBAMUTERANIRE HO BAMUVURE KUBUSA IBIKORESHO IBITARO NTABYO BYAGUZWE, AYABO NAYI, GIHUGU,

Dada Kuya 12-07-2017

Ikimbabaza nuko nkibyo president wacu atabimenya ntekereza neza ntashidikanya kobiramutse bimugezeho ubufasha yabubona akokanya kdi abamuhakaniye bose nziko bakirukanwa mukazi. Dutabare umuvandimwe banyarwanda

Solange mukasafari Kuya 12-07-2017

Mana ishobora byose nzi neza yuko uyu mwana wawe umuzi neza ’Reba uburyo ababaye ndakwinginze gira icyo ukora Mana kuko inzira zawe ninyishi

Solange mukasafari Kuya 12-07-2017

Mana ishobora byose nzi neza yuko uyu mwana wawe umuzi neza ’Reba uburyo ababaye ndakwinginze gira icyo ukora Mana kuko inzira zawe ninyishi

juju Kuya 12-07-2017

ubufasha leta itabonye nabaturage ntacyo barakumarira ntabwo nguciye intege amafaranga dutanga muri mutuele nimenshi cyane cyane ntabwo leta yakuburira nkeshanu tumbira ubwiza bw Imana munywanyi ntakundi

dada Kuya 12-07-2017

Imana yironkere igitambo kuko birababaje.

fkaa Kuya 11-07-2017

leta yarangiza ngo dukunda abaturajye bacu hahhaha hahha nukwinumira tu wakira ukabaho wapfa ukaba wiruhukiye

RUBAYIZA SAMUEL Kuya 11-07-2017

UKWEZI.COM
MUSHYIREHO UBURYO BWO KUMUFASHA.
MUBISHYIZE MUNSHINGANO ZANYU
MUSHYIZEHO UMUNSI MUKAWUTANGAZA
AYABONEKA YAGIRA UMUMARO.

Tumukunde Marie Rose Kuya 11-07-2017

nukuri Imana ibyunve ihindure ibyanze guhinduka igirenicyo ikora pe kuko warababaye bihagije pe Imana ifite kwigaragaza nkimana kuko ndunva aho bigeze ntamwana wamuntu wahakandagita uretseyo ivuga bikaba kd yanategeka bigakometa ikanahindur ibyanze gujinduka.

ELISE DE DIEU Kuya 11-07-2017

Bana b’u Rwanda,
Uhereye kera kose abanyarwanda turangwa no gufashanya ,gutabarana no gutahiriza umugozi umwe, izo ni zimwe mu ndangagaciro z’umunyarwanda ufite umutima wa Kimuntu , ariko ndumiwe kumva ngo RSSB nta bushobozi ifite bwo gutabara umuvandimwe umwene gihugu,ubu koko amaf.abanyamuryango dutanga yaburamo ayo kuvuza umuvandimwe uretse kubeshya ??? knd tubona ayo gutanga habaye imikino,PGSS, ariko gutabara uri mu byago byo ni kera habayeho,yego abababaye ni benshi ariko se mubona nta cyakorwa ko ngo nibura buri mwaka hage hatabarwa umuntu nibura umwe cg babiri. miriyoni 12 ziri mu gihugu buri wese atanze 500 nihereyeho nti twabura amafar.yo kuvuza uyu mwana.Murakoze ni ukonabyumvaga

manzi Kuya 11-07-2017

Aliko birababaje,f yirirwa apfushwa ubusa muri iki gihugu ntiyavuza abantu nk’ aba koko!!!!!!

manzi Kuya 11-07-2017

Aliko birababaje,f yirirwa apfushwa ubusa muri iki gihugu ntiyavuza abantu nk’ aba koko!!!!!!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA