konka coffee
KONKA

AMAKURU

UKWEZI

Amagambo akomeye Jean Sayinzoga yasize abwiye umukobwa we y’ibyo bazitondera napfa

Amagambo akomeye Jean Sayinzoga yasize abwiye umukobwa we y’ibyo bazitondera napfa
20-04-2017 saa 14:52' | By Chief Editor | Yasomwe n'abantu 34628 | Ibitekerezo 17

Umusaza Sayinzoga Jean wamenyekanye cyane mu Rwanda kubera gukina umukino wa karate yari ayoboyemo abandi bakarateka bose mu gihugu ndetse akaba anazwi mu buyobozi bwa Komisiyo y’igihugu yo gusubiza mu buzima busanzwe ingabo zavuye ku rugerero, mbere yo kwitaba Imana ku Cyumweru tariki 16 Mata 2017, hari amagambo akomeye yari yarabwiye umukobwa we amumenyesha ibyo bazitondera naramuka apfuye.

Betty Sayinzoga, umukobwa wa nyakwigendera Jean Sayinzoga, yatanze ubuhamya kuri uyu wa Kane tariki 20 Mata 2017 mu muhango wo kumuherekeza bwa nyuma, avuga bimwe mu byo yaganiriye na se mbere y’uko apfa, anahishura ibintu uyu mubyeyi we yasize amubwiye ko bazitondera mu gihe azaba amaze gupfa.

Muzehe Sayinzoga yavuzwe ibigwi n’amateka y’ibyamuranze akiri ku isi, hanasobanurwa ibyo yavuze bizitonderwa

Nk’uko byasobanuwe muri ubu buhamya, Jean Sayinzoga yasize abwiye mukobwa we Betty Sayinzoga ati: "Umunsi natabarutse ntihazagire uvuga amashuri nize sinzaba ngiye gushaka akazi". Yongeraho ati: "Ntihazagire uvuga abana nabyaye kuko sinarobanuye abo nabyaye n’abo nareze, bose nabareze ntabavanguye". Sayinzoga Jean kandi yabwiye Betty Sayinzoga ko batagomba kuzarira igihe azaba yapfuye. Ngo yagize ati: "Umunsi natabarutse ntimuzaboroge ahubwo muzishime kandi muharanire gukomeza umuryango."

Iyi ni ifoto ya nyakwigendera Sayinzoga akiri umusore aho yakundaga cyane umukino wa karate

Mu kiganiro uyu mukobwa Betty Sayinzoga yagiranye na Se akiriho, ngo yamubajije ibyaranze umuryango wabo amusubiza ko waranzwe no Kutavogerwa, Ubunyangamugayo, Ubucuti nyabwo n’Umurava.

Sayinzoga watabarutse ku Cyumweru tariki 16 Mata 2017, hari hashize igihe kirekire ari we munyarwanda ufite dani nyinshi mu mukino wa karate dore ko yari afite dani esheshatu, icyakoze hari hashize igihe gito Sinzi Tharcisse na we ageze kuri uru rwego, kuko na we aherutse kubona dani ye ya gatandatu, bivuga ko banganyaga ariko Sayinzoga akaba ari we wayibonye mbere.

Iyi ni ifoto ya vuba, aha Sinzi Tharcisse (ubanza ibumoso) yari kumwe na Sayinzoga (uri hagati)

Sayinzoga Jean wari umwe mu nzobere z’amateka y’u Rwanda, yagize uruhare rugaragara mu bumwe n’ubwiyunge bw’Abanyarwanda kandi yatanze umusanzu ufatika mu gucyura impunzi z’abanyarwanda, cyane abari barahungiye muri Repubulika Iharanira Demokarasi ya Kongo.

Abayobozi bakuru b’igihugu mu nzego zitandukanye bitabiriye imihango yo gusezera Sayinzoga, yabimburiwe na misa yo kumusabira yabereye kuri Regina Pacis i Remera

Madamu Jeannette Kagame nawe yitabiriye misa yo gusabira nyakwigendera Sayinzoga

Minisitiri w’Ubutegetsi bw’igihugu, Francis Kaboneka muri uyu muhango

Ange Ingabire Kagame, umukobwa wa Perezida Paul Kagame na we yari ahari


INKURU ZA :
Tanga Igitekerezo
Ibitekerezo 17
nsengiyumva Daniel Kuya 27-04-2017

Imana imwakiremubayo yarintwari yurwanda

Linda Kuya 25-04-2017

My dear Patrice gukunda Imana no kujya murusengero ni ibintu 2 bitandukanye, urusengero nyakuru ni umutima w’umuntu, iyo ufite indangagaciro nyarwanda Uba ukunda Imana kuko uba ukora ibyo Ishaka. Niba hari abantu babacuyi babaho nabantu baba munsengero ntimuzibishye ngo mwumve ko abatajya murusengero ari abapagani, abapagani benshi buzuye munsengero.

Linda Kuya 25-04-2017

My dear Patrice gukunda Imana no kujya murusengero ni ibintu 2 bitandukanye, urusengero nyakuru ni umutima w’umuntu, iyo ufite indangagaciro nyarwanda Uba ukunda Imana kuko uba ukora ibyo Ishaka. Niba hari abantu babacuyi babaho nabantu baba munsengero ntimuzibishye ngo mwumve ko abatajya murusengero ari abapagani, abapagani benshi buzuye munsengero.

JUNAD Kuya 21-04-2017

yazize iki?
bavandi!

Bizimana jean Kuya 21-04-2017

uyumusaza twamwemeraga,imana imuhiruhuko ridashira,R.I.P.

Patrice Kuya 21-04-2017

Iyo umuntu yapfuye abantu bivugira ibyo bashaka.ubundi se uretse kutwifatira ,umuntu ugiye gupfa abanza agategura ibyo bazamuvugaho? Bose tubavugaho ibyiza gusa!!!! Ntawe numva avuga ibibi!!!! Ikindi nuko niba atarasengaga ajyanwa mukiriziya.ni benshi murimwe mutarabumbura bibiliya ariko nimuva mumubiri tuzabarata tuvuge ko mwakundaga Imana!!!! None se ifoto yuko yarazi karate buriya ntiri murwego rwokugaragaza amashuri yize!!!!
Birakwiriye ko dushyira ubwenge kugihe tukamenya ko ntawe ufite kuramira ubuziraherezo muri ubu bugingo bityo tukabana mumahoro ntawe twambuye ubuzima bwe ndetse tukubaha umuremyi wacu ,aho kurwanirira kwamamara muri.iyi si ahubwo tukita Mu gutegura urugendo rujya Ku Mana. Yohana 3:16

ANITHA Kuya 21-04-2017

@Uwayo usubije neza eugene iby izo DAN n abanyamakuru babivuze nambere hose ntago yigeze abatuma kubitangaza ibindi ni ubuzima bwe bwite yasize atangaje...SAYINZOGA wari imfura ni inyangamugayo rwose RIP

dada Kuya 21-04-2017

Ibyo umusaza yavuze nukuri.ntawurupfurwatinye Ngo nuko afite amashuri cgwa nuko afite abana.iyo bigeze kurupfu arituze aruwaminuje twese turangana,byakaduhaye isomo ryo gucabugufi bantubimana.RIP muzei

Higiro Kuya 20-04-2017

Sayinzoga yamvugiye ibyange. Ahubwo wagirango twarabiganiriye!

Higiro Kuya 20-04-2017

Sayinzoga yamvugiye ibyange. Ahubwo wagirango twarabiganiriye!

uwayo Kuya 20-04-2017

Eugene reka gusesengura ibyo utumvise menya ko izo Dani zavuzwe n’umunyamakuru.ntabyo yamutumye ni nkuko nawe ushatse wavuga amashuri yize ariko siwe waba yabigutumye

bernadette n Kuya 20-04-2017

Imana imuhe iruhuko ridashira abe mubayo kandi umuryango wirinde gutandukanya abana asize

Ndayisenga Dieudonne Kuya 20-04-2017

Ndanyuzwe niragi yasize araze umuryango wiwe.

Ruto Kuya 20-04-2017

GAKWANDI URABABAJE UBWO SE URAHINYURA IKI KOKO ? URUWO GUSENGERWA.

gakwandi Kuya 20-04-2017

amashuri se batavuze ngo ntagiye gusaba akazI bakavuga za Dan agiye kurwana?

abana se ni ibanga naryo? niba atararobanuraga buriya ntabo baturanye baburaraga

RIP

Eugene Kuya 20-04-2017

Ntimuzavugr amashuri nize,ntimuzavuge abana nsize.Uyu musaza yari inyangamugayo pe.

Gaga Kuya 20-04-2017

Aka kantu ko kutarobanura abana no kutavuga amashuri yize nk’aho agiye gusaba akazai ndagakunze kabisa. Byerekana sagesse uyu musaza yari afite pe!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...