konka coffee
KONKA

AMAKURU

UKWEZI

Ese koko iterambere mu ikoranabuhanga mu Rwanda ryatesheje agaciro IPOSITA?

Ese koko iterambere mu ikoranabuhanga mu Rwanda ryatesheje agaciro IPOSITA?
10-10-2017 saa 12:06' | By Chief Editor | Yasomwe n'abantu 876 | Ibitekerezo 1

Hari abantu bamwe bajya bibwira ko kuba iterambere mu ikoranabuhanga rigenda ritera imbere ndetse hagahora havuka uburyo bworoshye bwo guhererekanya ubutumwa, kohererezanya amafaranga n’ibindi byakunze gukorwa n’iposita, byaba bituma agaciro k’Iposita kagabanuka nyamara ahubwo hari ukuri kugaragazwa gushimangira ko akamaro k’Iposita ari ntagereranywa, ndetse ahubwo ko ikoranabuhanga ubwaryo rigenda rituma abantu barushaho gukenera Iposita.

Kuri uyu wa Mbere tariki 9 Ukwakira 2017, hizihijwe umunsi mpuzamahanga w’Iposita. By’umwihariko mu Rwanda, uyu munsi ukaba warabanjirijwe n’icyumweru cyahariwe gusobanura ibikorwa by’Iposita, gushishikariza abantu kwitabira kurushaho gukoresha iposita no kwerekana akamaro ntagereranywa ifite mu iterambere n’imibereho myiza y’abatuye isi n’Abanyarwanda by’umwihariko.

Kuri uyu munsi mpuzamahanga ngarukamwaka wahariwe Iposita, Ubuyobozi bw’Iposita mu Rwanda bwagiranye ikiganiro n’abanyamakuru, bugaragaza ibikorwa iposita y’u Rwanda ikora ndetse n’uburyo bakomeza kugira uruhare mu koroshya itumanaho mu bijyanye no kohererezanya ubutumwa bw’amabaruwa n’ubw’ibucuruzwa cyangwa ibindi bikoresho abakiriya bifuza ko Iposita ibagereza ku bo babigeneye.

Umuyobozi mukuru w’Iposita y’u Rwanda, Kayitare Celestin, yasobanuye ko n’ubwo ikoranabuhanga ryatumye mu myaka icumi ishize ubutumwa bw’amabaruwa Iposita yakiraga ngo ibugeze ku bo bugenewe, bwagabanutseho 6%, ngo ubutumwa bujyanye n’ibicuruzwa n’ibindi bikoresho haba imbere mu gihugu no ku rwego mpuzamahanga bwo bwariyongereye, kuburyo iposita ibasha kwinjiza amafaranga ayifasha kunoza neza ibikorwa byayo byose nyamara nta mafaranga ihabwa na Leta.

Kayitare Celestin kandi yerekanye ko Iposita igira uruhare mu koroshya ibikorwa by’abakoresha ikoranabuhanga, kuko nk’abatumiza cyangwa bagura ibintu mu mahanga, bashobora kubikora ku ikoranabuhanga ariko bakazakenera Iposita kugirango ibagezeho ibyo baguze cyangwa batumijeho. Icyakoze aha uyu muyobozi yagaragaje ko hakiri imbogamizi mu bijyanye no kunoza neza imyorondoro (adress) kuburyo hari aho bigorana kugirango umuntu agezweho iwe mu rugo ibyo yatumije, ariko ibi Leta ikaba ibishyiramo imbaraga aho imihandai igenda ihabwa ibirango n’amanimero ndetse n’amazu amwe n’amwe akaba akomeje kugenda ashyirwaho ibiyaranga bizoroshya iryo tumanaho.

Umuyobozi mukuru w’Iposita y’u Rwanda, Kayitare Celestin


INKURU ZA :
Tanga Igitekerezo
Ibitekerezo 1
gruec Kuya 10-10-2017

Si u mu Rwanda gusa, no mubihugu by’iburayi Poste yatakaje 60% de sa production kubera evolution rapide y’ikoranabuhanga cyo kimwe na KODAK(photo)......n’izindi n’izindi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...