konka coffee
KONKA

AMAKURU

UKWEZI

Esther wabaye umunyarwandakazi wa mbere utwara indege yarushinze n’umuhanzi - Amafoto

Esther wabaye umunyarwandakazi wa mbere utwara indege yarushinze n’umuhanzi - Amafoto
17-09-2017 saa 12:13' | By Chief Editor | Yasomwe n'abantu 13114 | Ibitekerezo 3

Esther Mbabazi, umunyarwandakazi wa mbere wabashije kuba umupilote w’indege z’ubucuruzi akanabigeraho akiri umwana muto, yarushinze n’umusore w’umunyamuziki uririmba mu itsinda rya Beauty For Ashes kuri uyu wa Gatandatu tariki 16 Nzeri 2017, mu birori by’ubukwe byabereye i Mombasa mu gihugu cya Kenya.

Kuri uyu wa Gatandatu tariki 16 Nzeri 2017, nibwo Esther Mbabazi yambikanye impeta y’urudashira na Olivier Habiyaremye usanzwe ari umunyamuziki akaba anaririmba mu itsinda rya Beauty For Ashes, bakaba bagiye kubana nyuma y’igihe bakundana, dore ko hari hashize iminsi uyu musore atangaje ko arambiwe kuba wenyine kandi agahishura ko agiye kurongora uyu mupilote bakibanira ubuziraherezo.

JPEG - 25.1 kb
JPEG - 87.2 kb

Ibirori by’ubukwe bwabo byabereye i Mombasa nyuma y’iminsi micye basezeranye imbere y’amategeko, bakarahirira imbere y’ibendera ry’u Rwanda ko bazabana akaramata kandi bakazabana ubuziraherezo mu byiza no mu bibi.

JPEG - 28.9 kb
JPEG - 53.5 kb
JPEG - 85.4 kb
JPEG - 25.1 kb
JPEG - 58.6 kb
JPEG - 31.1 kb
JPEG - 30.6 kb

Tariki 13 Ugushyingo 2016, nibwo Olivier yambitse impeta Mbabazi Esther ihamya urukundo amukunda, bijyana n’uko yahise atangaza ko bagiye gukora ubukwe mu gihe cya vuba. Abinyujije kuri Instagram icyo gihe yahise ashyira hanze ifoto amwambika impeta, maze yandikaho amagambo agira ati: "Umukunzi wanjye yambwiye YEGO. Ndumva mu by’ukuri ndimo kurushaho kumukunda, iyi myaka itatu tumaranye yabaye urugendo rw’agatangaza mu rukundo rwacu. Ndambiwe kujya ntaha mu rugo njyenyine, ndambiwe za telefone z’umwanya munini tuvugana igicuku cyose. Esther Mbabazi ndagukunda kandi nshaka kugukunda kurushaho by’iteka... Ku mugaragaro mvuye ku isoko..."

Ku ruhande rwa Esther, icyo gihe nawe yashyize kuri Instagram ifoto y’ikiganza cye agaragaza impeta yambitswe, maze avuga ko yemereye Olivier kuzamubera umugore, bityo akaba yavuye ku isoko yasohotse mu mubare w’abagishakisha abakunzi kuko yamaze kwemeranywa kubana n’uwo Imana yamugeneye.

JPEG - 149.3 kb

Olivier ni umunyamuziki ucuranga ibikoresho bya muzika bitandukanye nka gitari, akaba anatunganya muzika akanakora ibindi byinshi bijyanye nawo, ibirenze kuri ibyo akaba akora amafilime akanafata amashusho agezweho ndetse bikiyongera ku kuba ari umwe mu bagize itsinda ry’abaririmbyi ba Beauty For Ashes.

Esther Mbabazi we ni muntu ki?

Esther Mbabazi watangiye kumenyekana cyane muri 2014, ni we munyarwandakazi wa mbere wabashije gutwara indege ubwo yari afite imyaka 24 gusa y’amavuko, ndetse akaba kugeza n’ubu ari we munyarwandakazi rukumbi ukora aka kazi ko gutwara indege z’ubucuruzi. Uyu mukobwa ufite imyaka 27 y’amavuko kugeza ubu, amaze kwamamara no kuba umuntu benshi bafatiraho urugero.

JPEG - 48.7 kb

Urukundo rw’akazi ko gutwara indege kuri Mbabazi Esther, byakabaye byarakomwe mu nkokora n’urupfu rwa se kuko yazize impanuka y’indege yabereye muri Kongo Kinshasa ubwo uyu mukobwa yari afite imyaka 8 gusa y’amavuko, nyamara kudacika intege no gushikama ku ntego byatumye uyu munyarwandakazi ashyira imbaraga mu bijyanye no kuba yagera ku nzozi ze zo gutwara indege, n’ubwo umuryango we wabanje kumubera ibamba kuko yari agiye kwihatira gukora akazi gatuma azajya ahora mu ndege yatumye aba impfubyi akabura se akiri muto. Gusa nawe yaberetse ko ibyabaye ari impanuka, arushaho gukunda no kwihatira ibyo kuzatwara indege.

JPEG - 94.8 kb

Inzozi zo kuzatwara indege yazigize akiri umwana muto w’imyaka 4 gusa y’amavuko, aho yarebaga indege mu kirere agatekereza ko itwarwa n’umuntu kandi nawe akumva yifuza kuzagera kuri iyo ntambwe, akaba yarakuze abyihatira agaterwa imbaraga na se wari umuvugabutumwa, gusa uyu wamushyigikiraga akaba yarazize impanuka y’indege Mbabazi akiri muto, ntibyamuca intege kuko yumvaga impanuka ari impanuka.

JPEG - 36.5 kb

Aganira na CNN mu bihe byashize, Mbabazi yagize ati: “Impanuka ni impanuka, ntabwo wareka gutwara imodoka ngo ni uko uzi umuntu wahitanwe n’impanuka y’imodoka. Ntabwo wabaho utagira ikintu runaka kigutera ubwoba, ariko burya iyo ikintu kigomba kubaho ntiwakibuza kubaho”.

Nyuma Mbabazi Esther yakomeje guharanira kugera ku ntego ze, abasha kugera ku ntambwe itaragerwaho n’undi munyarwandakazi n’umwe. Asobanura ko ibyo gutwara indege kuri we byabaye icyemezo ntakuka ubwo yari arangije amashuri yisumbuye, agahita apakira utwe twose akajya gushaka ikigo kigisha iby’indege muri Uganda, ahaguruka yiyemeje ko nibamwangira azemera akagaruka mu Rwanda ariko byo kubura uko agira, ariko nyuma biramuhira. Nyuma y’umwaka yaje kubona amahirwe yo gufashwa kubona amahugurwa y’ibyo gutwara indege abifashijwemo na RwandAir, ajya kwiga i Miami muri Leta Zunze Ubumwe za Amerika maze iby’ubuzima bw’abapilote abitangira ubwo.

JPEG - 50.2 kb

Kugeza ubu uyu mukobwa akora ingendo zitandukanye hirya no hino muri Afrika aho aba atwaye indege za RwandAir, gutinyuka no kudacika intege bikaba bimaze gutuma aba icyamamare ndetse akunze no gushyirwa kenshi ku rutonde rw’abagore bo ku mugabane wa Afrika bateye intambwe idasanzwe bakiri bato, rumwe mu ntonde nyinshi yagaragayeho rukaba ari urwakozwe na Youth Village Africa rwamushyize ku mwanya wa kabiri w’urutonde rw’abanyafurikakazi bazamutse bakiri bato.

Muri aka kazi benshi batiyumvisha ko kakorwa n’abakobwa n’abagore, Mbabazi Esther nawe ajya ahuririmo n’imbogamizi z’abataragira imyumvire y’ubushobozi bw’abagore n’abakobwa, dore ko yigeze kuvuga ko atazigera yibagirwa igihe umwe mu bagenzi yari agiye kugenda mu ndege yagombaga gutwarwa na Mbabazi, hanyuma uwo mugenzi yabona ko indege igiye gutwarwa n’umugore akanga kugenda kandi yari yamaze kwishyura itike y’indege, akemera akayihomba.

JPEG - 64.5 kb

AMAFOTO Y’UBUKWE: RWANDA NZIZA


INKURU ZA :
Tanga Igitekerezo
Ibitekerezo 3
deo kazeneza ufite Kuya 5-10-2017

hhhhhhhhhhhhhhhhhhhhh

Josiane Kuya 3-10-2017

Ndishimye cyane kuko kuva afite kwiyemeza kungana gutyo n’ibindi byose azashaka kugeraho azabigeraho. GUSHAKA NIKO KWAMUSHOBOJE. Mbaba, komerezaho Abakobwa, Abagore uraduteturuye. Imana ikujye imbere mu byo ukora byose kandi igira neza izajya ikurinda

Bebe Kuya 18-09-2017

yoo disi bose bakunda kwisekera pee anyway Nyagasani azabubakire

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...