konka coffee
KONKA

AMAKURU

UKWEZI

Gicumbi: Abakobwa babiri batawe muri yombi bashinjwa kwica abo babyaye

Gicumbi: Abakobwa babiri batawe muri yombi bashinjwa kwica abo babyaye
20-11-2017 saa 09:01' | By Akayezu Jean de Dieu | Yasomwe n'abantu 2815 | Ibitekerezo

Abakobwa babiri bari mu kigero cy’imyaka 20 na 23 batawe muri yombi bakurikiranyweho kwica abo babyaye harimo n’umwe bivugwa ko yamujugunye mu ishyamba riherereye mu mudugudu wa Kabeza, akagari ka Shangasha, Umurenge wa Shangasha ho mu karere ka Gicumbi, umurambo uza kuboneka watangiye kuribwa n’ibisimba.

Aba bakobwa babiri bari mu kigero cy’imyaka 20 na 23 bivugwa ko muri aba umwe yakoraga mu kabari ariko abaturage bakaba bari bazi ko asanzwe atwite nyuma bakaza kubona nta nda agifite ari nabwo bahise bahuruza ubuyobozi bukaza kumubaza aho inda yari afite yagiye. Undi w’imyaka 20 we ngo yari atuye muri uyu murenge wa Shangasha.

Umunyamabanga Nshingwabikorwa w’Umurenge wa Shangasha, Rusizana Joseph yahamirije ikinyamakuru Ukwezi.com ko abo bakobwa babiri koko bashobora kuba bishe abo babyaye ariko hagishakishwa amakuru yizewe dore ko aba bombi bamaze gushyikirizwa Polisi.

Gitifu yagize ati “Barisetsa Yvonne w’imyaka 20 wo mu murenge wacu wa Shangasha niho avuka ni naho n’ababyeyi be bari, ubwo we tukimara kubona umurambo w’umwana wapfuye nyine abantu bahise batangira gushakisha, biza kugaragara ko uwo mukobwa koko yari atwite ariko ubu akaba nta nda yari agifite. Ni abana babonye umwana ahantu bagiye kwahira ubwatsi bw’amatungo noneho bamusanga mu ishyamba yapfuye”

Yakomeje agira ati “Umwizerwa Elica w’imyaka 23 wakomokaga mu murenge wa Byumba yakoreraga umuntu mu kabare kari mu murenge wacu kandi wabonaga afite inda ariko mu Cyumweru gishize yari yaragiye, abantu bakavuga bati yarafunze ntabwo akiba muri aka gace ariko aza kugaruka kuwa Gatandatu barambwira bati ukurikirane dore ya nda ntayo agifite rero twaramufashe tumujyana kwa muganga ariko dusanga hari ibimenyetso bigaragaza ko yabyaye akica uwo abyaye cyangwa akaba yakuyemo inda aribwo twahise tumushyikiriza inzego za Polisi”

Gitifu Joseph yasabye abagore n’abakobwa by’umwihariko aba batwara inda batateguye ko bakwiye kwirinda icyatuma batwara inda zitateguwe kandi niba batewe inda nta mpamvu yo gufata icyemezo cyo kuyikuramo ahubwo byaba byiza bagiye bagana ubuyobozi bukabaha ubufasha


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...