konka coffee
KONKA

AMAKURU

UKWEZI

Gicumbi: Abana babiri bishwe n’imyumbati bibye, abandi batanu bamerewe nabi kwa muganga

Gicumbi: Abana babiri bishwe n’imyumbati bibye, abandi batanu bamerewe nabi kwa muganga
9-04-2017 saa 12:03' | By Chief Editor | Yasomwe n'abantu 6970 | Ibitekerezo 10

Mu ijoro ryo kuri uyu wa Gatandatu tariki 8 Mata 2017, abana babiri b’abakobwa bo mu mudugudu wa Rusambya mu kagari ka Rusambya ho mu murenge wa Mukarange mu karere ka Gicumbi mu Majyaruguru, bishwe n’imyubati bari bibye bakayihekenya mu gihe abavandimwe babo batanu bo n’ubu bamerewe nabi aho barimo gukurikiranwa n’abaganga.

Nk’uko byemejwe n’Umunyamabanga Nshingwabikorwa w’umurenge wa Mukarange, Beningoma Oscar, mu kiganiro yagiranye n’Ikinyamakuru Ukwezi.com, aba bana babiri bapfuye ni abo mu rugo rumwe, bombi bakaba ari abakobwa. Umwe yari afite imyaka 8 y’amavuko undi afite imyaka 6.

Beningoma Oscar ati: "Ni abana babiri, ariko bayiriye ari abana barindwi bose bagize umuryango umwe. Abitabye Imana ni babiri, umwe w’imyaka 8 n’undi w’imyaka 6. Iyo myumbati ni iyo bari bibye mu murima bayicukuramo bayihekenya ari mibisi; ni imwe itagenewe kuribwa, imwe ivamo ubugari y’imitaminsi. Ubwo ababyeyi babo baje gutaha nimugoroba, umwe aba arafashwe bakimugeza kwa muganga aba arapfuye, undi na we mu gihe bagikurikirana bumva ko na we afashwe bamuzanye na we aba arapfuye, hari mu ma saa mbiri z’umugoroba. Ubwo abandi batanu ubu baracyavurwa, kuko byahise bimenyekana ko ari imyumbati, ubu barimo baravurirwa mu kigo nderabuzima cya Mukarange."

Aba bana babiri bapfuye kimwe n’abandi batanu barimo gukurikiranwa n’abaganga, bose ni abo mu muryango umwe, bakaba ari bene Ntawuyamara Jean de Dieu na Mukakayumva Beatrice.


Tanga Igitekerezo
Ibitekerezo 10
xy Kuya 14-04-2017

birababaje inzara ahantu hose iravuzugiriza Mana tabara abana bawe

SIRYERU Kuya 11-04-2017

Ahaaaaa!Ndabona bikwiye koko ko umuntu mbere yo kubyara akwiye kubanza gushakira ibizatunga birambye kandi bigahaza urubyaro rwe kandakabyara abo ashoboye kurera neza , bitaribyo ,inzara yazatumara!

egoko Kuya 10-04-2017

Buriya wasanga uyu muryango ba Gitifu barawushyize my cyiciro cya gatatu cy’ubudehe kugirango berekane ko abaturage babo bateye imbere. Uretse ko uko babita naho babashyira ago ariho hose ibyo ntacyo biba bubwiye inzara, izabemeza ko niba batibeshya babeshya

pasi Kuya 10-04-2017

Mana dutabare turashonje
Abishwe ninzara baruhukire mu mahoro. Ababyeyi mwihangane ariko mugerageze guhahira abana banyu kdi muboneze urubyaro kuko barindwi ni benshi muri Nzaramba kdi iracyahari as its name

boniface Kuya 10-04-2017

Twihanganishije imiryango yabo bana gusa ababyeyi bakwiye kujya bita kubana babo ntibajye barya ibyo babonye kuko usanga hari bimwe mu biribwa usanga bifite aside nk’iyo myumbati yishe abo bana.

Benjamin KINAZI Kuya 10-04-2017

sinzi impamvu dukomeza kuvuga ko mu Rwanda twateye imbere nyamara inzara ikomeje kubica. Leta ivuga ko bavanye miliyoni mu bukene ariko iyo urebye abantu benshi barya rimwe ku munsi ndetse nabwo bigoranye, Leta nirebe icyo ikora ifashe abantu.kuko abapfuye bazize inzara.

joriji Kuya 9-04-2017

Umva ko ngo nta nzara iri mu gihugu da!! Ubu uyu mu Gitifu ntiyakwemeza ko inzara inuma! Aba bana Imana ibakire! Abakirwaye Imana ibakize!

joriji Kuya 9-04-2017

Umva ko ngo nta nzara iri mu gihugu da!! Ubu uyu mu Gitifu ntiyakwemeza ko inzara inuma! Aba bana Imana ibakire! Abakirwaye Imana ibakize!

joriji Kuya 9-04-2017

Umva ko ngo nta nzara iri mu gihugu da!! Ubu uyu mu Gitifu ntiyakwemeza ko inzara inuma! Aba bana Imana ibakire! Abakirwaye Imana ibakize!

Esron Ndayisenga Kuya 9-04-2017

Ohhh
Ndababaye

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA