konka coffee
KONKA

AMAKURU

UKWEZI

Gisagara: Bakutse umutima babonye umukobwa wabo kandi bazi ko bamushyinguye

Gisagara: Bakutse umutima babonye umukobwa wabo kandi bazi ko bamushyinguye
13-08-2016 saa 09:53' | By Chief Editor | Yasomwe n'abantu 19420 | Ibitekerezo 10

Musabyimana Claudine, ni umukobwa w’imyaka 19 uvuka mu murenge wa Gikonko wo mu karere ka Gisagara mu Ntara y’Amajyepfo, umuryango we ukaba wari uzi ko wamushyinguye mu mezi ane ashize ariko mu minsi ishize babaye nk’abakubiswe n’inkuba babonye atashye.

Mu mezi ane ashize, nibwo umukobwa witwa Musabyimana wakoraga akazi ko mu rugo mu Nyakabanda mu mujyi wa Kigali yapfuye, umurambo we ushyirwa mu buruhukiro bw’ibitaro bya Kacyiru ndetse hatangwa amatangazo kuri Radio ngo umuryango wumva ari uwabo uze kuwufata, bidatinze koko haboneka abantu bajya kuwufata barawujyana baramushyingura.

Abamushyinguye bazi ko ari umwana wabo, ni umuryango wa Bikirumurama Abel na Dusabimana Francoise batuye mu murenge wa Gikonko mu karere ka Gisagara, cyane ko nabo bari bafite umukobwa witwa Musabyimana Claudine wakoraga akazi ko mu rugo mu mujyi wa Kigali.

Uyu muryango waririye urimara, ugurisha utwabo ngo bajye gukura umurambo mu bitaro byahoze ari ibya Polisi ku Kacyiru, baragenda baramushyingura, abarira bararira birarangira.

Uyu niwe Musabyimana Claudine wabonetse basanzwe bazi ko bamushyinguye

Abaturanyi b’uyu muryango ariko babaye nk’abakubiswe n’inkuba kuwa Gatatu tariki 10 Kanama ubwo babonaga Musabyimana Claudine bazi ko bashyinguye atashye, bamwe ubwoba burabataha bariruka bumva ko ari umuzimu we, abo mu muryango we nabo babyumvise bagwa mu kantu, abandi batangira kubara inkuru z’umuntu wazutse.

Musabyimana Claudine nawe utari uzi amakuru y’ibirimo gutuma bahunga bakanatangara, yabanje kugira ubwoba yibaza icyabaye, nawe bamubajije aho avuye kandi yari yarashyinguwe bimutera urujijo.

TV1 dukesha iyi nkuru ivuga ko Musabyimana Claudine yavuze ko yakoraga akazi ko mu rugo mu murenge wa Kimironko mu karere ka Gasabo mu mujyi wa Kigali, akaba atarigeze apfa nk’uko abo mu muryango we n’abaturanyi bari babizi, akaba yari amaze igihe i Kigali ariko akaba yari atashye agiye gushaka mituweli.

Muri rusange, umuryango wanzuye ko umurambo wa Musabyimana Claudine washyinguwe atari uw’uwo muryango, hakaba harabayeho kwibeshya bitewe n’uko bitiranwaga.


INKURU ZA :
Tanga Igitekerezo
Ibitekerezo 10
rwemerande thomas Kuya 19-08-2016

nyina wuwo mukobwa nukwihangana

kiki Kuya 16-08-2016

ibyo birashoboka cyane bitewe nikishe umuntu iminsi se amaze apfuye birashoboka kabisa bitewe nicyamwishe umubiri urahinduka ntuwumenye. twe byatubayeho turi mumahanga kwishuri mugenzi wacu agwa mumazi ariko yamazemo iminsi 2 yarabuze aho abonekeye umuryango we wadusanzeyo biba ngombwa ko ahashyingurwa kuko umubiri wari wangiritse cyane ariko uwamureraga yaramuyobewe ati se nuyu koko? tubihamirizwa na babiri boganaga kuko barikumwe, imana ikomeze imuruhutse mumahoro

momo Kuya 15-08-2016

arko c ubu aba babyeyi buyu mukobwa ntibari bazi umwana wabo koko!kuburyo bashyinguye batabanje no kureba umurambo ngo banawysezere!ibi namayobera

harindintwari andre Kuya 14-08-2016

biratangaje ukuntu umuryango washyingura izina aho gushyingura umuntu wabo!none se ntibarebye umurambo bagiye gushyingura niba yari umwana wabo koko?aha harimo ikindi kintu utasobakirwa

singendahabo gervais Kuya 14-08-2016

birababa gushyingura umuntu utabanje kureba isura ngunamusezereho bwanyuma

Mugabo Isaac Kuya 13-08-2016

Washyingura umunyamuryango wawe nturebe isura ye bwanyuma mwa mabandimwe mwiryeho agapando

Mugabo Isaac Kuya 13-08-2016

Washyingura umunyamuryango wawe nturebe isura ye bwanyuma mwa mabandimwe mwiryeho agapando

cadette Kuya 13-08-2016

Nibe nabo bamubonye

Mahoro Kuya 13-08-2016

Inkuru nk’izi zikunze kuvugwa muri Malawi. Bagashyingura umuntu, hashira igihe bakongera bakamubona. Bakunze kuvuga ko ari amarozi. Kandi iyo bagiye kureba mu mva aho bari baramushyinguye, ntibamubonamo.

WILLY NIYO Kuya 13-08-2016

Ahubwo atangire asohore indirimbo nawe kko ndumva abaye umusitari

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA