konka coffee
KONKA

AMAKURU

UKWEZI

Hatangijwe gahunda yo gutekesha gazi (gaz) mu nkambi z’impunzi ziri mu Rwanda

Hatangijwe gahunda yo gutekesha gazi (gaz) mu nkambi z’impunzi ziri mu Rwanda
16-09-2017 saa 12:39' | By Chief Editor | Yasomwe n'abantu 1617 | Ibitekerezo

Minisiteri y’Impunzi no gukumira ibiza, MIDIMAR, ifatanyije n’Ishami ry’Umuryango w’Abibumbye rishinzwe impunzi, kuri uyu wa Gatanu tariki 15 Nzeri 2017, batangije gahunda yo kugeza ingufu za gaze (gas) mu nkambi z’impunzi, zikaba ari zo zizajya zikoreshwa aho gukoresha inkwi nk’uko byari bisanzwe.

Iyi gahunda yatangirijwe ku mugaragaro mu nkambi ya Nyarushishi iherereye mu karere ka Rusizi, ikaba yarafunguwe ku mugaragaro na Minisitiri wa MIDIMAR. Madamu De Bonheur Jeanne d’Arc ari kumwe na Ben Boubacar Diallo wari uhagarariye Ishami ry’Umuryango w’Abibumbye ryita ku mpunzi. Hari kandi abayobozi batandukanye barimo abo muri Minisiteri y’Ibikorwa remezo, iy’Ibidukikije n’inzego z’Intara y’Uburengerazuba.

Minisitiri wa MIDIMAR. Madamu De Bonheur Jeanne d’Arc afungura iyi gahunda ku mugaragaro

Ubusanzwe mu nkambi z’impunzi hakoreshwaga inkwi, ariko nyuma yo gusanga ibyo byangiza ibidukikije bikanazana imyotsi ishobora kugira ingaruka ku buzima kandi no kujya gushaka inkwi bikaba bigora cyane cyane abagore n’abakobwa bashobora kubikuramo ingaruka zikomeye, ibyo byose bikaba byaratumye hafatwa icyemezo cyo kuzajya hakoreshwa gaze.

Gukoresha gaze ku kigero cyo hejuru ni bimwe mu byasabwe n’imyanzuro y’Umwiherero w’Abayobozi bakuru b’igihugu wabaye muri Gashyantare uyu mwaka, MIDIMAR n’Ishami ry’Umuryango w’Abibumbye ryita ku mpunzi bakaba barafashe iyambere mu gushyira mu bikorwa uwo mwanzuro.

Inkambi z’agateganyo za Nyarushishi na Ngoma nizo ku ikubitiro zatangijwe gucanamo gaze. Bikazakurikiraho mu nkambi z’agateganyo za Gisovu na Kijote. Nyuma y’izo nkambi ikoreshwa rya gaze rikazanasakazwa mu zindi nkambi ziri mu gihugu.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...