konka coffee
KONKA

AMAKURU

UKWEZI

Icyemezo RSSB yafatiye abivuriza kuri RAMA cyakije umuriro abarwayi babirenganiramo

Icyemezo RSSB yafatiye abivuriza kuri RAMA cyakije umuriro abarwayi babirenganiramo
1-05-2017 saa 11:32' | By Chief Editor | Yasomwe n'abantu 16330 | Ibitekerezo 36

Ikigo cy’ubwishingizi mu Rwanda giherutse gufata icyemezo cyo gushyiraho ibiciro bishya ku barwayi bivuriza kuri RAMA bajya mu bitaro bimwe na bimwe byigenga batoherejwe n’amavuriro ari ku rwego rwo hasi, ariko iki cyemezo cyateje bombori bombori no guhangana hagati y’iki kigo n’Ishyirahamwe ry’Abaganga bigenga mu Rwanda, ihangana ryabo rikaba ryateje ibibazo abarwayi bakomeza kuvuga ko babirenganiramo.

Tariki 18 Mata 2017, Ikigo cy’Ubwishingizi mu Rwanda, RSSB, cyashyize hanze ibiciro bishya bigaragaza ko abarwayi bivuriza ku bwishingizi bwacyo buzwi nka RAMA, bazajya bishyuzwa amafaranga menshi mu gihe bagiye kwivuza mu mavuriro akomeye ari ku rwego rwa "Polyclinic" batoherejwe n’ivuriro riri ku rwego rwa "Clinic", kuko hari amafaranga atari macye bazajya biyishyurira ku giti cyabo. Ibi bisobanura ko hari amavuriro abarwayi bazajya bivurizaho ari uko barembye ndetse boherejwe n’amavuriro ari ku rwego rw’ibanze (Clinic) bitaba ibyo bakiyishyurira amafaranga y’ikinyuranyo cy’ibiciro by’ayo mavuriro yombi.

Urugero niba wajyaga wivuriza ku bitaro bizwi nko kwa Kanimba kuko biri ku rwego rwa Polyclinic, kwisuzumisha ku muganga w’inzobere (Specialist) wishyuraga 15% by’amafaranga y’u Rwanda 9,468 hanyuma nko ku ivuriro rya Harmony riri ku rwego rwa ’Clinic’ ho kwisuzumisha wishyuraga 15% by’amafaranga y’u Rwanda 6,726. Nuramuka ugiye kwivuriza kwa Kanimba utoherejwe n’ivuriro riri ku rwego rwa clinic, ubwo uzishyura 15% by’amafaranga y’u Rwanda 6,726 wongereho ikinyuranyo kiri hagati ya 6,726 na 9,468.

Aha bisobanuye ko niba kwivuza kwa Kanimba ubusanzwe wishyuraga 1420 kugirango wisuzumishe, nujyayo utabanje koherezwa (Transfer) n’ivuriro riri ku rwego rwa Clinic bazakwishyuza 3751, bivuga ko aha biba byikubye hafi inshuro eshatu kandi ubwo si ku kwisuzumisha gusa no ku zindi serivisi uzakorerwa bazagenda bakubarira bakurikije ayo mabwiriza mashya ya RSSB. Ibi kandi byaje nyuma y’uko guhera tariki 1 Gashyantare 2017, n’ubundi ibiciro byo kwivuza byari byazamuwe.

Gatera Jonathan; umuyobozi mukuru w’Ikigo cy’Ubwishingizi mu Rwanda, RSSB

Ibi ariko byateje guhangana gukomeye hagati ya RSSB n’Ishyirahamwe ry’Abaganga bigenga mu Rwanda. Kuri iki Cyumweru tariki 30 Mata 2017, Dr Gatsinga Jean Dieudonné uyobora iri shyirahamwe yashyize hanze itangazo ryamagana ibyemezo bya RSSB ndetse agaragaza ko badashobora kubikurikiza. Itangazo Ikinyamakuru Ukwezi.com twabashije kubonera kopi rigira riti: "Turamenyesha abantu bose ko abaganga bikorera bibumbiye mu muryango wa AMPR bazakomeza kwakira abarwayi babagana nk’uko bisanzwe, nta Transfer, nta n’amafaranga y’inyongera babasabye, bubahiriza urutonde n’ibiciro byemejwe kandi bigashyirwa mu bikorwa tariki ya 1/02/2017, mu gihe tugitegereje igisubizo kw’ibaruwa twandikiye Inama y’Igihugu y’Ubwishingizi mu Rwanda tuyimenyesha iki kibazo"

Nyuma y’iyi baruwa, kuri uyu wa Mbere tariki 1 Gicurasi 2017, abakozi ba RSSB bakira abarwayi bivuriza kuri RAMA, babwiwe n’ubuyobozi bw’iki kigo cy’ubwishingizi ko bakomeza kubahiriza amabwiriza n’ibiciro bishya baherutse guhabwa n’ikigo cyabo, naho abaganga n’abayobozi b’ibitaro biri ku rwego rwa Polyclinic bo bavuga ko bakurikiza ibyemejwe n’umuyobozi w’Ishyirahamwe ryabo, maze biteza guhangana byatumye benshi mu barwayi batabasha kubona ubuvuzi uko bikwiye.

Bamwe mu barwayi n’abarwaza baganiriye n’ikinyamakuru Ukwezi.com ubwo umunyamakuru yabasangaga kuri rimwe mu mavuriro ari mu mujyi wa Kigali, badutangarije ko hari n’abarwayi bari barembye bageze kuri ibyo bitaro bakabanza kugaragarizwa ko hari amafaranga bagomba kuza kwiyishyurira ariko bakumva ari menshi bakabyanga, biteza imvururu zatumye serivisi z’ubuvuzi muri ibi bitaro zazambye.

Impamvu abaganga n’abayobozi b’ibyo bitaro biri ku rwego rwa Polyclinic barwanya ibyo byemezo bishya bya RSSB, ni uko byatuma ababiganaga bagabanuka cyane bitewe n’uko byajya byivurizaho abarembye cyane boherejwe n’amavuriro ari ku rwego rwa Clinic, cyangwa se ababigana bakaba ari abifite kuko bazajya bishyuzwa amafaranga menshi cyane ku giti cyabo.


INKURU ZA :
Tanga Igitekerezo
Ibitekerezo 36
bobo Kuya 12-05-2017

ni byo rwose

xx Kuya 4-05-2017

abantu bavuga ngo hose baravura nibamara kujya kwa muganga iminsi itatu ikurikiranye batavurwa kubera ubwinshi bw’abantu n’igihe bavuriwe bakavurwa nabi nibwo bazumva neza agahinda abantu bafite. Ese mbaze,nk’abantu bafite indwara zisabwa
gukurikiranwa n’umuganga wo muri izo polyclinic bazabigenza bate? for example nk’abivuza umutima kwa Kanimba?

ntwali Kuya 4-05-2017

RSSB niba itagishoboye gukora nihagarare hari ayandi ma insurance azi gukora.njye ndumiwe vraiment,!!!!igihe cyose noneho mwakoreraga mu bihombo mwishaka inyungu nyishi mwica ababagana kuko namwe murabizi ko hariho difference between clinic and polyclinic kuki mushaka kutujyana hasi ?est ce que Rssb yabaye mutuelle tubimenye?ahubwo mwongere amafr mwakuraga kuri salary aho kugira ngo mudufate gutyo ese mukeka ko clinic yo yakohereza umuntu byoroshye ko yabanza ikageragereza ubuzima bwacu rimwe na rimwe umuntu akahapfira kubera kwanga kugaragaza ko yananiwe?Igihugu cyacu kiriho kiratera intambwe muri byose fufite itarambere none ndumva rssb iriho irakora opposite !!!ahubwo mwagakwiye kuba muriho muriga uburyo abakiliya banyu bajya banivuriza muri east africa

Annet Kuya 4-05-2017

Mwiriwe!mwandikire HE kuri twitter amenye akababaro kanyu naho ubundi comments zaha ntabwo yazazibona pee!!

ubunyarwanda Kuya 4-05-2017

Ko ndeba impala zabaye urudaca. Ubu she aba baganga bumvise icyemezo ari ukwigaragambya kuri RSSB umwishyura wabo. jye rero abivuza muzajye mugurira imiti mhanze kuko mwanze guhara polyclinicr

ubunyarwanda Kuya 4-05-2017

Ko ndeba impala zabaye urudaca. Ubu she aba baganga bumvise icyemezo ari ukwigaragambya kuri RSSB umwishyura wabo. jye rero abivuza muzajye mugurira imiti mhanze kuko mwanze guhara polyclinicr

double cos Kuya 3-05-2017

Gusa bariya baganga nabo bahubutse cyane,nubwo RSSB nayo yagombaga kubanza kuganiriza abanyamuryango bayo kandi bari kubyumva pe,naho ariya mavuriro udashaka gukorana na RAMA azakorane nizindi assurance,ubonye niba iriya nduru yari iri kuvuzwa n’abakozi bivuriza kuri RAMA.Uko byagenda kose RSSB niyo ibareberera ibonye hari igihombo gishobora kubaho mu minsi iri imbere ningombwa gukumira hakiri kare. murakoze.

Alexia Kuya 3-05-2017

Ariko Rssb Iransetsa Rwose!Icyambere Tujya Kwivuza Bakaduca Amafaranga Menshi Ari Ukwisuzumisha Gusa,imiti Tukirwariza Hanze,ikindi Kandi Nkatwe I Karongi Mperutse Kujyayo Nsanga Batagikorana Na Rssb Nigurira Imiti % Ngaho Mwongereho Ayo Kwisuzumisha Kdi Niriwe No Kwa Muganga,nibareke Polyclinic Bakore Uko Bisanzwe Kuko Services Zabo Zirihuta.

f kabera Kuya 3-05-2017

Ariko niba dushaka kugera kurwego rwo guta nga service nziza tukaba turimo gukoresha Monogamy muri service zihabwa abanyarwanda ubwo amaherezo nayahe urugero nko kugirango campany yara transport abe ari imwe muri gale ikorera mumujyi wakigali biba bishatse kuvugako wabyanga wabyemera ugomba kugenda nimodoka uhitiwemo kandi kugiciro cyemejwe ese iyo service yabayembi wowe wayihawe wayihungirehe ngo uhabwe inziza wifuza niba se rssb udusaba imisanzu ikaba iggiye no kudutegeka aho twifuza ubwo bivuzeko arihahandi bazaduha service mbi ntitube twavuga tukemera urwo tubonye nka ba mutuelle ni nkakwakundi umuntu ajya muri gale agatonda umurongo kandi hari ama bus ahamaze amasaha ngo ntabwo ijya aho ujyayariyaza mugihe hari indi linge yabuze abagenzi ugasanga ngo kuva remera ujya kicukiro ntayindi modoka watega uretse kbs ndo nyabugogo ijya kicukiro ni royal ese iyo kbs iguhaye service mbi ntiwererw gutega inndi itanga service nziza nono ndabaza rssb niba idashoboye kwishyirirra umuntu wivurije muri polyclinic nitubwire dushake ubundi bwishingizi buzabasha kutwishyirira ahariho hose kandi burahari bareke gufatira ibyemezo abantu dutanga amafaranga yacu ese niba clinic zitanga services nziza kuki abarwayi bajya muri policlinic .ntabwa twakagombye gukinisha ubuzima bwabantu kuko burahenze so ndimva icyemezo cya rssb cyakagombe kwitonderwa kuko cyerekana isurambi mubanyarwanda bakene gokora no guterimbere kuko nukuraho kwivuriza muri polyclinic imisoronayo izagabanyuka ,ndetse nubuhomere buziyongera.

jmv Kuya 2-05-2017

Rwose iyinkuru mwakoze irasobabutse kandi birumvikana neza , nasomye izindi nkuri zivuga kuri iki kibazo ariko sinabasha kubyumva ,mwe mwanatanze ningero , bravo

alfa Kuya 2-05-2017

Ngo hazajyayo uwarembye cg ahubwo ni uwapfuye? Muradukinaho ku mafaranga yacu. Intego ya mutuel si ukutaremba? Apana mubirekere uko byari biri

MUKARUTAMU Domitille Kuya 2-05-2017

Bareke kudukata amafaranga yo kwivuza tuyajyane muzindi za assurances maladie nka soras corar n’ahandi.

joli Kuya 2-05-2017

ariko rssb irashaka ko amavuriro ya polycinique afunga aya clinic se niyo azemera ko abazajya babagana yabohereza mu polycinique kandi nabo bashaka kwinjiza bose baraharanira inyungu nukuvuga ngo bazajya bajya kohereza umurwayi muri polycinique batanga transfer aruko agiye kuba pfiraho ni bumvikane bashyireho tarif bose babona ntawe ibangamiye hagati ya bo bose nararwayi bahabwa service nziza badashyize imbere amafaranga gusa hatabayemo guhangana no kwikunda

Musoni Kuya 2-05-2017

None se ubwo RSSB irapfa iki? Irashaka kuramira iki yahombaga? Mudusobanurire kuko visa nkaho irengera clinic kuko nizo zajya zibyungukoramo

C Kuya 2-05-2017

Ikintu gikomeye cyafasha Abarwayi kuri uno munota, nuko MINISANTE cg RSSB yatangaza urutonde rwa CLINICS na POLYCLINICS zigenga mu Rwanda, umuntu akajya amenya aho ari bujye byaba ngombwa akagenda aniteguye.

justine Kuya 2-05-2017

njye ndabona ahubwo polyclinic zagabanya ibiciro zikanganya na clinic kuko servise batanga ni zimwe. naho uwafashe icyo kemezo we yirengagije ko na clinic zitanganya ibiciro.waruzi ko na pharumacie zitanganya ibiciro kandi imiti waka ari imwe!kubibara ntibyashoboka kandi na clinic ya refferance ndumva kuyibona byagora.Ese abanyamuryango ba RSSB twe tuzamenya amakuru gute ko iyi ari polyyclinic cg clinique ?kwa Nyirinkwaya se ni Clinique cg ni polyclinic? mwiducanga mu mitwe nibibananira muge muduha urutonde rwaho twemerewe kwivuza nidukenera kujya ahandi twiyishyurire ku giti cyacu kandi kuyijyamo ntibibe itegeko tuge duhitamo n’andi massurance ndikumva ariyo yaba asigaye atanga service nziza kubarenza

Ndizi Kuya 2-05-2017

Ahubwo ikibazo gihari RSSB nigishyire kumugaragaro abantu bose babimenye.
RSSB ntabanga ririmo rwose yarahombye natamfranga ikigira, ubwo yabuze ayo kwishyura. RSSB imisanzu y’abanyamuryango yosse yayamariye mu kubaka amazu, none ayo mazu yarahombye.
RSSB wishakira inzira aho itari.

Ineza Pablo Kuya 2-05-2017

Mwaramutse, nyuma yo gusoma comments zose no gusesengura itangazo from RSSB ndetse n’iry’abaganga bigenga, nsanga abanyarwanda tugikeneye ubushishozi no koroherana cyane. ndagerageza gukoma urusyo n’ingasire.

Kuwa 01/02/2017 hemejwe ibiciro bishya by’ubuvuzi mu mavuriro yigenga kuva kuri clinic, polyclinic na Hospitals. Ibi biciro bireba bariya bose. Nibaza ko iyo ibiciro bizamutse no mungo zacu dufata ingamba. Ubuse ko essence yazamutse ibyo kurya bikazamuka nta ngamba twafashe mu ngo zacu? N’ubwo ntari umuvugizi wa RSSB nibaza ko ari muri urwo rwego RSSB yafashe ingamba zo kugirango abanyamuryango babashe kuvuzwa hakurikijwe umusanzu batanga, gusa RSSB yagombye kugaragaza ko kuba abantu batazabura serivisi z’ubuvuzi bitewe n’umubare wa clinics naho niba clinics zihari zihagije nta kibazo mbonamo, cyane ko uretse amazina clinics polyclinics etc ubundi ntakibuza clinics kugira abaganga bashoboye ndetse n’ibikoresho bituma batanga serivisi nk’iyo muri policlinics n’ahandi...

Ese ubundi izo polyclinics na hospitals zisaba transfer ni zingahe? kuburyo biba ikibazo? Naho uwavuze ngo abantu bakoze ishoramari ni byiza ariko se ubu i Kigali ko dufite hotels na Restaurants nziza zigezweho hari uwatubujije kunywera no kurira muziciriritse?

Ku baganga bigenga rero ni gute RSSB itanga itangazo igamije gucunga neza umutungo wayo n’abanyamuryango maze mugasakuza? ngo muzakomeza kwakira abanyamuryango mukurikije ibiciro byashyizweho etc ntibyumvikana pe. Byibuze niba byavugwaga na association des consommateurs byakumvikana. Mwebwe icyo mugamije ni inyungu zanyu gusa, mwikirire ibindi ntibibareba kuko at the end of the day bizareba RSSB, birebe abakozi n’abakoresha na Leta irimo kuko RSSB iramutse idafashe ingamba nk’izo yafashe frs ikayabihera byazarangira umusanzu wongerewe>

Ahubwo niba koko mushaka gukomeza kuvura abanyamauryango neza ubwo namwe nimube clinics..... Naho iryo hangana ryanyu ndabona harimo ubushishozi buke’

Rssb ariko namwe tubasabye kumakinga sure ko abanyamuryango bavuzwa neza ko ingamba nshya mwashyizeho nta ngaruka biri kugira ku banyamuryango.

Ibihe byiza mwese

kingi Kuya 2-05-2017

IFARANGA RYAMATORA NIRYO GUSHYIRA MU MIFUKA YIBIFI BININI RIGOMBA GUSHAKWA MU BURYO BWOSE NTAKUNDI!!!! NGAHO DA!! BARETSE SE IYO RAMA IKAJYAMO ABABISHATSE NONEHO BAKAREKA GUKATA AMAFARANGA YUBWISHINGIZI BURI KIWEZI HARIMO ABATABISHAKA, BAKAYOBOKA UBUNDI BWWISHINGIZI KO BUHARI MUGIHUGU!!!! MURABONA IKI GIHGU KIJYA HEHE KOKO

sandra Kuya 1-05-2017

Rwose ibi byemezo biratubangamiye nkatwe abarwayi!

HOYA Kuya 1-05-2017

RSSB NIVEHO NUBUNDI YIBERA MU MAZU NI MIDUGUDU AHO KWITA KU NSHINGANO ZAYO ZO KURENGERA ABANYARWANDA...15% EREGA NAYO NI MENSHI UREBA AYO UMUNTU BAMUKATA ABENSHI BATANIVUZA ..MUHAGARIKE KUBAKA IMIDUGUD NA MATAGES EREGA NAHO UBUNDI MURADUSHORA MURI CRISE ECONOMIQUE NO MURI AMERICA YAHEREYE MU MAZU BUBAKAGA NTA GAHUNDA

gasore Kuya 1-05-2017

mubyukuri leta nitabare abakozi bayo kuko mugomba kumenya ko umuntu abafite aganga bamukurikirana bitewe nindwara ye ikindi umurongo wamavuriro ya leta kandi ushaka gusubira kukazi birunvikan ko uzagya ufata umunsi wose ,I kindi kuki mudutegeka aho twivuriza mudufatira ibyemezo mutabanje kubaza abagenerwa bikorwa kuberiki ngo dutange igitekreze kitabangamiye abanyarwanda

bel Kuya 1-05-2017

ariko se RSSB numva icya mbere ari uko yafasha abanyarwanda kwivuza muburyo bworoshye cyane ko ari ikigo cya leta kandi abanyamuryango bayo baba batanze inkunga yabo.
rero icyangombwa si uko RSSB yahinduka ikigo cy’ubucuruzi igakomeza kwiyubakira amazu yo kugurisha cgw gukodeshwa kuruta ubuzima bw’abanyarwanda.
amafaranga abakozi dukoteza arahagije ko tubona service nziza hatariho kutwigaruka ngo tuzajye twiyongereraho!!
RSSB nireke business nkiyo kuruta ubuzima bw’abanyarwanda. birababaje cyane

jane Kuya 1-05-2017

Preident wacu KAGAME Paul turagutabaje weeee! abindanini zabarenze none barashaka ko tutivuza uko dushaka kdi dukatwa imisanzu burikwezi. abaganga bigenga badufata neza batubyaza neza tugatahana abana,agahinda karatwishe dutabare. MURAKOZE

jean baptiste Kuya 1-05-2017

NAJYANYE UMWANA KUMUKUZA IRYINYO NTAMENYE IBYABAYE BAMBWIYE AYO NDISHYURA NDANGA MPITA MUJYANA KU BITARO BYA LETA NGEZEYO NSANGA ABABIKORA BADAHARI. NI IBYO RSSB YADUHEMUKIYE CYANE.UMUNTU YAJYAGA ANYARUKA ABAPRIVE BAKAMUFASHA VUBA NONE NDABONA ARI HATARI. NI NDE WABIKEMURA? AHAAA!!!

umusaza Kuya 1-05-2017

Jyewe ahubwo ndabona RSSB yaratinze gufata iki cyemezo. Ni gute aya mavuriro yumva ko rssb ya bishyura menshi kandi iyo service hari aho igura macye? Ni gute umurwayi yumva ko ahitamo ibihenze akishyura macye? Bene Polyclinics bemere guca nk’aya clinics cg bategereze aba transfer naho imyigaragambyo yo ntiyumvikana. Abarwayi/ n’abashobora kurwara twese twumve ko ushaka service ihenze agomba kuyiyishyurira.

umusaza Kuya 1-05-2017

Jyewe ahubwo ndabona RSSB yaratinze gufata iki cyemezo. Ni gute aya mavuriro yumva ko rssb ya bishyura menshi kandi iyo service hari aho igura macye? Ni gute umurwayi yumva ko ahitamo ibihenze akishyura macye? Bene Polyclinics bemere guca nk’aya clinics cg bategereze aba transfer naho imyigaragambyo yo ntiyumvikana. Abarwayi/ n’abashobora kurwara twese twumve ko ushaka service ihenze agomba kuyiyishyurira.

Umusaza Kuya 1-05-2017

Njye nshimiye cyane uru rugaga rw’abaganga bikorera (private) ariko ngaye cyane RSSB itekereza amacuri. Ntimukarengwe ngo mukine n’ubuzima bw’Abanyarwanda. Ayo mukata abantu (15% of gross salary ) ni macyeya? Mwagurishije ibigonyi mwirirwa mwubaka mumafaranga yacu ngo ni amazu niba mwarabuze ubwishyu? Asyi!!

yegoye Kuya 1-05-2017

Mufunge nyine nka za kaminuzaaaaaaaaaaambega we...ibi ni ibiki?? Ibi ni iteshamutwe

kaneza Kuya 1-05-2017

Ibyo biciro birakabije pe. Ariko se mwirengangije ko abantu bakoresha RAMA nk’ubwishingizi mu kwivuza ko Bose batanganya ubushobozi? Cg naho muzashyiremo ibyiciro. Bitabaye ibyo abantu batifite tiuzavuzwa kuri mutuelle isanzwe kabone niyo waba uri Umukozi wa l etta. Kuko ntabwo uzafata munistre umushyire ku giciro kimwe na mwarimu

ma mie Kuya 1-05-2017

Ahubwo se KO numva bidahwitse! RAMA idutwarira amafaranga menshi buri kwezi, Niba ari ibyo iveho buri wese yivuze k’ubushobozi bwe.

gqg Kuya 1-05-2017

Ariko natwe abafite RAMA dushyigikiye aba baganga. Ibi ni ugusubiza inyuma umuvuduko w’ishoramari mu buvuzi. None se niba ibitaro byarasabye akayabo k’inguzanyo muri banki kugirango kagere ku rwego rwa POLYCLINIC, kandi bishingiye kuri politiki yari isanzwe yo kwivuza mu RWANDA, uyu munsi ukabijyamo ukabishwanyaguza utabanje no kuvuga ikibazo nyamukuru kibiteye, ubwo si ukwangiriza barwiyemezamirimo no guhemukira abanyarwanda. Jye se urantegeka kujya muri ka CLINIC guhabwa service mbi kandi mfite RAMA kubera iki?
Ubwo noneho niba RSSB yinangiye, POLYCLINIC zigiye gushinga CLINIC nkuko HOPITAL igira DISPENSAIRE kugirango bahangane ni iki CYEMEZO CYA RSSB? Ibi bihise binyereka impamvu mutugaburira za GENERIQUE gusa , tukavurwa nabi n’ingaruka zikomeye kubuzima bwacu. Amaherezo tuzajya dusaba raporo y’imikoreshereze y’imari ijyanye n’amafaranga yose dutanga muri RAMA , MUTUELLE n’ibindi bigo kugirango tugereranye ikinyuranyo kiri hagati y’amafaranga dutanga n’asohoka mu kwivuza no kugura imiti. Ibi bizaduha inzira y’icyakorwa .

patty Kuya 1-05-2017

ariko se tuzakomeza kubana nabakozi nkaba bakorera mu kajagari ka buri munsi kubera imikoranire mibi yagati yabo kuggera ryari

lg Kuya 1-05-2017

NONE SE ISHYIRAHAMWE, RYABAGANGA BIGENGA, BATEGEKA RSSB !KANDI ARIYO, ITANGA AMAFRANGA UBWOSE BAZISHYUZANDE!

birababaje Kuya 1-05-2017

Ese nkubu tuza gire dute koko akavuyo ka RSSB karaturambiye kuzamura ibiciro uko bishakiye ntano kugisha inama abanyamurwango koko niba barahombye babitubwiye ariko bakareka gukina nubuzima bwa banyarwanda imicungire mibi mugucunga amafaranga yacu gusa ibi bigomba gusubirwamo byaba ngombwa hagakorwa igenzura ryimbitse

musa Kuya 1-05-2017

Abafata ibi byemezo nubusanzwe bo nimiryango yabo bivuriza hanze. Ntacyo bibabwiye rero byaba ibiciro byaba ibyemezo baba baziko tugomba kubyakira. Wananirwa kwivuza ntacyo bibabwiye. Nuku umuntu azajya ahera mu kuzenguruka kdi arwaye ngo ari gushaka za transfer. Nzaba ndeba. Abakene muracyafunze.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...