konka coffee
KONKA

AMAKURU

UKWEZI

Jeannette Kagame yagaragaje inzira nziza yo kugera ku mpinduka isi yifuza

Jeannette Kagame yagaragaje inzira nziza yo kugera ku mpinduka isi yifuza
11-10-2017 saa 13:17' | By Akayezu Jean de Dieu | Yasomwe n'abantu 3140 | Ibitekerezo

Madamu Jeannette Kagame yashimye intambwe imaze kugerwaho n’umuryango nyarwanda mu kwimakaza imiyoborere myiza anashimangira ko impinduka zifuzwa n’isi muri rusange zagakwiye guhera ku muntu ku giti cye.

Madamu wa Perezida wa Repubulika y’u Rwanda Jeannette Kagame, yagarutse kuri ubu butumwa kuri uyu wa Gatatu tariki 11 Ukwakira 2017, ubwo yari yifatanyije n’abaturage bo mu karere ka Kirehe, Intara y’Uburasirazuba mu muhango wo gutangiza ubukangurambaga ku miyoborere n’imibereho myiza mu muryango aho yashimye cyane ibimaze kugerwaho mu kwimakaza umuryango mwiza.

Agaruka ku nzira zafasha mu kugera ku mpinduka zifuzwa n’u Rwanda, Afurika n’Isi muri rusange, Jeannette Kagame yavuze ko izo mpinduka zigomba guhera ku muntu kugiti cye.

Yagize ati "Ni ngombwa kwita ku buzima bw’Umuryango mu ishusho yagutse, twifuza ko impinduka zifuzwa zahera ku muntu, umuryango, igihugu, akarere n’Isi. Gahunda zita ku muryango, imiyoborere myiza hamwe n’ubuzima ziragendana. Niwo murongo ubuyobozi bw’u Rwanda bwashyizeho".

Jeannette Kagame kandi yibukije ababyeyi ko bakwiye guha umwanya uhagije abana babo bakaganira nabo kandi bakamenya ko bafite uburenganzira bwo kubaho, kubonerwa ibibatunga bifite intungamubiri by’umwihariko mu minsi igihumbi ya mbere.

Madamu Jeannette Kagame kandi yasoje asaba ko ubu bukangurambaga ku “Miyoborere n’imibereho myiza mu muryango” bugirwa ubuzima bwa buri munsi.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...