konka coffee
KONKA

AMAKURU

UKWEZI

KNC yegukanye Radio 1 bidasubirwaho nyuma y’igihe rwambikanye n’uwo bari bayifatanyije

KNC yegukanye Radio 1 bidasubirwaho nyuma y’igihe rwambikanye n’uwo bari bayifatanyije
6-11-2017 saa 12:37' | By Chief Editor | Yasomwe n'abantu 12923 | Ibitekerezo 7

Kakoza Nkuriza Charles benshi bazi nka KNC, umushabitsi wamenyekanye mu Rwanda nk’umunyamakuru, umuririmbyi, umukinnyi w’amakinamico akaba n’umuyobozi wa Radio1 na TV1, yegukanye bidasubirwaho Radio1 yari amaze igihe aburana na Nyagatare Jean Luc, nyuma yo gutsindwa mu rukiko akaba yahisemo kumvikana n’uyu munyamigabane akamuha amafaranga undi akamwegurira imigabane yose.

Kuri uyu wa Mbere tariki 6 Ukwakira 2017, nibwo KNC na Nyagatare Jean Luc bagiranye amasezerano y’uko uyu Nyagatare ahabwa na KNC amafaranga y’u Rwanda angana na miliyoni makumyabiri n’eshanu (25.000.000 Frw), hanyuma Radio1 ikaba 100% iya KNC ndetse Nyagatare Jean Luc agakurwa ku rutonde rw’abanyamigabane b’iyi radio.

Mu byo bumvikanye nk’uko urupapuro rw’amasezerano bagiranye imbere na noteri rubigaragaza, harimo ko amafaranga bumvikanye angana na 25.000.000 Frw KNC agomba kuyashyira kuri konti ya Nyagatare undi akayabona bitarenze icyumweru, ariko urupapuro rw’inyemezabwishyu narwo dufitiye kopi rwerekana ko KNC yahise amwishyura ako kanya, bivuga ko ikibazo cyabo bamaze kukirangiza mu bwumvikane, hakaba hasigaye kujya muri RDB kugirango imigabane yose yandikwe kuri KNC.

Mu bwumvikane bwabo, bemeranyijwe ko n’ubwo Nyagatare yari afite imigabane ya 50% ingana n’amafaranga y’u Rwanda 35.000.000, nyuma yo guhabwa 25.000.000 Frw iby’iyo migabane byose byarangiye, ikegurirwa KNC akagira 100% bingana n’amafaranga y’u Rwanda 70.000.000.

Nyagatare Jean Luc na KNC bakunze guhangana mu nkiko ndetse ibyabo byagiye bivugwa mu itangazamakuru, nyuma y’uko bari bemeranyijwe gufatanya nk’abanyamigabane ariko nyuma ntibumvikane, bikaza kuvamo kugana inkiko aho KNC yabanje kwanga ko Nyagatare aba umunyamigabane kuko hari ibyo atujuje ariko urukiko rwanzura ko ari umunyamigabane ndetse ko afite uburenganzira ku migabane ye muri Radio 1.


INKURU ZA :
Tanga Igitekerezo
Ibitekerezo 7
Jojo Kuya 12-11-2017

Knc turakwenera!tera inbere!!

Jojo Kuya 12-11-2017

Knc turakwenera!tera inbere!!

Iradukunda Aline Kuya 7-11-2017

Nice kbs

zimu Kuya 7-11-2017

kns ndakwera. 100%

J Lieuncaeu Kuya 6-11-2017

KNC werekanye inda ya bukuru kabisa, kwishyura ako kanya nta kuzuyaza peee!

claude uwihanganye Kuya 6-11-2017

saw saw mubyukuri biranshimishije bidasubirwaho KNC

claude uwihanganye Kuya 6-11-2017

KNC ter’imbere wangu tukurinyuma urumunu wu umugabo turakwemera

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...