konka coffee
KONKA

AMAKURU

UKWEZI

Kabarebe ntareba ariko afite A0, azi gukoresha mudasobwa kandi yigisha mu yisumbuye

Kabarebe ntareba ariko afite A0, azi gukoresha mudasobwa kandi yigisha mu yisumbuye
25-08-2016 saa 16:00' | By Chief Editor | Yasomwe n'abantu 6961 | Ibitekerezo 8

Kabarebe Aphrodis, ni umugabo ufite ubumuga bwo kutabona nyamara ntibyamubujije kubona impamyabumenyi y’icyiciro cya kabiri cya Kaminuza (A0), azi gukoresha mudasobwa ariko ikirenze kuri ibyo byose, ni umwarimu w’icyongereza mu mashuri yisumbuye kandi abasha kwigisha abana badafite ubumuga.

Kabarebe Aphrodis, ni umugabo wubatse ufite umugore bafitanye umwana umwe w’imyaka itatu. Afite imyaka 33 ariko guhera ku myaka 6 yagize ikibazo cy’ubumuga bwo kutabona, kuva ubwo yiga amashuri abanza, ayisumbuye ndetse na Kaminuza ndetse akajya atsinda neza.

Mu mwaka wa 2012, nibwo yarangije icyiciro cya kabiri cya Kaminuza, mu cyahoze ari Ishuri rikuru Nderabarezi rya Kigali (KIE), aho yize ibijyanye n’uburezi mu gashami k’ururimi rw’Icyongereza. N’ubwo atareba, yabashije gukurikira amasomo ye, akajya anakora ibizami, akabasha kwandika akoresheje mudasobwa ariko gusoma byo akabikora hakoreshejwe ikoranabuhanga ry’inyandiko yagenewe abamugaye izwi nka "Braille" aho basoma bakabakaba bakabasha kumenya ibyanditse.

Kugeza ubu, Kabarebe yigisha icyongereza mu mwaka wa mbere w’amashuri yisumbuye muri Groupe Scolaire Karama mu murenge wa Nyagihanga mu karere ka Gatsibo. Yabwiye ikinyamakuru Ukwezi.com ko abasha kwigisha abana bakumva, kandi n’ubwo nta n’umwe mu banyeshuri be azi isura ye, akaba abasha kumenya buri wese akazirikana n’igice yicaramo mu ishuri.

Mu mitegurire y’amasomo ye, ategura ibyandikwa (notes) biri mu nyandiko ebyiri, isanzwe abadafite ubumuga bwo kutabona bakoresha n’indi ya "Braille" yagenewe abafite ubu bumuga, hanyuma isanzwe bagenzi be bakamufasha kuyinoza neza ubundi ikagezwa ku banyeshuri, mu gihe iri muri "Braille" imufasha gusoma no gusobanura igihe arimo kwigisha.

Icyakoze Kabarebe yabwiye ikinyamakuru Ukwezi.com, ko imbogamizi ahura nayo ari ijyanye no kuba adafite mudasobwa igendanwa akoresha mu kazi ke, kandi yarize akoresha cyane mudasobwa, akumva aramutse ayibonye byamufasha kuzajya ategura neza amasomo ye. Iyo avuga, wumva yiyizeye kandi ashimangira ko yuzuza inshingano ze.

Ntawiheba Eustache, ni umuyobozi w’ikigo cya Groupe Scolaire Karama. Yabwiye ikinyamakuru Ukwezi.com ko mu barimu afite, Kabarebe ari intangarugero kuko akora akazi ke neza abanyeshuri bagatsinda kandi umusaruro mwiza ukigaragaza. Avuga ko abanyeshuri nabo bamukunda, kuko ari umwe mu barimu b’icyitegererezo bafite muri iki kigo.

Ntawiheba Eustache ashimangira ko mu barimu bose b’ikigo cye, mu myaka ine ishize Kabarebe yagiye aba umwarimu w’indashyikirwa, ukunda akazi ke kandi akagakora neza. Avuga ko imbogamizi nto ibamo, ari uko abarimu bamufasha gutegura ibyandikwa (notes) bashobora kubyandika mu buryo we atabyifuza, ariko muri rusange bakaba babyitwaramo neza.


INKURU ZA :
Tanga Igitekerezo
Ibitekerezo 8
Abbas Kuya 29-08-2016

Uyu mugabo Kabarebe ndamuzi neza cyane kuko twiganye Icyiciro rusange muri Groupe Scolaire de Gahini iherereye mu karere ka Kayonza Iburasirazuba ku batahazi. Ni umuhanga kandi arashoboye no muri UR College of Education Former KIE twariganye.
Nakomeze atere intambwe kandi mwifurije ibyiza.

claudia Kuya 29-08-2016

ariko abanyarwanda imyumvire mibi koko muzayireka ryari ubu muri iyi nkuru icyo mwabashije kubona n inkweto gusa! umuntu ufite ubumuga nkubu uticaye ku muhanda ngo asabirize akaba abasha gukora gutya akitunga n umuryango we nkaho mwamubwiye COURAGE E FELICITATION ku murimo mwiza akora no kubyo amaze kugeraho muri mu nkweto gusa! Imana ikomeze intambwe ze kandi ihe umugisha imirimo ye

Gilbert Kuya 27-08-2016

Nkorera Nyagihanga ndamuzi ni smart kandi arasobanutse rwose. Uvuga iby’inkweto ubundi se ikibaho gisa kuriya? Ahubwo ni uwafashe amafoto.tujye tubanza dushishoze mbere yo gusenya nshuti.

Louise Kuya 26-08-2016

Ariko murasebanya weee, none se niba adafite imodoka yagenda mukirere ngo adahura numukungugu? Murasebanya pe. Ngo gakweto.? Aritunze wasanga mwe mumuharabika muri za mabandi zikora mu mifuka yabandi

Denis Kuya 26-08-2016

Ararushwa kwambara neza n’umunyeshuri koko ibi nabyo nugusebya leta yacu pe ibi bazabikurikirane abayobozi b’amashuri ntacyo bakora

Mariya Kuya 26-08-2016

Rubanda mugira izanyu, iriya nkweto se ibaye iki ? ukurikije ko iyo foto irimo ibihu(itabonaneza) ntacyo inkweto ibaye rwose. ibyo ni byabindi ngo ubuze ....aravuga ngo dore icyo gicebe!!!

HIRWA Kuya 26-08-2016

Izo nkweto ra, ko bikabije.

osee Kuya 26-08-2016

Ariko rero niba ari n’uko atabona sinzi cg ari ubukene, ziriya si inkweto yambaye wagirango ni izo yatoraguye muri poubelle!!!! Abarimu namwe murisebya muzatuma rya zina rya gakweto ribahama. Abayobozi b’amashuli bakwiye gukurikirana uko abarimu bambara,burya niyo wagira inkweto imwe ariko ukayihanagura.Cg ntihari bubure uvuga ko mwalimu atabasha kwigurira umuti w’inkweto? keretse kuba nk’umwana w’ingayi gusa.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...