konka coffee
KONKA

AMAKURU

UKWEZI

Kamonyi: Ubukwe bwari bwapfuye bwabaye, Nsabimana arongora uwo bitaga mushiki we

Kamonyi: Ubukwe bwari bwapfuye bwabaye, Nsabimana arongora uwo bitaga mushiki we
21-09-2017 saa 13:35' | By Chief Editor | Yasomwe n'abantu 13651 | Ibitekerezo 7

Kuri uyu wa Kane tariki 21 Nzeri 2017, nibwo mu murenge wa Kayenzi wo mu karere ka Kamonyi mu Ntara y’Amajyepfo, habereye umuhango wo gusezeranya abifuza kurushinga, mu bashyingiwe hakaba harimo umusore n’inkumi baherutse gushaka gusezerana ubukwe bugapfa ku munota wa nyuma, ariko bikaba byabaye ngombwa ko ubukwe bwabo busubukurwa.

Muri Werurwe uyu mwaka, nibwo umusore witwa Nsabimana Jean Baptiste yatangiye kwibanira n’umukobwa witwa Nkundubutatu Shalom, babana nk’umugabo n’umugore ariko bari batarabanza gusezerana imbere y’amategeko cyangwa gukora indi mihango y’ubukwe. Kuwa Kane tariki 22 Kamena 2017, ubwo bajyaga gusezerana mu murenge wa Kayenzi, nibwo havutse ikibazo cyateje impagarara no kutumvikana mu miryango, bitewe n’uko byavugwaga ko uyu Nkundubutatu Shalom yaba ari mushiki w’uyu mugabo we Nsabimana Jean Baptiste, kandi akaba yaramaze no kumutera inda.

Icyo gihe mu kiganiro ikinyamakuru Ukwezi.com cyagiranye n’Umunyamabanga Nshingwabikorwa w’ Umurenge Kayenzi, Mandela Innocent, yadutangarije uko byagenze. Icyo gihe yagize ati: "Hari gahunda nyine yo gusezeranya abantu benshi, ni byabindi by’imbabazi. Noneho haje kugaragaramo umusaza, se w’umuhungu, cya gihe turi muri salle twigisha, Se w’umuhungu ajya hanze arampamagara ati ariko mwakwigisha mwagira rwose muyobozi, ati hano hari umuhungu wanjye rwose, umukobwa agiye kurongora ni mushiki we pe! Ubwo urumva rero iyo hajemo ikintu nk’icyo uritonda cyane, urabizi ko amategeko nyine atabyemera. Ariko ubwo uwo muhungu n’uwo mukobwa, amakuru twaje kumenya nyuma ni uko n’ubundi basanzwe babana, ndetse yamuteye n’inda kuko barongoranye mu kwezi kwa gatatu, ubwo babanaga nk’umugore n’umugabo."

UMVA UKO GITIFU YABISOBANUYE BYOSE HANO:

Icyo gihe bahamagaye umusore n’inkumi ndetse n’imiryango yabo ngo babiganireho ndetse umuyobozi asaba ko bashaka n’abantu bakuze mu miryango ngo babisobanure neza, maze bigaragaramo kutumvikana aho umuryango w’umukobwa wemezaga ko amasano bafitanye ari aya kure cyane, naho umuryango w’umuhungu wo ugashimangira ko umugabo yaba agiye gusezerana na mushiki we kandi se w’umuhungu we yanabwiye ubuyobozi bw’umurenge ko nibaramuka babasezeranyije azabajyana mu rukiko akabarega.

Hagati aho mu gihe imiryango yombi yari irimo gusiganira ibyo kuba basezerana, umukobwa yaje guhita agwa igihumure ajyanwa kwa muganga aho yagiye ameze nk’uri muri koma, aza kuva kwa muganga amaze kuzanzamuka mu masaha ya nimugoroba, asubira mu rugo rw’umugabo we cyane ko bari basanzwe bibanira.

Byabaye ngombwa ko umurenge usubika ibyo kubasezeranya hatangira gukorwa iperereza ryimbitse ngo hamenyekane niba ari amatiku yo mu miryango yaba atuma umuryango w’umuhungu udashaka ko basezerana, cyangwa se niba koko baba bafitanye amasano ya hafi.

Nyuma yo gukora iperereza bagasanga ari amatiku yo mu miryango ndetse bakibonera amakuru afatika y’uko Nsabimana na Nkundubutatu atari abavandimwe, ubuyobozi bw’umurenge wa Kayenzi bwanzuye kubashyingira nk’uko amategeko abiteganya, kuri uyu wa Kane bakaba barahiriye kuzabana akaramata, imbere y’ibendera ry’u Rwanda.

Umunyamabanga Nshingwabikorwa w’ Umurenge Kayenzi, Mandela Innocent, yabwiye Ikinyamakuru Ukwezi.com ko nk’ubuyobozi bakoze ibishoboka byose bagakurikirana iki kibazo kugeza ubwo bamenye ukuri bakiyemeza guha aba bendaga kurushinga uburenganzira bwabo bemererwa n’amategeko.


INKURU ZA :
Tanga Igitekerezo
Ibitekerezo 7
Gucamuziko ntigushye Kuya 23-09-2017

Rwose ukuri uvuze neza. Habeho guhana izo ngirwa babyeyi zabeshyeye umusore ahanwe kandi yishyure igihombo bateje umwana

Nakumiro Kuya 22-09-2017

Uwomusaza numugome azaryozwe ihungabana nibibazo yateje umukazanawe akarindubwo6 ajyanwa mubitaro igitaraganya kandi anakuliwe. Ubwose nkibyo byonyine ntibyagira ingaruka ku mwuzukuru we utwitwe?

mukecuru Kuya 22-09-2017

Dushimiye ikinyamakuru kitugejejeho uko iyi nkuru yarangiye byali byambabaje cyane

Alain Seim Kuya 22-09-2017

Iyi nkuru ikoze neza ,

Ikindi dushimiye uwo GITIFU_ Inocent uko abisobanura, kandi bitanga icyizere cyuko azabikurikirana , kimwe cyo atanga amakuru neza kandi n’umunyamakuru yamubazaga kinyamwuga .

Good interview i have ever heard .

Alain Seim Kuya 22-09-2017

Iyi nkuru ikoze neza ,

Ikindi dushimiye uwo GITIFU_ Inocent uko abisobanura, kandi bitanga icyizere cyuko azabikurikirana , kimwe cyo atanga amakuru neza kandi n’umunyamakuru yamubazaga kinyamwuga .

Good interview i have ever heard .

alfa Kuya 21-09-2017

Hanyuma uyu wabeshye ubuyobozi nta cyo Amategeko amuhanisha?

Ukuri Kuya 21-09-2017

Nshimishijwe ko ukuri kwagiye ahagaragara, ariko ndasaba ubuyobozi bw’Umurenge bwakurikiranye iki kibazo ibi bikurikira:

1. Gukurikirana uwabeshye kuku kubeshya ari icyaha gihanwa n’amategeko;

2. Kuryoza uwabeshye igihombo cyose cyavutse ku biteguraga kubana kuko hari imyiteguro yari yakozwe;

3. Kugaragaza no kugaya mu ruhame imbere y’inteko z’abaturage uwabeshyeye abageni akanabeshya ubuyobozi kugira ngo bibere isomo n’abandi bakora nabi gutyo, no guca umuco wo kudahana;

NB: Bidakozwe gutyo ntabwo akarengane kazacika, kandi ndasaba abageni kuba batanga ikirego bakarenganurwa kuko basizwe icyasha tutaretse igihombo no gutera ihungabana umuryango.

MURAKOZE.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...