konka coffee
KONKA

AMAKURU

UKWEZI

Karongi: Abajyanama b’ubuzima biyubakiye igorofa ryatwaye Miliyoni 350 frw

Karongi: Abajyanama b’ubuzima biyubakiye igorofa ryatwaye Miliyoni 350 frw
23-09-2017 saa 10:10' | By Vincent Nsengiyumva | Yasomwe n'abantu 2246 | Ibitekerezo

Abajyanama b’ubuzima bo mu Karere ka Karongi batashye ku mugaragaro inyubako y’ubucuruzi biyujurije ibatwaye akayabo kagera kuri Miliyoni 350 frw bagiye bakusanya binyuze mu kwizigamira.

Aba bajyamama b’ubuzima bo muri aka karere bose hamwe uko ari 1611 bibumbiye muri Koperative 22 maze buri Koperative ikusanya miliyoni 15 zagiye zivanwa mu bikorwa bya serivise baha abaturage.

Iyi gorofa izajya ikorerwamo ibikorwa by’ubucuruzi binyuranye, ubuyobozi bwayo bwatangaje ko izajya yinjiza miliyoni zikabakaba 8 mu kwezi kumwe, naho mu mwaka ikajya ibinjiriza miliyoni zisaga 95.

Umuyobozi w’abajyanama b’ubuzima mu Karere ka Karongi, Mazimpaka Patience, yatangaje ko iyi nzu yavuye mu mbaraga z’abajyanama b’ubuzima bo mu Karere ka Karongi gusa, ashimangira ko nta mafaranga ya Banki na make ayiriho.

Yagize ati “ Iyi nzu yuzuye mu mbaraga zacu, nta mafaranga ya Banki, nta nguzanyo twafashe, ntawe uzadukurikirana ngo abe yayiteza cyamunara kubera imyenda twaba tumufite…iyi nzu izadufashe gukomeza kwiyubaka mu gihe kizaza ndetse twiyemeje ko tuzakomeza kugaragaza ubudasa mu kazi dukora.”

Umuhango wo gutaha iyi nyubako wabaye kuri uyu wa Gatanu, tariki ya 22 Nzeri, witabiriwe n’abayobozi b’inzego zinyuranye barimo Minisitiri w’ubuzima, Dr Diane Gashumba, Minisitiri ushinzwe ibiza no gucyura Impunzi, Debonheur Jeanne d’Arc,Umunyamabanga wa Leta ushinzwe imibereho myiza y’abaturagre, Dr. Alvera Mukabaramba, Guverineri w’intara y’Uburengerazuba, Munyantwari Alpfonse, n’abandi batandukanye aho bose bahurije kugushimira iki gikorwa cy’indashyikirwa cyakozwe n’abajyanama b’ubuzima bo mu karere ka Karongi.

Mbere y’igikorwa cyo gutaha iyi nyubako kumugaragaro,Minisitiri w’ubuzima hamwe n’abandi bayobozi bari kumwe babanje kujya mu rugo rwa Drocella Mukamazimpaka umwe mu bajyanama b’ubuzima biteje imbere utuye mu murenge wa Mubuga maze bamushimira uburyo yazamuye imibereho y’umuryango we mu buryo bugaragara.

Minisitiri w’ubuzima Dr Diane Gashumba yashimiye byimazeyo abajyanama b’ubuzima kubw’ibikorwa byiza no kwitanga mu mirimo yabo kuko ngo uruhare rwabo muri serivisi z’ubuzima bikomeje gutanga isura nziza ku gihugu cy’u Rwanda ku buryo n’amahanga asigaye yifuza kuza kutwigiraho.

Yagize ati “Abanyamahanga baza mu Rwanda kutwigiraho kuko twagabanyije impfu z’ababyeyi n’abana kandi ni mwe mwabigizemo uruhare runini.”

Dr Gashumba yavuze ko MINISANTE yifuza ko umudugudu waba ishingiro rya gahunda z’ubuzima kugira ngo u Rwanda rukomeze kuza ku isonga mu kugira abaturage bafite ubuzima bwiza.

Minisiteri y’ubuzima kandi yanahaye abajyanama b’ubuzizma ibikoresho by’imirasire bifite agaciro k’asaga miliyari 1.5 Frw muri gahunda yo kubafasha kugira urumuri aho batuye no gukomeza kunoza serivise z’ubuzizma batanga.

Minisitiri Dr Gashumba yasuye Mukamazimpaka, umujyanama w’ubuzima witeje imbere

Dr Gashumba areba imirasire y’izuba abajyanama b’ubuzima bahawe

Min.Gashumba afungura kumugaragaro inyubako y’abajyanama b’ubuzima
Ibyishimo byari byose ku bajyanama b’ubuzima ba Karongi ubwo batahaga inyubako biyujurije


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...