konka coffee
KONKA

AMAKURU

UKWEZI

Karongi: Umwe mu bakekwaho gutera inda abanyeshuri benshi yatawe muri yombi

Karongi: Umwe mu bakekwaho gutera inda abanyeshuri benshi yatawe muri yombi
18-09-2017 saa 10:17' | By Akayezu Jean de Dieu | Yasomwe n'abantu 8135 | Ibitekerezo

Nyuma y’uko ishuri rya GS Ruganda riherereye mu murenge wa Ruganda, akarere ka Karongi havuzwemo abanyeshuri bagera ku 10 batwite n’ubwo hari abavuga ko uyu mubare utageraho ariko bikemezwa ko ari benshi kandi bose baratewe inda n’abantu bataramenyekana, kuri ubu Polisi y’u Rwanda yafashe umwe mu bagabo bakekwaho gutera inda abanyeshuri bo muri iki kigo ndetse iperereza rikaba rigikomeje ngo harebwe ko n’abandi bakoze ibi bafatwa bagakurikiranwa.

Kugeza ubu umwe mu bakekwaho gutera inda abanyeshuri witwa Chrisostome w’imyaka 23 yamaze kugera mu maboko ya Polisi y’igihugu ikorera mu karere ka Karongi binavugwa ko ariwe wateye inda umwana w’umukobwa uri mu kigero cy’imyaka 17 akaba kuri ubu afite umwana w’amezi atanu.

Iri tabwa muri yombi ry’uyu mugabo rije nyuma y’umukwabo wakozwe muri iki kigo mu mpera z’iki Cyumweru gishize, ku bufatanye n’Impuzamiryango y’amashyirahamwe aharanira uburenganzira bwa muntu mu Rwanda (CLADHO), Komisiyo y’igihugu y’abana (NCC) ndetse na Polisi y’u Rwanda hagamijwe kureba icyaba ari intandaro y’abanyeshuri baterwa inda cyane muri iki kigo.

Mu kiganiro yagiranye n’ikinyamakuru Ukwezi.com, Me Safari Emmanuel, Umunyamabanga Nshingwabikorwa wa CLADHO yavuze ko bakimara kumva iki kibazo cy’abana benshi batwite mu kigo kimwe cy’ishuri babaye nk’abatunguwe bahitamo kwihutira gukora icyo yise impuruza, aribwo bafatanyije na komisiyo y’igihugu y’abana ndetse n’urwego rw’igihugu rushinzwe iperereza, bagiye gukora inama muri iki kigo bahava bemeranyijwe gushakisha abantu baba barateye inda aba bana bose.
Me Safari Emmanuel, Umunyamabanga Nshingwabikorwa w’Impuzamiryango y’amashyirahamwe aharanira uburenganzira bwa muntu mu Rwanda/Photo:Interineti

Safari Emmanuel kandi yemeje aya makuru y’itabwa muri yombi ry’uyu Chrisostome ukekwaho gutera inda aba bana avuga ko kugeza ubu iperereza rigikomeje ko binashoboka ko hari abandi benshi bazafatwa bigendanye n’umubare w’abana bo muri iki kigo cyangwa abaturuka ku bindi bigo bagenda baterwa inda n’inkoramahano zibashuka.

Uyu muyobozi ariko yanabonyeho gusaba abanyarwanda bose gufatanya n’abarimu gukumira aya mahano y’abana baterwa inda bakiri bato by’umwihariko abakiri mu mashuli. Ati “Buri munyarwanda wese akwiye guhagurukira iki kibazo ,buri wese ahaguruke n’abashinzwe uburezi bakwiye gutanga uburere bakagerageza kurinda aba bana ibishuko no kwamaganira kure ababashora muri izi ngeso mbi“
Ku wa kane tariki 17, ubwo inzego zinyuranye zifite aho zihuriye n’uburenganzira bw’umwana zasuraga iki kigo zahavuye zifashe umwanzuro wo gukurikirana iki kibazo cyo ku rwunge rw’amashuri rwa Ruganda mu maguru mashya Uyu mwana w’imyaka 17, afite uruhinja rw’amezi 5 kuri ubu ukekwaho ku mutera inda yamaze gufatwa n’inzego z’umutekano


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...