konka coffee
KONKA

AMAKURU

UKWEZI

Kayonza: Umuriro ukomeje kwaka mu muryango w’uwishe mugenzi we amuziza telefone

Kayonza: Umuriro ukomeje kwaka mu muryango w’uwishe mugenzi we amuziza telefone
26-08-2017 saa 18:16' | By Akayezu Jean de Dieu | Yasomwe n'abantu 9695 | Ibitekerezo 1

Abana bo mu muryango wa Rutabaringoga Jean Pierre ufunzwe by’agateganyo azira kwica umuntu amuziza telefone ye yatindanye, baratabaza ndetse bavuga ko barenganyjwe n’ubuyobozi bw’inzego z’ibanze bwabakuye mu mitungo yabo ndetse kuri ubu bamwe muri aba bana bakaba bararetse ishuri babitewe n’ingaruka z’icyaha se yakoze bigatuma abasigira mukase.

Umubyeyi w’aba bana akurikiranweho icyaha cyo kwica umuturanyi we amuziza telefone igendanwa, iki cyaha akaba yaragikoze mu ijoro ryo kuwa 26 Mata 2017 aho bivugwa ko umuturanyi we (Ubu yarapfuye) yamutwariye telefone akayitindana hanyuma aho ayizaniye uyu Rutabaringoga agahita amukubita urushyi rwamuvirriyemo kubura ubuzima.

Uyu Rutabaringoga afungiye by’agateganyo kuri Gereza iherereye mu karere ka Rwamagana mu ntara y’Uburasirazuba izwi nka gereza ya Nsinda, akaba ategereje kuburana byaha ashinjwa. Ajya kugenda yasize yandikiye ubuyobozi bw’umurenge ibaruwa ivuga ko amazu y’ubucuruzi n’andi yari afite akodeshwa, byose abiragije mushiki we ariko agasigira umuryango umwe w’inzu umugore we ariko uwo akaba ari umugore muto kuko afite abandi bana bakuru uwo mugore abereye mukase.

Gusa nk’uko umuvugizi wa Polisi mu ntara y’Uburasirazuba yabihamirije Ikinyamakuru Ukwezi.com, ngo hari indi nyandiko uyu mugore yagaragaje ihamya ko umugabo yasize amuhaye uburenganzira bwo gucunga imitungo yose irimo na moto yaje guteza ubwumvikane bucye hagati y’uyu mugore n’abana abereye mukase.

Aya ni amwe mu mazu yasizwe na Rutabaringoga ari naho harimo iyo aba bana babamo andi akaba akodeshwa

Mu Kiganiro ikinyamakuru Ukwezi.com cyagiranye n’aba bana bahamya ko barenganyijwe. bavuze ko ubuzima babayemo bubagoye cyane dore ko kugeza ubu batakiri kujya ku ishuri dore ko umwe yiga mu mwaka wa gatatu undi akaba ari mu mwaka wa gatanu w’amashuri yisumbuye. Ikindi kibazo aba bana bavuga ko bafite ni ukuba ubuyobozi bw’umurenge bufatanyije n’inzego z’umutekano burimo gufata iya mbere mu kwirengagiza uburenganzira bwabo nk’abana ndetse n’uburenganzira bagomba kugira ku mitungo ya Se ubabyara.

Umwe muri aba bana witwa Byukusenge yagize ati “Gitifu w’umurenge yaje hano mu rugo tariki 23 Kanama 2017 hari nka saa tanu(11h00) hanyuma abaturanyi bamubwira ikibazo cyacu ariki aho kugirango atwumve yahise ahamagaza abapolisi baraza bica ingufuri y’urugi rwacu barangije bafata moto bayijyana kuri Polisi bavuga ko atari iyacu ahubwo ari iy’uriya mugore.”

Ntibyadukundiye kuvugana n’umuyobozi w’umurenge ari nawe aba bana bashyira mu majwi ku kubambura uburenganzira bwabo cyane ko ubwo twatunganyaga iyi nkuru yatubwiye ko ari mu nama ariko umuyobozi w’akarere ka Kayonza, Murenzi Jean Claude, niwe wabashije kuvugana n’Ikinyamakuru Ukwezi.com ubwo twatunganyaga iyi nkuru atwizeza ko agiye gukurikirana iki kibazo ndetse ahamya ko nta mpamvu n’imwe yatuma abana bavutswa uburenganzira bwabo.

Amakimbirane bivugwa ko yatewe n’uyu mugore ukekwaho kuroga mukeba we

Hari hasanzwe amakimbirane muri uyu muryango aho bivugwa ko mukase w’aba bana (Umugore wa kabiri wa Rutabaringoga) ari we wagize uruhare mu kwica uyu mugore wa mbere dore ko nk’uko abaturanyi b’uyu muryango bari babitangarije ikinyamakuru Ukwezi.com ubwo twakoraga inkuru yabanjirije iyi, bagaragaje ko uyu muryango wari usanzwe urimo amakimbirane.

Uretse kuba uyu Rutabaringoga yarafashe amafaranga angana na Miliyoni 16 agasiga ayasinyiye umugore we wa kabiri hari n’ibindi bibazo byo kutumvikana hagati y’abana b’umugore wa mbere ndetse n’uyu mugore wa kabiri ari we mukase, ibi kandi bikaba bishimangirwa n’ubuyobozi bw’ibanze.

Moto n’indi mitungo yabaye ifatiriwe na Polisi Iyi moto yari mu rugo rw’aba bana kuri ubu yagajejwe kuri Polisi ngo habanze hamezwe ugomba kuba nyirayo hagati y’aba bana na nyina wabo

Nyuma y’ifungwa ry’uyu Rutabaringoga Jean Pierre, Umugore we wa kabiri akaba mukase w’abana be, yakomeje kujya yishyuza ubukode bw’inzu nk’uko abana babivuga ngo amafaranga akayatwara atayabatungishijemo ari naho bahereye bamukumira biza kugera n’ubwo bigera mu buyobozi ndetse na moto yari yanditse kuri uyu mugore abana barayimwima.

Mu kiganiro n’umuvugizi wa Polisi mu Ntara y’Uburasirazuba, IP Jean Bosco Dusabe yabwiye Ikinyamakuru Ukwezi.com ko icyo Polisi yakoze ifatanije n’ubuyobozi bw’inzego z’ibanze ari ukuba bahagaritse iyo moto ndetse n’ayo mazu yakodeshwaga n’uyu mugore mu gihe bagitegereje ko ubuyobozi buzabanza kubaza uyu Rutabaringoga ikigomba gutunga aba bana cyane ko imitungo yose yasize ayanditse kuri uyu mugore we wa kabiri.

IP Dusabe yagize ati “Ubusanzwe nk’uko inyandiko zibigaragaza koko iyo moto ndetse n’ayo mazu uyu mugabo yasize abyanditse ku mugore we cyane ko nawe bafitanye umwana babyaranye gusa twebwe icyatumye dufatira iyi moto ndetse tukaba duhagaritse iyi mitungo ni uko nta kuntu byumvikana ko yaba yarafashe iyi mitungo yose akayiha uyu mugore kandi azi ko afite abana yabyaranye n’umugore wa mbere kuri ubu wapfuye ikindi kandi abo bana tuzabanza tumenye wanasanga atabemera niyo mpamvu byose bizemezwa n’uwo musaza”

IP Dusabe kandi yanavuze ko yavuganye n’ubuyobozi bw’umurenge ku kuba bwajya kureba uburyo abo bana baba bitaweho bakajya ku ishuli mu gihe hagitegerejwe ko papa wabo azemeza ibyo abagenera ndetse n’ibigomba kubatunga.

SOMA INKURU BIFITANYE ISANO HANO Kayonza: Umusaza yishe umuturanyi we amuziza gutindana telefone PNG


INKURU ZA :
Tanga Igitekerezo
Ibitekerezo 1
MUKANDAYISENGA Francoise Kuya 26-08-2017

Ubuyobozi niburengere Abo bana bahabwe uburenganzira mu muryango ku mitungo yase maze babashe gukomeza amasomo kuko nibo Rwanda rwejo.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...