konka coffee
KONKA

AMAKURU

UKWEZI

Kigali : Abana babiri bazindukiye kuri Polisi batakamba basaba ko nyina yafungurwa

Kigali : Abana babiri bazindukiye kuri Polisi batakamba basaba ko nyina yafungurwa
9-11-2017 saa 12:42' | By Akayezu Jean de Dieu | Yasomwe n'abantu 11506 | Ibitekerezo 8

Abana babiri umukobwa n’umuhungu bari mu kigero cy’imyaka 8 na 12 bazindukiye ku biro by’umurenge wa Kimisagara baje gusaba ko Polisi n’ubuyobozi bw’uyu murenge bafungura nyina ubabyara witwa Nyirandikuryayo Francine ukurikiranweho icyaha cyo gukubita no gukomeretsa ndetse n’ubujura bwitwaje ikiboko

Uyu mugore bivugwa ko afunganywe n’umugabo we ngo bakurikiranweho icyaha cyo gukubita no gukomeretsa ndetse n’ubwambuzi bukoresheje ikiboko bakoreye umukiriya wari waje aje kunywera mu kabari kabo hanyuma ngo baramwambura barangije baranamukubita.

Ibi bikaba byaratumye Polisi ifata uyu muryango ngo ujye gukurikiranwa kuri ibi byaha ari nabyo byateye abana b’uyu muryango kubyukira ku biro by’umurenge wa Kimisagara basaba ko nyina yafungurwa akajya kubitaho.

Umunyamabanga Nshingwabikorwa w’Umurenge wa Kimisagara, Ruzima Serge yabwiye ikinyamakuru Ukwezi.com ko abo bana baje kuri uyu murenge muri iki gitondo basaba ko nyina yafungurwa ariko Gitifu avuga ko bitashoboka ko umubyeyi afungurwa kubera ko abana babyifuza kuko umubyeyi wabo afite ibyaha akurikiranweho ari nabyo byatumye ashyikirizwa inzego zibishinzwe.

Gitifu kandi avuga ko uyu muryango utari usanzwe ubarizwa mu murenge wa Kimisagara ahubwo ari uwo muri Kanyinya ahubwo ufite ibikorwa muri Kimisagara ari naho bakoreye icyaha bagahita bafungirwa.

Gitifu Serge ati“Urumva abana bazindukiye ku murenge basaba ko nyina yafungurwa ariko birumvikana ko hari ibyaha akurikiranweho kandi ntabwo bishoboka ko yarekurwa bidakemutse, ariko twebwe icyo tugiye gukora ni ukohereza aba bana ku murenge wabo wa Kanyinya kugirango babashe kwitabwaho no guhabwa ubundi bufasha bw’ibanze mu gihe nyina agikurikiranwa”.

Aba bana nibo babyukiye ku murenge basaba ko nyina yafungurwa akajya kubitaho

Umuvugizi wa Police mu Mujyi wa Kigali, Supt Hitayezu Emmanuel yabwiye Ikinyamakuru Ukwezi.com ko aba babyeyi bari kuri Sitasiyo ya Polisi ya Kimisagara mu karere ka Nyarugenge, Umujyi wa Kigari aho bakurikiranweho ibyaha birimo gukubita no gukomeretsa ndetse n’ubwambuzi bwitwaje ikiboko bakoreye umukiriya wabo.

Ingingo ya 302 mu gitabo cy’amategeko ahana ibyaha mu Rwanda, ivuga ko "Umuntu wese ukoze ubujura bukoreshejwe kiboko cyangwa ibikangisho ahanishwa igifungo kuva ku myaka itatu (3) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri eshanu (5) kugeza ku icumi (10) z’agaciro k’icyibwe. Iyo kiboko cyangwa ibikangisho byakoreshejwe ubujura, byateye indwara cyangwa kubuza umuntu kugira icyo yikorera ku buryo budahoraho, uwakoze icyaha ahanishwa igifungo kirenze imyaka itanu (5) kugeza ku myaka irindwi (7). Iyo ikiboko cyangwa ibikangisho byateye indwara idakira, ubumuga buhoraho butuma umuntu atagira icyo yikorera cyangwa byateye kubura burundu umwanya w’umubiri, uwakoze icyaha ahanishwa igifungo kuva ku myaka irindwi (7) kugeza ku myaka icumi (10).

Ingingo y’148 yo ivuga ko umuntu wese ubishaka, ukomeretsa undi cyangwa umukubita cyangwa umusagarira ku buryo bwa kiboko bubabaje, ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda kuva ku bihumbi ijana (100.000) kugeza ku bihumbi magana atanu (500.000) cyangwa kimwe gusa muri ibyo bihano.


INKURU ZA :
Tanga Igitekerezo
Ibitekerezo 8
Mh Kuya 11-11-2017

Birababaje ariko irifunga ryabantu amaherezo azaba ayahe, hano iMuhanga ntagihe badafunga abantu bazira ubusa nibyangombwa ntabyo bagya baka baragufata bakagufunga .Hari gereza bagira imushubati barakugyana bakakujugunya iyo bakakwihorera wamara nkamezi atandatu bati Tasha. Ubwose demokarasi irihe muri iki gihugu.

MUNYANA Kuya 10-11-2017

UYU GITIFU ASHATSE YAKUMVA ICYO ABANA BAVUGA KUKO ICYAHA BAGIKURIKIRANAHO UMUGABO UMUGORE AKAJYA KWITA KUBANA KUKO BYAKOROHERA N’UBUYOBOZI BWE; KUKO NTAZI NAWE(GITIFU) ICYO ABO BANA BAZABA EJO HAZAZA NAWE.

Birababaje Kuya 10-11-2017

Uwo mwanya w’umukobwa nihagira umuhohotera gitifu abyirengere !!!!

INGENZI Kuya 9-11-2017

umugore bamurekure yite ku bana umugabo akurikiranwe, kuko n’indishyi bazazifatanya bombi

dada Kuya 9-11-2017

Ariko mwagiye mugira imbabazi?ababyeyi Bose se komubafinze abana ninde ubitaho?nizereyuko gitifu abajyaniwe murugo akabitaho.

karumbombo Kuya 9-11-2017

Ndabeshyuza gitif wa kimisagara wavuze ko uwo muryango ufunzwe udasanzwe uba mumurenge ayobora ko ariho batuye batigeze banatura i kanyinya ndabazi turaturanye kuba barakoze icyaha ntabwo yaba impamvu yo kubihakana ko badatuye mumurenge abereye umuyobozi ngo nuguhunga inshingano zo kwita kuri abo Bana.

ngenzi Kuya 9-11-2017

Bwana fkaaa turi kumwe cyane rwose ubwose abo bana uretse no kujya mumuhanda bo bazakurana umutima umeze ute ni ukubita ba nyira ntampuhwe ntampuhwe bazigera bagirira uzabagirira nabi wese niyo mpamvu ubwihebe butazashira

fkaaa Kuya 9-11-2017

nibajya mumuhanda rero mukavuga reta yacu nigabanye yburyo bwo gufunga kko siwo muti hashakwa ibihano byinshi kko reta nayo usanga ihahombera njye burigihe mbona abanu bafunzwe kutunu duto ariko amategeko ugasanga abiremereza cne

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...