konka coffee
KONKA

AMAKURU

UKWEZI

Kigali: Inzobere mu bucuruzi igiye guhugura ku buntu abashaka gukira byihuse

Kigali: Inzobere mu bucuruzi igiye guhugura ku buntu abashaka gukira byihuse
24-06-2017 saa 11:01' | By Chief Editor | Yasomwe n'abantu 9833 | Ibitekerezo 3

Tendai Chinoperekwei umaze imyaka 11 akora akazi k’imenyekanishabikorwa mu bucuruzi mpuzamahanga agiye kuza guhugura no kwereka abanyarwanda uko bagana inzira yo gutera imbere ku basanzwe bakora ubucuruzi ndetse n’abadafite akazi bashaka gutera imbere.

Tendai Chinoperekwei akomoka mu gihugu cya Zimbabwe, afite imyaka 35. Mu myaka 11 ishize ubwo ubukungu bw’igihugu cye bwahungabanaga cyane, Tendai ukomoka mu muryango ukennye yiyemeje kwinjira mu bucuruzi bwo kumenyekanisha ibikorwa n’ibicuruzwa ku rwego mpuzamahanga (Multi – level Marketing).

Tendai yahise atangira gukorana na kompanyi ikora imiti iva ku bimera (naturel) ikomoka ku buvuzi bw’Abashinwa ikifashisha ikoranabuhanga ry’Abanyamerika. Kugeza ubu Tendai ahembwa umushahara mwiza ndetse amaze kwegukana ibihembo bitandukanye birimo inzu ya ‘Villa’ ifite agaciro ka 150.000 $ (120.000.000 FRW) n’imodoka 4 amaze gutsindira kubera gukora aka kazi.

Ni umwe mu bamaze kumenyekana cyane kubera kwitabazwa mu bihugu hafi ya byose ku isi nka ‘Public speaker’ aho amaze gufasha abantu batari bacye abayobora ku mabanga yabageza ku bukire bwihuse kandi bagakomeza kuzamuka mu bukungu mu buryo bugaragara.

Ku itariki 01 Nyakanga 2017 nibwo Tendai azatanga amahugugurwa kuri buri muntu ufite ubushake bwo gukora ubucuruzi ariko akaba yarabuze aho ahera, abakora ubucuruzi ariko batazi kumenyekanisha ibikorwa byabo kurushaho, abadafite akazi bashaka kumenya aho bahera bagatangira kwinjiza amafaranga buri kwezi,…

Aya mahugurwa y’umunsi azabera mu mujyi wa Kigali mu nyubako ya CHIC, mu igorofa rya 2 winjiriye ku ruhande rwa ruguru rw’iyi nyubako. Dieudonné Uwizeye , umuyobozi wa Horaho Life ari nayo yateguye aya mahugurwa, yadutangarije ko Tendai azagera mu Rwanda ku itariki 30 Kamena 2017, agatangira guhugura bukeye bwaho ku isaha ya saa munani z’amanywa (14h00).

Uwizeye Dieudonné avuga ko Tendai afite byinshi azasangiza abazitabira aya mahugurwa bityo ko ufite ubushake wese bwo gutera imbere adakwiriye gucikanwa n’aya mahirwe y’imbonekarimwe.

Yagize ati: “Tendai afite ubunararibonye cyane muri Marketing, mu bujyanama mu bucuruzi. Biragoye kumuvuga, uzayitabira ni we uzabasha kubona impano ye idasanzwe, kandi imiryango ifunguriye buri wese kuko kwinjira bizaba ari ubuntu. Hazanigishwa byinshi ku kamaro ka produit z’iyi sosiyete mu gufasha abantu bafite ibibazo bitandukanye by’ubuzima, byongeye amahirwe yo kubona akazi ni yose muri iyi sosiyeti ku babyifuza, u yu uzaba ariwo mwanya wo kumenya uko bakabona.”

Dieudonné yongeyeho ko nta mpamyabushobozi runaka uzitabira aya mahugurwa agomba kuba afite, uretse gusa kuba afite ubushake bwo kumenya uko yakora ubucuruzi bukamuteza imbere. Ni ubwa kabiri Tendai aje guhugura abashaka kongera ubumenyi bwabo mu bijyanye na ‘Marketing’ . Umwaka ushize nabwo yari yatanze amahugurwa nk’aya mu kwezi kwa Nyakanga.

Uramutse ukeneye ibindi bisobanuro kuri aya mahugurwa, wahamagara kuri 0788785164 cyangwa kuri 0736584988


INKURU ZA :
Tanga Igitekerezo
Ibitekerezo 3
DUKUZUMUREMYI Kuya 24-06-2017

nanjye aya mahugurwa ndayishimiye kandi nzayitabira kandi nizeye ko nzahakura igisubizo kizima kuko hari igihe umuntu atekereza gukora ikintu runaka ariko imbogamizi ikaba kuba ntaho atekereza yabona isoko yagurishaho umusaruro we ururgero nkanjye natekereje gukora umushinga wo guhinga igihingwa cyitwa ERTEMISIA gikorwamo imiti ivura malaria ariko nkaba narabuze aho nagurisha umusaruro kubera ko mu rwanda nta ruganda rwatunganya umusaruro

Simbujije Kuya 24-06-2017

izo modules zose azakoresha muri training twarazisomye turaminuza ku manota yo hejuru ariko .... nako simbujije.

style Kuya 24-06-2017

nawe uri marketing

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...