konka coffee
KONKA

AMAKURU

UKWEZI

Kigali: Nyuma y’igihe gito bakoze ubukwe bibarutse abahungu bane ariko birabakomereye

Kigali: Nyuma y’igihe gito bakoze ubukwe bibarutse abahungu bane ariko birabakomereye
17-07-2017 saa 18:16' | By Chief Editor | Yasomwe n'abantu 15580 | Ibitekerezo 3

Nzabonakura Dominique n’umugore we Nyirarugwiro Seraphine, bagize umugisha udasanzwe bibaruka abana bane b’abahungu b’impanga, ariko ntiborohewe n’ubuzima kuko kwita kuri aba bana kugeza ubu ari ibintu bibakomereye cyane, kuburyo basaba buri wese ufite umutima w’urukundo kubafasha kwita ku mbuto Imana yabibye mu muryango wabo.

Mu mpera z’umwaka ushize wa 2016, nibwo Nzabonakura Dominique na Nyirarugwiro Seraphine bakoze ubukwe, none nyuma y’amezi macye, tariki 14 Nyakanga 2017, bibarutse abana bane n’impanga, bose bakaba ari abahungu. Ubu uyu muryango umaze iminsi mu bitaro bya Kaminuza bya Kigali bizwi nka CHUK, aho abana barimo kwitabwaho n’abaganga mu byuma kabuhariwe bifashirizwamo abana bavutse amezi 9 ataruzura cyangwa abavukanye utundi tubazo tw’ubuzima. Uyu mubyeyi w’abana we, ari mu bitaro by’ababyeyi.

Mu kiganiro yagiranye n’ikinyamakuru Ukwezi.com, Nzabonakura Dominique yadutangarije ko bishimiye kwibaruka aba bana bane ariko bakaba babona bitazaborohera kubitaho, kuko nyina atabasha kubonsa bose ngo abahaze bakaba bakeneye amata yo kubareresha, bakanakenera ibindi byinshi bizabafasha kwita kuri uyu mugisha Imana yabihereye.

Uyu mugabo avuga ko ubuzima muri iki gihe bubakomereye, dore ko we n’ubu amaze igihe atabasha gukora kandi ari we gusa witaga ku muryango we, kuko umugore we nta kazi yari afite. Nzabonakura avuga ko batuye mu murenge wa Nduba mu karere ka Gasabo mu mujyi wa Kigali, we akaba asanzwe akora akazi ko gutwara abagenzi kuri moto, ariko moto akoresha nayo akaba yarayiguze mu nguzanyo ya banki, kuburyo no kuyishyura bitamworoheye.

Uyu ni nyina w’aba bana igihe yari abatwite

Nzabonakura asaba buri wese wabishobora, cyangwa inzego za Leta, kumuba hafi no kumufasha kugirango abashe kwita kuri uyu muryango we, no gusigasira umugisha w’urubyaro Imana yabihereye. Uramutse ushaka gusura uyu muryango mu bitaro bya CHUK, wamuhamagara kuri 0788536338. Ushobora no kwifashisha izo nimero uramutse ufite inkunga ushaka kubatera mu kurera izo mpanga.


Tanga Igitekerezo
Ibitekerezo 3
ado Kuya 21-07-2017

respect de la dgnite svp

Kayigi Kuya 19-07-2017

Mwaramutse namwe rwose ntimugakabye ubuse kubashyiraho bambaye uku bisobanura iki? Inkuru mukora muge mugerageza kuzitaho

mamy Kuya 18-07-2017

mbega byiza

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA