konka coffee
KONKA

AMAKURU

UKWEZI

Kigali: Umukobwa wigaga muri Kaminuza yiyahuye, bivugwa ko yatewe inda akananduzwa SIDA

Kigali: Umukobwa wigaga muri Kaminuza yiyahuye, bivugwa ko yatewe inda akananduzwa SIDA
12-05-2017 saa 12:04' | By Chief Editor | Yasomwe n'abantu 14104 | Ibitekerezo 3

Kuri uyu wa Kane tariki 11 Gicurasi 2017, umukobwa wigaga muri Kaminuza y’u Rwanda mu ishami ry’Uburezi riherereye ku Kimironko mu mujyi wa Kigali, aho benshi bazi nko muri KIE, yapfuye yiyahuye ku mpamvu zitaramenyekana ariko amakuru atangwa na benshi akavuga ko yari yaratewe inda ndetse akananduzwa icyorezo cya SIDA.

Umuvugizi wa Polisi y’u Rwanda mu mujyi wa Kigali, SP Emmanuel Hitayezu, yatangarije Ikinyamakuru Ukwezi.com ko uyu mukobwa witwaga Bayavuge Jacqueline yari acumbitse mu mudugudu w’Urugwiro, akagari ka Nyagatovu mu murenge wa Kimironko mu karere ka Gasabo ari naho yiyahuriye.

SP Hitayezu avuga ko uyu mukobwa yabanaga n’abandi babiri, agiye kwiyahura akaba yarasize abandikiye agapapuro bikekwa ko yababwiraga icyatumye yiyahura ariko Polisi ikaba itarakabona kuko abo bagenzi be nabo bahise bagira ikibazo cy’ihungabana bakajyanwa kwa muganga.

Ku rundi ruhande ariko, bamwe mu banyeshuri biganaga na Bayavuge Jacqueline batangarije ikinyamakuru Ukwezi.com ko hari abo yagiye abwira ko abagabo ari abagome, ngo ko hari uwamwanduje agakoko gatera SIDA akanamutera inda. Ibi ariko nta gihamya ifatika ibigaragaza n’ubwo ari byo bivugwa cyane muri iyi Kaminuza.

Umuyobozi ushinzwe ishyirahamwe ry’Abanyeshuri biga muri iyi Kaminuza, Mushabe Dickson, we yabwiye Ikinyamakuru Ukwezi.com ko na we ibivugwa byo kwanduzwa SIDA no guterwa inda abyumva ariko bakaba bategereje ibizava mu iperereza rya Polisi. Yagize ati: "Nta kintu rwose twamenye, kugeza ubu n’abo babanaga bagize ihungabana, umwe aracyari mu bitaro undi yaraye avuyeho. Umwe ukiri kwa muganga arimo aravuga ngo hari ikintu yari yaramubwiye ko azamubwira none ababajwe n’uko agiye atakimubwiye... Numva abantu bavuga ngo ashobora kuba yari atwite ndetse ngo baramwanduje na SIDA ariko ntabwo turamenya ibizava mu iperereza rya Polisi"


Tanga Igitekerezo
Ibitekerezo 3
Gisagara epimaque Kuya 6-06-2017

uyumukobwa yananiwe kwiyakira Seiko birababaje.

Mansuet Kuya 24-05-2017

Birababaje cyane rwose

David Kuya 13-05-2017

Narabivuze nubundi imyitwarire y’abakobwa b’iyi minsi ngo ni care baba bagiye gutanga da!!! Icyo nzicyo muzajya mukurayo imbwa ziruka, muzanyarukire n,i Butare mwirebere abana bajugunywa mu misarane buri munsi; i Butare bo barashize nukuva mu ishuri ntacyo bakimaze

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA