konka coffee
KONKA

AMAKURU

UKWEZI

Kigali: Umusaza w’imyaka 70 yasiragijwe n’uburwayi bw’umwuzukuru bamutanye

Kigali: Umusaza w’imyaka 70 yasiragijwe n’uburwayi bw’umwuzukuru bamutanye
6-06-2016 saa 12:40' | By Chief Editor | Yasomwe n'abantu 5829 | Ibitekerezo 2

Mpakaniye Mugarura Ferdinand, ni umusaza w’imyaka 70 utuye i Gokondo mu mujyi wa Kigali. N’ubwo akuze kandi akaba atishoboye, afitiye urukundo rudasanzwe umwuzukuru we wavukanye uburwayi, umukobwa we wamubyariye mu rugo akaba yaramumutanye akigendera.

Ubwo ikinyamakuru Ukwezi.com cyasangaga Mugarura Ferdinand ku bitaro byitwa Inkuru Nziza biherereye i Gikondo, yari kumwe n’umwuzukuru we Nziza Fredo w’imyaka 9 y’amavuko, amucunze mu kagare kagenewe abafite ubumuga. Nk’umukambwe ugeze mu za bukuru, bigaragara ko afite imbaraga nke ariko urukundo afitiye uyu mwuzukuru we rutuma abamubonye amarira azenga mu maso.

Mugarura Ferdinand, yatangarije Ukwezi.com ko umukobwa we yabyariye iwabo, akabyara umwana unaniwe cyane wamaze imyaka myinshi atabasha kurira, hanyuma umwana yagira imyaka 4 umukobwa akamusiga akajya kwibera muri Repubulika Iharanira Demokarasi ya Kongo.

Uyu mwana yavukanye ikibazo cy’ubumuga bw’ingingo, atabasha kwicara cyangwa guhagarara. N’ubu ntarabasha kwicara neza, ariko bigenda byoroha uko abaganga bamukurikirana. Gusa ubu ntavuga, ariko abasha byibuze kwicara mu kagare k’abafite ubumuga, mu gihe mbere bitakundaga.

Mugarura Ferdinand avuga ko nta kazi agira, akaba atishoboye kandi adafite undi wamufasha kwita kuri uyu mwuzukuru we. Agomba kujyana umwana kwa muganga kabiri mu cyumweru, kandi aho amuvuriza ku bitaro Inkuru Nziza, ni ibitaro byigenga bidashobora kumuvurira kuri mituweri.

Amafaranga acibwa n’ibitaro, kuyabona ni ikibazo gikomeye kuko no kubona icyo kurya mu rugo biba bitoroshye, ariko ajya agobokwa n’abagiraneza rimwe na rimwe, barimo n’ubuyobozi bw’ibi bitaro byabonye atishoboye, bukareba n’urukundo afitiye umwuzukuru we bukamuha akagare k’abafite ubumuga azajya amutwaramo.

Uyu musaza, avuga ko aho bigeze yumva bimukomereye cyane, kuburyo yumva kubona amafaranga yo gukomeza kwita kuri uyu mwana amuvuza anamugaburira bimukomereye cyane, agasaba abagiraneza bafite umutima w’impuhwe kumugoboka. Uramutse ushaka kugira inkunga utera uyu musaza, wamuhamagara kuri telefone: 0783704097.

GUSANGIZA ABANDI IYI NKURU, NI UBUFASHA BWO KUMUKORERA UBUVUGIZI


INKURU ZA :
Tanga Igitekerezo
Ibitekerezo 2
fatuma Kuya 7-06-2016

ihangane kandi ushikame usege imana izagufasha

mihigo Joseph Kuya 7-06-2016

Imana imufashe

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...