konka coffee
KONKA

AMAKURU

UKWEZI

Kinyinya: Utazi gusoma w’umukene ntiyemerewe gusezerana, hari n’ubukwe bwapfubye - VIDEO

Kinyinya: Utazi gusoma w’umukene ntiyemerewe gusezerana, hari n’ubukwe bwapfubye - VIDEO
14-10-2017 saa 17:44' | By Akayezu Jean de Dieu | Yasomwe n'abantu 11530 | Ibitekerezo 18

Ubuyobozi bw’umurenge wa Kinyinya mu karere ka Gasabo ho mu Mujyi wa Kigali bwakuriye inzira ku murima abaturage bo muri uyu murenge bifuza gusezerana imbere y’amategeko batazi gusoma, cyane ko bacibwa ihazabu (amande) ingana n’amafaranga y’u Rwanda 10 000, utabashije kuyabona akangirwa gusezerana burundu dore ko hari n’abangiwe gusezeranywa ku munota wa nyuma bamaze kugera ku murenge n’imyiteguro yose barayirangije, bigatuma ubukwe bwabo bupfuba.

Bamwe mu baturage bangiwe gusezerana bazira kuba batazi gusoma kandi bakaba badafite ubushobozi bwo kwishyura aya mafaranga ibihumbi icumi by’ihazabu babwiye TV1 dukesha iyi nkuru ko uyu muyobozi w’umurenge wabo ukunze kurangwa n’imvugo yuzuyemo kubuka inabi no kubakankamira bidakwiriye umuyobozi wo muri iki gihe dore ko bamwe muri aba baturage bavuze ko uyu muyobozi wabo ameze nk’abategetsi bo mu bihe byo hambere baranzwe n’ubutegetsi bubi. Aba batururage kandi bashyize mu majwi uyu muyobozi kuba akunze kubabwira nabi muri Serivisi zose baba bamukeneyeho.

Hari amashusho kandi agaragaza uyu muyobozi abwira abaturage ko abatazi gusoma bashaka gusezerana azakomeza kubaca amafaranga kabone n’iyo bamurega mu nzego nkuru z’igihugu. Muri aya mashusho avugamo ko muri iki gihe nta muturage wo muri Kigali ukwiye kugera imbere y’ubuyobozi bw’umurenge avuga ko atazi gusoma no kwandika. Hari abagaragara bitahiye bangiwe gusezerana ubukwe bwabo bugapfuba kuko batazi gusoma kandi bakaba badafite amafaranga baciwe n’umurenge wa Kinyinya.

REBA HANO VIDEO IBYEREKANA BYOSE:

Umuyobozi w’akarere ka Gasabo, Rwamurangwa Stephen yabwiye TV1 ko ibi bidakwiye ko umuturage utazi gusoma no kwandika abihanirwa ari nayo mpamvu nk’ubuyobozi bw’akarere bagomba gukurikirana bakamenya neza niba koko uwo muyobozi aca amafaranga abaturage bazira ko batazi gusoma no kwandika.

Meya Rwamurangwa yagize ati “Nta hantu byemewe na gato, nta muntu ucibwa amande azira ko atazi gusoma ahubwo icyo dukora mu mihigo ya buri mwaka abo bantu batabizi tubakangurira kugana amasomero ariko abatabizi nanone niba ari serivisi bakeneye ibasaba ko bagomba kuba bazi gusoma no kwandika ubuyobozi nicyo bumaze bubibafashamo niba ari ukubasomera ariko nta muntu wabizira kuko atabizi kandi ubwo turakurikirana nitubimenya tukabona ibimenyetso azakurikiranwa abe yabihanirwa”

Itegeko Nshinga rya Repubulika y’u Rwanda ryemera ishyingiranwa hagati y’umugore n’umugabo riteganya ko ari isezerano ryemewe na Repubulika y’u Rwanda bidasaba ikiguzi icyo aricyo cyose kandi nta ngingo n’imwe yo mu Itegeko No 32/2016 yo ku wa 28 Kanama rigenga abantu n’umuryango ivuga ko utazi gusoma no kwandika acibwa amande cyangwa ikindi kiguzi.

Amakuru yizewe Ikinyamakuru Ukwezi.com gifite kugeza ubu ni uko uyu Gitifu Umuhoza arimo kotswa igitutu n’inzego zo hejuru zirimo na Minisiteri y’Ubutegetsi bw’Igihugu (MINALOC) abazwa ibijyanye n’iyi mikorere ye, kuburyo ashobora guhanirwa iyi myitwarire igaragara nk’ihabanye n’indangagaciro nyarwanda zagakwiye kuranga umuyobozi.


INKURU ZA :
Tanga Igitekerezo
Ibitekerezo 18
Claire Kuya 19-10-2017

ES Wa Kinyinyinya areke gutoneka abanyarwanda kuko Leta mbi twavuyemo abujije benshi kwiga Atari abaswa,we ashime Imana ko aho yabarizwaga icyo gihe baretse akiga areke kubyicisha abaturage,ahubwo nabafashe niyo ndangagaciro ya Leta y’Ubumwe bw’Abanyarwanda.Natikosora avemo arasobanya!!

yarize Kuya 17-10-2017

arabuzwa niki se ko yavutse asanga PAPA WE ARI DIREGITERI WAMASHURI.

adrien Kuya 16-10-2017

uwo yahoze ayobora mumurenge wa Rushashi mukarere ka Gakenke ark yari yaratujengereje ubu turikwikura mubucyene yaduteye bitewe namafaranga yumurengera yacaga gusa ahubwo ndasabira abanyakinyinya.

Fifi Kuya 16-10-2017

Mado wagenze gahoro ko dukorera abaturage. Ntabwo umuyobozi wize "Public Administration" nkawe wakagombye gukora utyo!

uwishimwe abdoulkarim Kuya 16-10-2017

umva nagobyumvikan

Nzabandora Kuya 16-10-2017

Yewe naho mwatinze kubibona! si mubasezerana gusa, muri uyu murenge wa kinyinya guca amafaranga yumurengera no gutuka abantu wagirango uyu gitifu nibyo bamutumye.Ntibatinya guca abaturage amaaranga ibihumbi magana atatu ngo babonye imodoka isa n’aho igiye kubagonga cy se ngo umuntu yashyize umureko kunzu n’ibindi byo kwiyenza.Ubwo kandi niko baba batukana n’iterabwoba ryinshi! Yabitoje n’abakozi be barimo Dasso witwa charlote umwirirwa inyuma nka escort we. Ngo aba yamutumye gutuka abantu no kubaca amafaranga ngo imodoka yirondo ibone essence! babwira uwo baciye amafaranga ngo nayajyane kuri sacco wasanga bayagabana!

bartazar Kuya 16-10-2017

UWO MUYOBOZI AKURIKIRANWE HAKIRI KARE ADASENYA IBYO TUMAZE KUPERAHO OK

Mob Kuya 16-10-2017

Yarasaze

Mob Kuya 16-10-2017

Yarasaze

bombo Kuya 16-10-2017

ndashimira tv1 ikeshwa iyi nkuru !! gusa hari abayobozi wagirango ntibazi icyo bakora. harumurenge ntashatse gutangaza wo muri karongi. nigeze kuhatemberera .nsanga bashyingira ariko ibyo niboneye umuyobozi wuwo murenge akora ni agahoma munwa. yakubise urushyi umusore waruje gusezerana ngo nuko atazi gusoma . si muri gasabo gusa ibyo bihumbi icumi imirenge yabigize nkumuco, kubona witegura umunsi wawe mukuru ubaho rimwe mubuzima bakakuvutsa ibyishimo bagutuka bagukubita imbere yabo wifuzagakwereka ibirori mbona ari ihohoterwa rikomeye!!!

Alice Kuya 15-10-2017

Uwo umuyobozi navanweho rwose atazica abaturage

ja Kuya 15-10-2017

nashime imana ko abizi kandi amenyeko ntawaka kubimenya kubushakebwe

JC Kuya 15-10-2017

Nibyiza cyane, n’abandi bayobozi bafaye urugero, bizatuma abaturage bashir’ingufu kwiga gusoma

Emmy Kuya 15-10-2017

Aliko mubona umuyobozi nkuyu ataba agamije kwangisha abaturage ubutegetsi?ubuse uyu twavuga ko akorera leta n’abaturage cg.afite undi akorera tutazi.Ahubwo police imukoreho iperereza ryimbitse asobanure uwo akorera.Ndumva umurenge ashaka kuwuyobora nkurugo rwe!Aliko agomba kumenya ko no murugo rwe haramategeko arengera abarubamo ko nabo ababujije uburenganzira bwabo,yabihanirwa n’amategeko.

Abdul Kuya 15-10-2017

Ariko nkaba bayobozi baracyabaho ?ndumva kanyinya barawugize akarima kabo!

Natal Kuya 14-10-2017

Ariko izo mburamumaro zigira utumana mo ibiki? Kigali se ni mu ijuru, cg ni paradizo? Uwo muswa mumukureho kandi niba binyuze mu kuri abo yatse frw bayasubizwe n’abo yiciye ubukwe abahe ku byo bahombye. Uwo we anteye iseseme bien bien, asyee!!!

Kaka Kuya 14-10-2017

Uwo muyobozi akurikiranwe kuko atubahiriza inshingano z, abayobozi kdi urebye neza wasanga harimo kwa ka ruswa kumugaragaro.

Kunda Kuya 14-10-2017

Kubwira nabi abaturage sibyo cyane ko abatazi gusoma no kwandika ntibakwiriye kubizira!!Uyu ES si abaturage gusa abwira nabi n’abakozi b’umurenge ntiyumvikana nabo. Nta mikoranire myiza afitanye nabo!!Kandi twabonye ko imikoranire myiza ariyo yatumye Kimihurura iba iya mbere muri Gasabo mu kwesa imihigo.
Courage Kimihurura.
Umenya Jabana ari nacyo tuzira! ES uhari ntiyumvikana n’abakozi bose yabaciyemo ibice!! N’abaturage yabagize abarakare!!Umuntu utanubaha inzego z’umutekano!! Iyo hari ibyo mutumvikanye cyangwa ibyo umugiriyeho inama ntimuhuze ashobora kuguhimbira cyangwa akakugerekaho urusyo!Nzabandora ni umwana w’Umunyarwanda!!Wenda amaherezo Imana izadutabara imidukize natwe tube aba mbere! N’aho ubundi,ahaaaa!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...