konka coffee
KONKA

AMAKURU

UKWEZI

Leta y’u Rwanda yumvise ikibazo cy’umwana umaranye imyaka 16 uburwayi budasanzwe

Leta y’u Rwanda yumvise ikibazo cy’umwana umaranye imyaka 16 uburwayi budasanzwe
3-06-2016 saa 06:05' | By Chief Editor | Yasomwe n'abantu 25475 | Ibitekerezo 9

Uyu mwana atega akabase munsi y’akananwa n’umunwa ngo hajyemo umwanda uva mu burwayi bwe

Nyuma y’inkuru twabagejejeho mu ntangiriro z’iki Cyumweru, ivuga ko umuryango utuye mu Kagari ka Gasarabwayi mu Murenge wa Musaza mu Karere ka Kirehe utabaza abagiraneza ubasaba kuwuha ubufasha bwo kuvuza umwana wabo umaranye imyaka 16 uburwayi budasanzwe bwo kubyimba umunwa n’ururimi, Leta y’u Rwanda ibinyujije muri Minisiteri y’Ubuzima yemeye gufasha uyu muryango.

Uwo mwana urwaye yitwa Tuyisenge Emile akaba afite imyaka 16 y’amavuko, ni mwene Gatabazi Jean Claude na nyina Ahobantegeye Groriose. Nyuma gato yo kuvuka, yagize uburwayi budasanzwe bw’umunwa, bituma ururimi rubyimba mu buryo budasanzwe, rusohoka inyuma.

Ababyeyi be bagerageje kumuvuza mu mavuriro yo mu Rwanda kugeza muri 2009, binaniranye boherezwa kujya kumuvuriza muri Afurika y’Epfo, ariko umuryango wabuze ubushobozi kugeza ubu muri 2016 kandi akomeza kumererwa nabi.

Uburwayi uyu mwana afite ntibusanzwe kandi hasabwa ubushobozi ababyeyi be batabona

Nyuma y’uko Ikinyamakuru Ukwezi.com cyanditse inkuru ivuga iby’uburwayi bw’uyu mwana n’ubushobozi bucye bw’umuryango we, umunyamakuru abinyujije kuri twitter yayisangije abayobozi bakuru b’u Rwanda barimo Perezida Kagame, Minisitiri w’Intebe Anastase Murekezi na Minisitiri w’Ubuzima Dr Agnes Binagwaho, bumva bwangu iki kibazo bashimangira ko umuryango urimo gufashwa.

Abinyujije ku rubuga rwa Twitter, Minisitiri w’Ubuzima mu Rwanda; Dr Agnes Binagwaho, yavuze ko bamaze kubwira ababyeyi b’uyu mwana ngo bazane umwana avurwe, abaganga bagomba kumufasha bakaba biteguye gukurikirana ikibazo cye.


Tanga Igitekerezo
Ibitekerezo 9
KAMANZI Kuya 23-05-2017

IYI MYAKA YOSE SE LETA NTIYARI IHARI!!!!!!!!!!!!!???????????????????? BIRAKABIJE BIRABABAJE

Bonaventure Bihire Kuya 19-03-2017

Nashakaga kubabaza uriya mwana yaba yarabonye ubufasha cg aracyarwaye

Bahat Kuya 1-07-2016

Yoooo birababaje gusa imanq izamufashe imukize kndi izakubire abo bamufashije

Rachel Kuya 5-06-2016

gutanga bihesha umugisha Minister Agnes Imana imuhe umugisha natwe bajye badusangize dukoreho dufashe abandi

Tuyisenge Kuya 3-06-2016

Good job ðŸ‘

muhirwa fiacre Kuya 3-06-2016

Manawe ni ukuri Imana
imutabare kandi twishimiye ubwobufasha agiye guhabwa.

amani Kuya 3-06-2016

bravo ukwezi.com imana ibongerere umugisha

Zacharia katego Kuya 3-06-2016

Shimiye abanyamakuru bagize uruhare mu gutangaza ingorane zuwo mwana.
Ariko ndagaya inzego zibanze uko nzabyifatamo. kuko nibo bakagobyee kugeza ibibazo biremereye abo bayobora.
Bitagobye kwandika mubinyamakuru aribo baba abavugizi barubanda rutishoboye..

GG Kuya 3-06-2016

ooooooh byiza cyane bro gusa kunkuru nkiyi ubutaha ujye ushyiraho nuburyo abifuza gufasha babigenza Nyagasani akongerere

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA