konka coffee
KONKA

AMAKURU

UKWEZI

Menya amwe mu mateka n’ibyaranze ubuzima bwa nyakwigendera Jean de Dieu Mucyo

Menya amwe mu mateka n’ibyaranze ubuzima bwa nyakwigendera Jean de Dieu Mucyo
3-10-2016 saa 12:33' | By Chief Editor | Yasomwe n'abantu 13990 | Ibitekerezo 20

Mucyo Jean De Dieu wari Umusenateri mu Nteko Ishinga Amategeko y’u Rwanda, yatabarutse kuri uyu wa Mbere tariki 3 Ukwakira 2016 azize urupfu rutunguranye. Yari muzima, yagiye ku kazi yitwaye mu modoka nta kibazo, ndetse abaherukanaga nawe bemeza ko nta kibazo yari afite. Mu masaha ya mugitondo ubwo yageraga ahakorera Sena y’u Rwanda, yatsikiye azamuka kuri esikariye (escaliers) ahita yikubita hasi, bahamukura bamujyana mu bitaro byitiriwe umwami Faycal ariko yahageze bihita byemezwa ko yashizemo umwuka. Muri iyi nkuru, ikinyamakuru Ukwezi.com cyabakusanyirije ibijyanye n’amateka y’Ubuzima bwa Jean De Dieu Mucyo.

Iyi ni ifoto ya Mucyo Jean De Dieu, yafashwe ku Cyumweru tariki 2 Ukwakira 2016, mbere y’umunsi yatabarutseho. Yari mu karere ka Huye bishimira ibyo bagezeho mu mihigo

Mucyo Jean de Dieu yavutse tariki 07/12/1961; avukira i Nyanza mu Majyepfo ariko ubundi Akomoka I Mbazi (Butare). Ni mwene Mucyowintore Thomas na Uzanyamaberuka Marciana, aba babyeyi ye bombi bitabye Imana akiri mu mashuri yisumbuye. Yarangije amashuri yisumbuye atinda kubona buruse, bitewe n’ikibazo cy’ivanguramoko ryari ryarashegeshe inzego nyinshi zirimo n’uburezi.

Mucyo Jean de Dieu yari yubatse, yashakanye na Uwimana Rose bakora ubukwe mu 1995 nyuma ya Jenoside. Atabarutse afite abana bane, Umukobwa n’abahungu batatu. Umwana w’imfura yitwa Thierry Mucyo (Imyaka 20 y’amavuko), Clement Mucyo (Imyaka 19), Kelly Mucyo (Imyaka 16) na Herve Mucyo (imyaka 13). Aba bose bose yabise izina rya Mucyo kuko muri Jenoside bamwiciye umuryango bashaka ko izina rya Mucyo risibangana.

Jean de Dieu Mucyo yatangiye kwiga amashuri abanza ahitwa I Save mu 1967, amashuri yisumbuye (icyiciro rusange) nayo ayigira I Save. Yarangije amashuri yisumbuye mu 1980 ahita abona akazi muri Minisiteri y’ubutabera, aho yakoraga mu birebana n’imishahara y’abakozi.

Ubwo yakoraga muri Minisiteri y’ubutabera, icyo gihe hari ikipe y’umukino w’amaboko wa Basket Mucyo yakinagamo, hari mu mwaka wa 1985. Uwari Minisitiri w’ubutabera witwaga Mugemana Jean Marie Vianney, yabajije Mucyo n’abandi bakozi ba Minisiteri y’Ubutabera impamvu batajya kwiga muri Kaminuza bamubwira ko babuze buruse, ahita yandikira Nsekarije wari Minisitiri w’uburezi, maze babona buruse nk’abakozi ba Minisiteri. Jean de Dieu Mucyo yahise ajya kwiga mu ishami ry’amategeko muri Kaminuza Nkuru y’u Rwanda mu ishami ry’amategeko.

Yatangiye kwiga muri Kaminuza y’u Rwanda mu 1985 arangiza mu 1990. Yize icyiciro cya kabiri cya kaminuza (Masters) mu mwaka wa 2012 mu bijyanye no gukumira Jenoside.

Benshi bo mu muryango wa Jean de Dieu Mucyo bishwe muri Jenoside yakorewe abatutsi, we yakorokeye muri Hotel des Mille Collines, ahava ajya mu gisirikare cy’ingabo z’u Rwanda, yiyunze ku ngabo za FPR Inkotanyi zari mu rugamba rwo kubohora igihugu.

Mu 1994 nibwo Jean de Dieu Mucyo yinjiye mu gisirikare cy’ingabo z’u Rwanda, ndetse nyuma yaje gukora muri Minisiteri y’Ingabo ariko akabifatanya no kwigisha Abajandarume ibijyanye n’amategeko, ibyo yabikoze kugera mu mpera za 1995 ariko muri Minisiteri y’Ingabo yari ashinzwe iby’amategeko n’ubutegetsi.

Mu 1995 hashyizweho Komisiyo yo kurwanya Jenoside ariko icyo gihe Mucyo yari ashinzwe ibyo gukora iperereza. Gusa ntibyatinze kuko baje gushaka ba diregiteri muri za Minisiteri, aza kwemererwa gukora ikizamini aragitsinda, ahabwa gukurira urwego rw’ubugenzacyaha muri Minisiteri y’Ubutabera. Muri 1997-1998 bamugize umucamanza wa gisirikare (Conseil de guerre) ariko icyo gihe yabifatanyaga no kuba diregiteri muri Minisiteri y’Ubutabera.

Mucyo Jean de Dieu yagizwe Minisitiri w’Ubutabera muri Gashyantare 1999, ariko icyo gihe yari akiri Diregiteri muri Minisiteri y’Ubutabera, ndetse yari akiri n’umusirikare. Yatunguwe no guhamagarwa, bamubwira ko ajya kubonana na Perezida Pasiteri Bizimungu wari Umukuru w’igihugu icyo gihe, nawe amwumvisha ko basanze ari umuntu washobora kuba Minisitiri w’Ubutabera.

Mucyo Jean de Dieu yavuye mu gisirikare afite ipeti rya Kapiteni, hari mu mwaka wa 2003. Ntiyagombaga gukomeza kuba umusirikare kuko yagombaga kujya mu bikorwa byo kwamamaza Perezida Kagame.

Imirimo yose yakoze:

1980-1985: Minijust ashinzwe imishahara y’abakozi

1991-1994: UNICEF na DAF muri EMUJECO

1994-2003: Umusirikare avamo afite ipeti rya Kapiteni

1995-1999: Diregiteri muri Minijuste, Umucamanza mu rukiko rwa gisirikare

1999-2003: Minisitiri w’ubutabera n’imikoranire y’inzego

2003-2006: Umushinjacyaha mukuru wa Repubulika

2006-2007: Yayoboye Komisiyo ku ruhare rw’Abafaransa muri Jenoside

2008-2015: Umunyamabanga Nshingwabikorwa wa CNLG

2015-2016: Umusenateri mu Nteko Ishinga Amategeko y’u Rwanda


INKURU ZA :
Tanga Igitekerezo
Ibitekerezo 20
Maniragena jmv Kuya 3-12-2016

Mucyo j de Dieu tumwifurije kugira iruhuko ridashira

orivier Kuya 9-10-2016

mucyo warumugabo maxima igendere imana ikwakire

Nina Kuya 7-10-2016

Mucyo yari imfura pe. Yanyakiriye neza atanzi kandi nagiyeyo nyuma y’amasaha y’akazi na secretary we yigendeye, amvugisha neza, mubwira ikibazo cyanjye maze ansobanurira ko bidashoboka ambwira n’impamvu kandi ndabyumva. Ni ukuri ndababaye pe nubwo ntagiye kumushyingura. Ariko nta muntu we wagira ikibazo namumenye kandi nshoboye kugikemura.

Majyambere philbert Kuya 5-10-2016

Njye sinzamwibagirwa kuko yangiruye neza cya kandi yabikoze atanzi
Imana izamumenyere Umuryango.

Alexis Kuya 5-10-2016

Nubundi hatabaruka intwari gusa Imana imwakire mubayo gusa jyewe sinzamwibagirwa ukuntu yitangaga

unilak rwamagana Kuya 4-10-2016

Mucyo komeza wibere mucyo no mu ijuru kuko mu isi ntacyo tugushinja utadukoreye pe twe nkabacitse ku icumu tuzagusabira kwa jambo

unilak rwamagana Kuya 4-10-2016

Mucyo komeza wibere mucyo no mu ijuru kuko mu isi ntacyo tugushinja utadukoreye pe twe nkabacitse ku icumu tuzagusabira kwa jambo

Amie Kuya 4-10-2016

Ohh Mucyo Imana ikwakire mu bayo uruhukire mw ijuru kwa jabiro wasinziriye! Ntiwapfuye. Tuzahura muri cya gitondo kiza cy umuzuko. Wambabaje cyane. Uhoraho abane nabo usize abihanganishe. Aheza ni mw Ijuru. See you

Amie Kuya 4-10-2016

Ohh Mucyo Imana ikwakire mu bayo uruhukire mw ijuru kwa jabiro wasinziriye! Ntiwapfuye. Tuzahura muri cya gitondo kiza cy umuzuko. Wambabaje cyane. Uhoraho abane nabo usize abihanganishe. Aheza ni mw Ijuru. See you

uwitonze Kuya 4-10-2016

Imana ikwakire mu bayo wari imfura gusa so sad...

isheja Kuya 4-10-2016

MUCYO. IGENDERE NTITWAKWANGAGA. IMANA IGIHE IRUHUKO RIDASHIRA. GUSA UGIYE WARI INTWARI.

nana Kuya 4-10-2016

igendere gusa akazi wakoze nukuntu wari inyangamugayo nyagasani agushyire iburyo bwe ntakindi narenzaho ndababaye

Victory Kuya 3-10-2016

Imana imwakire yari umuntu udasanzwe nanjye yampaye Service nziza ntazibagirwa nyuma y’amasaha y’akazi akiri Ministre w’ubutabera yari atashye nimugoroba ageze hanze asanga duhari ahita adusekera asubira mu biro ajya kudusinyira atwifuriza kugera imuhira amahoro. Sinzakwibagirwa Mucyo umutima mwiza wawe Nyagasani awuguhembere agushyira iruhande rwe. Umuryango wawe nawo ukomere nta mukiranutsi upfa arasinzira.

peter Kuya 3-10-2016

Imana yo mu ijuru imwakire mubayo gusa mu isi si iwacu kandi Yesu akomeze abo mu muryangowe

Iragena Olivier Kuya 3-10-2016

duhombye intwari imana imwakire mubayo

gasana Kuya 3-10-2016

nukuri iyinkuru yambabaje bikabije gusa imana itwara abo ikunda uyumugabo numwana mwiza pe nigeze ngira ikibazo kuri CNLG ariko abo naganagaho bose barandebaga gusa ntibagire icyo bapfasha ariko aho ngereje ikibazo kurimucyo ntanumunsi byafashe nukuri imana ikwakire mubayo abo wagiriye neza twese tuzasigara tugusengera

zipy Kuya 3-10-2016

imana imwakire mubayo kndi umuryangowe wihanganire ibihe bikomeye barimo

Jenny Kuya 3-10-2016

Imana yamukunze cyane kuturusha,naruhukire mumahoro.imirimo myiza yakoze iramuherekeje.umuryango we wihangane Imana ibahe imbaraga zo kwakira ibyabaye

Abdulkarim Kuya 3-10-2016

Imana imwakire mu bayo.Ntituzakwibagirwa uburyo wari sociable.

Albery Kuya 3-10-2016

Olala duhobye intwari imana imwakire

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...