konka coffee
KONKA

AMAKURU

UKWEZI

Mu Rwanda hageze uburyo butangaje bwo gukora uburaya hakoreshejwe ikoranabuhanga

Mu Rwanda hageze uburyo butangaje bwo gukora uburaya hakoreshejwe ikoranabuhanga
2-10-2017 saa 12:02' | By Chief Editor | Yasomwe n'abantu 23988 | Ibitekerezo 7

Uko iterambere mu by’ikoranabuhanga rigenda rikataza, ninako rigenda rihindura byinshi mu buzima, mu muco no mu mibereho y’abantu, ariko kandi ninako rigenda ryoroshya ibintu bimwe na bimwe byaba ibyiza n’ibibi. Ubu mu Rwanda, naho hashize igihe hagejejwe uburyo bw’ikoranabuhanga butangaje, bukoreshwa mu korohereza abakora umwuga w’uburaya, bagahura byoroshye n’abakiriya bataziranye, hakaba hari n’ibiciro ntarengwa bigomba kwishyurwa n’abifuza kuryamana n’abo bakobwa biyemeje kwicuruza.

Hashize igihe mu bihugu bitandukanye byo ku mugabane wa Afurika, haje abashoramari bashyizeho imbuga za Internet zitangirwaho serivisi z’uburaya, ndetse u Rwanda rukaba kugeza ubu ruri mu bihugu byamaze kugezwamo ubu buryo bw’ikoranabuhanga rikoreshwa mu buraya.

Uru rubuga (tudatangaza izina ryarwo kuko byaba ari ukwamamaza ibyo bikorwa), Ikinyamakuru Ukwezi.com cyarukozeho ubushakashatsi bwimbitse, tubasha kuvugana na bamwe mu bakobwa bakora uburaya banyuze muri ubu buryo bw’ikoranabuhanga ndetse tubasha no kuvugana n’abanyamahanga barushinze, tumenya byinshi ari nabyo tubasangiza muri iyi nkuru.

Ni urubuga rugaragaraho amafoto menshi y’abantu bambaye impenure ndetse hari n’ababa bambaye ubusa, bagashyiraho amafoto agaragaza imiterere y’umubiri wabo mu rwego rwo gukurura abakiriya. Hari abahitamo gushyiraho igice cy’umubiri cyose ariko bagahisha isura, hari n’aberura bakigaragaza uko bakabaye, hanyuma bagashyiraho agace baherereyemo hanyuma na nimero ya telefone wabahamagaraho cyangwa ukabandikira kuri Whatsapp.

Nyuma yo kubona ibi, umunyamakuru yagerageje kuvugisha bamwe mu bagaragara kuri uru rubuga, maze avugana n’umukobwa umwe wiyita Cynthia (niryo zina yashyizeho ariko ntawahamya niba ari ko yitwa koko). Umunyamakuru ntiyamuhishe ikimugenza, yamubwiye ko ashaka kumenya koko niba ibigaragara kuri urwo rubuga ari ukuri, niba ari umwe mu bakora uburaya bakaryamana n’ababashakiye ku rubuga rwa Internet. Uyu mukobwa yabwiye umunyamakuru ko niba ari amakuru gusa ashaka ntacyo bavugana, kuko ibyo amubaza nawe yabyiboneye kuri urwo rubuga.

Mu gushaka kumenya amakuru nyayo y’ibikorerwa kuri uru rubuga n’uko bikorwa, umunyamakuru yahamagaye undi mukobwa, ariko we ntiyamuhishurira ko ari umunyamakuru, ahubwo yigize nk’umugabo ufite gahunda, amubwira ko yifuza ko babonana ariko akaba adasobanukiwe uko bakora, maze undi amusobanurira muri aya magambo agira ati: "Njyewe igihe cyose ndahari, nta wundi wampaye gahunda uyu munsi, ndahari ntuye i Gikondo, ibindi uvuga by’ibiciro ubirebe aho ku rubuga, amadolari 50 ni isaha imwe... Uko bigenda rero, turabonana ukanjyana ahantu nko muri lodge cyangwa iwawe niba nta kibazo, ubundi ukanyishyura tukamarana isaha imwe, ubwo ukeneye igihe kirenze icyo amafaranga wayongera."

Uyu mukobwa wiyise Emmy ariko mu bucukumbuzi umunyamakuru yakoze agasanga nimero ya telefone akoresha yanditse ku witwa Margueritte, yadutangarije ko ibijyanye n’ibiciro, hashobora kubaho kumvikana cyane cyane nk’igihe umugabo bavugana bemeranyijwe ko bazajya bakunda kubonana kenshi, bityo akaba yamugabanyiriza ibiciro. Yanabwiye umunyamakuru (we yamubwiraga azi ko ari umukiriya) ko abishatse banumvikana umushahara azajya amuha buri kwezi bakemeranywa n’inshuro bazajya baryamana muri uko kwezi.

Si abakobwa gusa ariko kuko no kuri uru rubuga, hagaragaraho abantu bashyiraho n’abafoto yabo ndetse n’imyirondoro na nimero zabo za telefone, bavuga ko ari abasore baryamana n’abandi basore bagenzi babo, bakeneye abo baryamana kandi nabo usanga bashyiraho ibiciro cyangwa se bamwe bakavuga ko bagenzwa n’urukundo gusa. Gusa ku bakobwa ho, usanga abari kuri uru rubuga bose bavuga ko bashaka amafaranga.

Nyuma yo gutangazwa n’uburyo aba banyarwanda n’abanyarwandakazi basigaye bitabaza ikoranabuhanga mu kazi ko gucuruza imibiri yabo, umunyamakuru yashatse kumenya abashinze uru rubuga, uko bakora n’icyo bagamije. Yahise abona nimero ya telefone kuri urwo rubuga, yatanzwe nk’iyakwitabazwa n’umuntu ukeneye ubufasha. Ni nimero yo mu Rwanda, ariko umunyamakuru yarayihamagaye yumva irasona (sonner) nk’itarimo gukoresherezwa mu Rwanda, uwayitabye nawe yavugaga ururimi rw’icyongereza, abwira umunyamakuru ko atazi Ikinyarwanda kuko ari umunyamahanga.

Umunyamakuru yeruriye uyu mushoramari ko akeneye amakuru ku mikorere, imikoreshereze, intego, inyungu n’ibindi byerereye urubuga, maze ntiyamugora ahita amwemerera ibisobanuro birambuye ndetse anamugenera inyandiko iriho ibisobanuro birambuye by’umushinga we. Yamubwiye ko akuriye ikompanyi ikora ibikorwa nk’ibi yitwa Exotic Africa, ikagira amashami mu Rwanda, muri Kenya, muri Uganda, muri Tanzania, muri Ghana no muri Nigeria, aho hose bakaba bafasha abakobwa bakora uburaya kubukora mu buryo buboroheye bakoresheje ikoranabuhanga rigezweho.

Mu kubisobanura yagize ati: "Ubu buryo twe twashyizeho bufasha abantu kubona abo babyumva kimwe mu buryo bubahesheje umutekano, atari bimwe bya kera abantu basangaga abakobwa bicuruza ku mihanda no mu tubyiniro, ukaba wasanga ari n’abajura. Aba bo ntibatega ku mihanda, ni ukubahamagara kuri telefone mugahana gahunda, tuba twabanje kubagenzura kuburyo nta n’umunyamahanga ukwiye kubatinya, tuba dufite n’imyirondoro yabo yose kuburyo ntacyo bakora kibi bazi ko tubazi".

Uyu mushoramari yabwiye Ikinyamakuru Ukwezi.com ko umukobwa wese uri kuri uru rubuga, ashobora kuboneka mu gihe umukeneye yamuhamagaye bakavugana bagahana gahunda, kandi ngo babikora kinyamwuga kuburyo nk’umusore utaruzuza imyaka y’ubukure badashobora kwemera kuryamana nawe. Ibijyanye n’ibiciro ngo buri mukobwa yivuganira n’umukiriya ariko igiciro fatizo baheraho ni amadolari 50 y’Abanyamerika, ni ukuvuga arenga gato 40.000 uyabaze mu mafaranga y’u Rwanda.

Yadutangarije kandi ko umukobwa kugirango yemererwe kujya ku rubuga, hari itsinda ribanza kumusuzuma akanagaragaza ibyangombwa bye, akanamenyeshwa uburyo agomba kwishyura iyo kompanyi kugirango yemererwe kwiyamamaza nk’uwicuruza, n’ubwo umubare w’amafaranga bishyura wo atawutangaje.


INKURU ZA :
Tanga Igitekerezo
Ibitekerezo 7
iganze Kuya 20-10-2017

Ndakeka ruriya rwitwa imirasire. Rwitwaza ngo amakuru y’ibyamamare, ariko ruhitamo ibyambara ubusa . Nta n’indi nkuru njya mbona batangaza ni ibyo by’ibiyamamaza bahenera isi. Nabyibajijeho cyane. Najyaga ndusura ubu nabonye ntacyo twungura urusuye na kimwe narufashe nk’urutabaho.

John Kuya 4-10-2017

Birababaje! Mutubwire urwo rubuga tururinde abana bacu hakiri kare.

Josiane Kuya 3-10-2017

Muraho basomyi b’iyi nkuru
.
1ABATESALONIKE: 5-23 >> Imana y’amahoro ibeze rwose, kandi mwebwe ubwanyu n’umwuka wanyu, n’ubugingo n’umubiri byose birarindwe,bitazabaho umugayo ubwo Umwami wacu Yesu Kristo azaza.
Ntunguwe no kumva ibintu nk’ibi, gusa ntitugafate ibintu uko bitari.
Ikoranabuhanga kuba rirushaho kutugeraho ntibivuze ngo dute umuco nk’Abanyarwanda (babikora) n’Abanyarwandakazi (babikora) ntitwagombye kwifata gutyo.
Uretse ko atari Abanyarwanda gusa, ahubwo uwitwa ko ari umuntu wese aho akomoa hose ntiyagombye kwifata atyo. Ijambo ry’Imana (Bibiliya) riratubwira riti. 1ABATESALONIKE: 5-23 >>Imana y’amahoro ibeze rwose, kandi mwebwe ubwanyu n’umwuka wanyu, n’ubugingo n’umubiribyose birarindwe,bitazabaho umugayo ubwo Umwami wacu Yesu Kristo azaza. Dukwiye kuba maso tugasenga.

FIDO Kuya 2-10-2017

Icyakora uzigusha peee utazi gukopera ntacyo yamenya
ubwo abazi gukopera barambwira ko ntacyo bakopeye!

leonard Kuya 2-10-2017

abarema iryo soko ryagahe nerezo nababwi riki baryoherwe

rukundo Kuya 2-10-2017

ISI IRASHAJE

tomas Kuya 2-10-2017

Egoko ndumva murwanda mutorohewe na gato ese ibijumba nibishyimbo nibirayi bizurira ni ndaya zurire igituba cya 40mill mumbabarire kubera ijambo nkoresheje arko manza aricyo abanyamahanga gusa abazungu naho insore sore zi rwanda ni ugushaka abagore

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...