konka coffee
KONKA

AMAKURU

UKWEZI

Mu Rwanda hatangiye gukoreshwa uburyo bwo gupima SIDA hifashishijwe telefone

Mu Rwanda hatangiye gukoreshwa uburyo bwo gupima SIDA hifashishijwe telefone
1-06-2016 saa 07:14' | By Chief Editor | Yasomwe n'abantu 14626 | Ibitekerezo 12

Guhera mu ntangiro z’umwaka ushize, Abashakashatsi bo mu Rwanda no muri Leta Zunze Ubumwe za Amerika batangiye gukora ubushakashatsi ku buryo bushya bwo gupima icyorezo cya SIDA ndetse na Mburugu hifashishijwe telefone igendanwa, mu minota 15 gusa umuntu akaba ashobora kwifashisha ubu buryo akamenya niba yaranduye cyangwa niba ari muzima ndetse yaba yaranduye akamenya n’uko abasirikare b’umubiri bameze.

Ubu buryo bukomeje gukorwaho igeragezwa hirya no hino ku isi, ni uburyo bworoshye kandi buhendutse cyane ugereranyije n’ubusanzwe bukoreshwa hapimwa amaraso muri laboratwari (Labotoire). Bubasha kugaragaza muri telefone uburyo agakoko ka SIDA kakwiriye mu mubiri ku murwayi wayo, ndetse n’indwara ya mburugu nayo ibasha kugaragazwa muri telefone zigezweho zikoresha ikoranabuhanga rya internet (Smartphones)

Ubu buryo bukoresha telefone igendanwa bukabasha gukoreshwa mu gupima agakoko gatera SIDA, burahendutse ubaze ikiguzi cy’ibikoresho by’ibanze bikenerwa, kuko bugeza ku madolari 34 gusa (atarenga ibihumbi 27 by’amafaranga y’u Rwanda) mu gihe uburyo busanzwe kubukoresha bwatwaraga akayabo k’amadolari 18.000, ni ukuvuga arenga 14.000.000 z’amafaranga y’u Rwanda. Kuri ubu buryo bwombi, aya mafaranga si ikiguzi cyo gupima umuntu umwe, ahubwo ni ikiguzi cy’ibyakenerwa ngo hatangire gupimwa abantu benshi batandukanye.

Muri Gashyantare umwaka ushize, bamwe mu bakozi ba Minisiteri y’ubuzima bakoresheje ubu buryo mu gupima abarwayi ba SIDA bagera kuri 96 harebwa imiterere y’Abasirikare b’umubiri, abenshi muri abo bakaba bari abagore batwite bashakaga kugabanyirizwa ibyago byo kuba bakanduza abo batwite. Gukoresha ubu buryo biroroshye, kuburyo abakozi babukoresheje babihuguriwe mu minota 30 gusa.

Mu kiganiro twagiranye mu minsi yashize na Nathan Mugume wari ushinzwe itangazamakuru n’itumanaho muri Minisiteri y’Ubuzima, yaduhamirije ko ubu buryo atari mu Rwanda gusa burimo gukorwaho igeragezwa, ko ahubwo n’ahandi ku isi ubu buryo bukomeje gukoreshwa kandi butanga icyizere.

Yashimangiye kandi ko mu gihe Abanyarwanda bazaba bafite telefone zigezweho (Smartphones) bazabasha gukoresha ubu buryo nyuma yo gushyira "Application" yabugenewe muri telefone zabo bakanakoresha agakoresho kabuhenewe upimwa ashyiraho urutoki, bityo akabasha kwipima akamenya uko ahagaze.


INKURU ZA :
Tanga Igitekerezo
Ibitekerezo 12
ndatwa Kuya 2-06-2016

iyo application yitwa HIV ATLAS

raisa Kuya 1-06-2016

ni HIV Test

Hey Kuya 1-06-2016

None se kobakubaza iyo App ntuyitange, nukuvugako watubwshye!!

Hey Kuya 1-06-2016

None se kobakubaza iyo App ntuyitange, nukuvugako watubwshye!!

ndatwa Kuya 1-06-2016

niyi HIV ATLAS

tumukunde rosine Kuya 1-06-2016

Mwiriwe neza twasabaga iyo application murakoze

nkurucharles Kuya 1-06-2016

Nimuduhe iyo Appicatio ukoyitwa

Yewe Kuya 1-06-2016

Iyo app yitwa gute ngo dutangire tuyikoreshe

Yewe Kuya 1-06-2016

Iyo app yitwa gute ngo dutangire tuyikoreshe

Bertrand Kuya 1-06-2016

nukutubwira uko iyo aplication yitwa aho twayibona nuburyo twayibona vuba kdi bidahenze cyane.

Rukundo Jacques Kuya 1-06-2016

Ohereza iyo apps kuri iyo Email yanjye

Lucky Theogene Kuya 1-06-2016

Ndashaka kumenya iyo appication niyihe? Ese bikorwa gute ? Ako gakoresho nakahe gashyira ku rutoki?

Thnx!!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA