konka coffee
KONKA

AMAKURU

UKWEZI

Mu buryo butunguranye, Sayinzoga Jean wari umukarateka wa mbere mu Rwanda yitabye Imana

Mu buryo butunguranye, Sayinzoga Jean wari umukarateka wa mbere mu Rwanda yitabye Imana
16-04-2017 saa 20:06' | By Chief Editor | Yasomwe n'abantu 20716 | Ibitekerezo 14

Umusaza Sayinzoga Jean wamenyekanye cyane mu Rwanda kubera gukina umukino wa karate yari ayoboyemo abandi bakarateka bose mu gihugu ndetse akaba anazwi mu buyobozi bwa Komisiyo y’igihugu yo gusubiza mu buzima busanzwe ingabo zavuye ku rugerero, yitabye Imana kuri iki Cyumweru tariki 16 Mata 2017 mu buryo bwatunguye bamwe mu bo mu muryango we n’inshuti ze.

Mu cyumweru cyo kwibuka ku nshuro ya 23 Jenoside yakorewe abatutsi, Sayinzoga Jean yagiye agaragara mu biganiro bitandukanye byagarukaga ku mateka y’u Rwanda n’uburyo ingengabitekerezo ya Jenoside yahemberewe. Yagaragaraga nk’ukomeye, abisobanura ubona atagaragaza ko afite ikibazo cy’uburwayi kuburyo byatunguye bamwe mu bo mu muryango we n’inshuti baganiriye n’ikinyamakuru Ukwezi.com, kumva ko yageze mu bitaro byitiriwe umwami Faisal agahita yitaba Imana, mu gihe babonaga akomeye.

Uyu musaza ariko yari amaze igihe arwaye ahubwo yihagararagaho akihangana cyane nk’uko Sinzi Tharcisse; umukarateka mugenzi we umaze iminsi ageze ku rwego rwe mu mukino njyarugamba wa Karate, yabitangarije ikinyamakuru Ukwezi.com.

Sinzi Tharcisse ati:"Yari arwaye kanseri y’umwijima, ariko yari afite ukwihangana kwinshi kuburyo umuntu atapfaga kubimenya. Ntiyigeze ashaka umushoferi, nta n’ubwo yigeze ahagarika akazi."

Iyi ni ifoto ya vuba, aha Sinzi Tharcisse (ubanza ibumoso) yari kumwe na Sayinzoga (uri hagati)

Hari hashize igihe kirekire Sayinzoga Jean ari we munyarwanda ufite dani nyinshi mu mukino wa karate dore ko yari afite dani esheshatu, icyakoze hari hashize igihe gito Sinzi Tharcisse na we ageze kuri uru rwego, kuko na we aherutse kubona dani ye ya gatandatu, bivuga ko banganyaga ariko Sayinzoga akaba ari we wayibonye cyera.

Sayinzoga Jean wari umwe mu nzobere z’amateka y’u Rwanda, yagize uruhare rugaragara mu bumwe n’ubwiyunge bw’abanyarwanda kandi yatanze umusanzu ufatika mu gucyura impunzi z’abanyarwanda, cyane abari barahungiye muri Repubulika Iharanira Demokarasi ya Kongo.


INKURU ZA :
Tanga Igitekerezo
Ibitekerezo 14
FURAHA Kuya 20-04-2017

Niyitahire neza umusaza yatuyoboye neza muri commission Imana imwakire mubayo.

Mumararungu Oliver Kuya 17-04-2017

Mzee sifite byishi byo kukuvugaho sinzibagirwa narimwe ukuntu wa nsangaga kukazi kanjye ukacira imigani ukabwira inkuzacyera. Mbese byananiye kubyakira gusa isi nisi Imana izakuzure mumuzuko ugiye kuza vuba ndizera ntashindikanya nko nzogera nkakubona vuba

Emmabita Kuya 17-04-2017

RIP tubuze intwari.

Mp Kuya 17-04-2017

Sayinzonga Rest In Peace Vie.

Mp Kuya 17-04-2017

Sayinzonga Rest In Peace Vie.

Umuhoza Marie Claire Kuya 17-04-2017

RIP Uncle waranzwe n’urukundo rutangaje ukunda igihugu uragikorera ukunda umuryango wawe cyane urawitangira .None ruhukira mu mahoro Gusa ndasaba Imana ikwakire uruhukire mu mahoro. Sinzakwibagirwa

-xxxx- Kuya 17-04-2017

Imana ikwakire mubayo nagukundaga cyane ariko Imana igukunze kuturusha tuzahora twibuka ubutware bwawe,numurava,RIP

Uwomana Kuya 17-04-2017

RIP

Aline Kuya 17-04-2017

mfite ubushobozi namuzura gsa ntibyakunda ark may your soul rest in peace gra....

mparirwa j bosco Kuya 16-04-2017

Imana imwacyire mubayo

Twagiruburiza Kuya 16-04-2017

Sayinzoga ,imana imwakire mu ntore zayo,uyu Mugabo yakoze akazi ke uko bikwiye,igihugu kibuze umugabo w’imfura umunyakuri,inyangamugayo, bidashidikaywaho, yayoboye iyi commission neza kandi asize umusaruro ugaragara.

pascal Kuya 16-04-2017

yooooooooooooooooooo ark Mana.ejo bundi atwigisha koko.no mucyunamo tumubona???gusa koko Sinzi yarabivuze gupfa ni mumutwe.yatwerekaga ko ntakibazo kumbi......Mana yanjye.ese ninde uzamuturutira?????.....Reka mpore.

Gerald Kuya 16-04-2017

Muzee Sainzoga Imana ikwakire mubayo wakoreye igihugu ibintu byinshi byiza igihugu kizahora kikwibuka.Umuryango wa Sainzoga ndawihanganishije

uwamahoro Kuya 16-04-2017

yoo Imana imwakire mubayo gusa yaratangiye kunanuka

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...