konka coffee
KONKA

AMAKURU

UKWEZI

Muhanga: Umwarimukazi yamennye ijisho umunyeshuri, ajyanwa mu bitaro bararibaga

Muhanga: Umwarimukazi yamennye ijisho umunyeshuri, ajyanwa mu bitaro bararibaga
15-09-2016 saa 20:33' | By Chief Editor | Yasomwe n'abantu 13245 | Ibitekerezo 14

Umwarimukazi wo ku kigo cy’amashuri abanza cya Nyundo mu murenge wa Rongi mu karere ka Muhanga, yamennye ijisho ry’umunyeshuri wo mu mwaka wa gatatu w’amashuri abanza yigishaga, uyu mwana akaba arembeye mu bitaro bya Kabgayi aho yanabazwe ijisho kuri uyu wa Kane.

Uyu mwarimukazi yitwa Nyiransabimana Francoise akaba arimo kwigisha mu kigo cy’amashuri abanza cya Nyundo aho yaje asimbuye undi mwarimukazi uri mu kiruhuko cyo kubyara. Mu cyumweru gishize nibwo yamennye ijisho umwana w’umukobwa yigisha mu mwaka wa gatatu, gusa uburyo yabikoze bwo ntibuvugwaho rumwe.

Twagirayezu Vedaste, umuyobozi w’ikigo cy’amashuri abanza cya Nyundo, yatangarije ikinyamakuru Ukwezi.com ko uyu mwarimukazi yafashe umunyafu agakubita umwe mu banyeshuri yigisha wari wakubaganye, hanyuma akabaru k’uwo munyafu kagasimbuka kakikubita mu jisho ry’undi mwana rikagira ikibazo. Avuga ko uwamenetse ijisho atari we wanahanwaga, agashimangira ko ibyabaye ari impanuka.

Ku rundi ruhande ariko, ikinyamakuru Ukwezi.com cyaganiriye na nyirarume w’umwana wagize ikibazo mu jisho, aduhamiriza ko ibyo ari ibintu batekinitse (bapfundikanyije babeshya), kuko ngo uwo mwarimukazi yakubise inkoni mwishywa we mu jisho, ijisho rigahita rimeneka. Ntiyemera ko ari undi mwana wahanwaga, n’iby’uko ari impanuka nabyo ntabikozwa.

Uyu mwarimu aramutse akurikiranwe, niba koko yarabikoze atabishaka yahanwa n’ingingo y’158 mu gitabo cy’amategeko ahana ibyaha mu Rwanda, ivuga ko iyo gukubita cyangwa gukomeretsa umuntu byaturutse ku buteshuke n’ubuteganye buke, uwakoze icyaha ahanishwa igifungo kuva ku minsi umunani (8) kugeza ku mezi abiri (2) n’ihazabu y’amafaranga y’u Rwanda kuva ku bihumbi ijana (100.000) kugeza ku bihumbi magana atanu (500.000) cyangwa kimwe gusa muri ibyo bihano.

Mu gihe ariko yakurikiranwa bikagaragara ko yabikoze abigambiriye, ashobora guhanwa n’ingingo y’152 mu gitabo cy’amategeko ahana ibyaha mu Rwanda, ivuga ko umuntu wese ukubita abishaka agambiriye gukomeretsa cyangwa kugirira nabi umwana cyangwa umuntu udashoboye kwitabara kubera imiterere ye ku mubiri cyangwa mu bwenge cyangwa se kubera ubusaza, ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi ijana (100.000) kugeza ku bihumbi magana atanu (500.000).

Photo: Illustration


INKURU ZA :
Tanga Igitekerezo
Ibitekerezo 14
Tuyishime moise Kuya 18-09-2016

Ntibikwiye ntibinabaho PE
Ubunyamaswa suguhana

Tuyishime moise Kuya 18-09-2016

Ntibikwiye ntibinabaho PE
Ubunyamaswa suguhana

Dan Kuya 18-09-2016

Sha wowe uvuga impanuka ijisho ry’ umwana ryamenetse ubanza utarabyara Ngo wumve ukuntu umwana avuna, ari uwawe ibyo urikubwira abandi ndahamyako ari wowe barikubibwira, ntiwabyumva.
so please ujye ugenda gake iyo uvuga Ku mwana w’ undi.

pp Kuya 17-09-2016

Bakurikirane neza nta mwalimu wakubita umunyeshuri mujisho. Ahubwo babigenzurane ubushishozi.

ngendate Kuya 17-09-2016

Ibi bibaho cyane. Ese iyo umubyeyi ahannye umwana bikagenda bityo nawe ahanwa gutyo?

ggg Kuya 17-09-2016

nonse uwatanze amakuru yaribeshye?ndakubaza wowe nawe azabyara cg akubitatwa azumva uko bibabaza

zzzzzzz Kuya 16-09-2016

ibyo ntaho bikiba cg yasaga igiti??ubwo c uwakubitwaga we niba uwari umwegereye yaramenetse ijisho bakaribag uwakubitwaga we bte??ninka ntizigikubitwa

Elise De Dieu Kuya 16-09-2016

Ariko Rero Buri Wese Ni Uko Akurura Yishyira Nta Mwarimu Wakubita Umwana Mu Jisho Tugishe Ukuri,kuko Nawe Yaba Azi Neza Ko Atabura Kubihanirwa Namategeko Gusa Nanone Gukubita Umwana Kugeza Aho Inkoni Ivaho Akabango Kakagenda Kakagera Kuwundi Kakamwangiza Uko Nako Si Uguana Bya Kibyeyi,so Abana Bigana Nabo Nibo Bazi Ukuri, Mubabaze.

Manzi Kuya 16-09-2016

Habazwe abanyeshuri bigana nibo bazi ukuri nyako naho buriwese aravuga ashaka kwirengera

Manzi Kuya 16-09-2016

Habazwe abanyeshuri bigana nibo bazi ukuri nyako naho buriwese aravuga ashaka kwirengera

Joe Kuya 16-09-2016

Zidane gutukana bibi ntakinyabupfura kirimo niba ushaka gutukana uzasabe akazi k’ubushumba ujye wirirwa utuka inka nabyo kdi nureba nabi zizakwima umukamo

er Kuya 16-09-2016

Yewe uwomwarimu nimanuka yagize kbs ntamwarimu wakoribyo abishaka pe

zidane Kuya 16-09-2016

WOWE WIYITA JJ, IBYOSE UVUGA WOWE URABISHINGIRA KUKI WARUHARI???? NONE SE KO UWO MUYOBOZI W’IKIGO ABYITA AKANYAFU, UBWO AKANYAFU YAKUBITA UMWANA KAGASIMUKIRA MW’IJISHO RY’UNDI KAKARIMENA KO UBWO NI AKANYAFU BWOKOKI? AHUBWO KO ARUKO BYAGENZE YABA ARI UMUHINI! TOKA VANA AHAO IZO SENTIMENT ZAWE NIBA ARI NA FIANCE WAWE CG MUSHIKI WAWE BIRAKUREBA. AMATEGEKO AKURIKIZWE

jj Kuya 15-09-2016

kuko ngo uwo mwarimukazi yakubise inkoni mwishywa we mu jisho, ijisho rigahita rimeneka

Ariko mwe mwumva wakubita inkoni mu jisho.... Umwarimu nsemera ko arimpanuka

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...