konka coffee
KONKA

AMAKURU

UKWEZI

Ngoma: Umunyeshuri wendaga gukora icya Leta yiyahuye, yari yanze no kujya iwabo

Ngoma: Umunyeshuri wendaga gukora icya Leta yiyahuye, yari yanze no kujya iwabo
24-08-2017 saa 14:56' | By Chief Editor | Yasomwe n'abantu 13144 | Ibitekerezo 2

Mu masaha y’umugoroba wo kuri uyu wa Gatatu tariki 23 Kanama 2017, umukobwa w’umunyeshuri wigaga mu kigo cya TTC Zaza kiri mu mudugudu wa Kabeza mu kagari ka Ruhembe ko mu murenge wa Zaza mu karere ka Ngoma mu Burasirazuba bw’u Rwanda, yiyahuriye mu cyumba we na bagenzi be bajyaga baryamamo, hakaba hari ibimenyetso bigaragaza ko hari ibitagendaga mu muryango we kuburyo bikekwa ko ari byo byatumye yiyahura, ndetse hari abanyeshuri bavuga ko ashobora kuba yari atwite.

Uyu mwana w’umukobwa wigaga mu mwaka wa gatandatu w’amashuri yisumbuye ndetse witeguraga gukora ikizamini gisoza amashuri yisumbuye, yitwaga Nyiransengiyumva Dancille, akaba yari afite imyaka 24 y’amavuko. Yakomokaga mu Burengerazuba, mu karere ka Karongi mu murenge wa Rugabano.

IP Dusabe Bosco, umuvugizi wa Polisi mu Ntara y’Uburasirazuba, yatangarije ikinyamakuru Ukwezi.com ko uyu mukobwa yiyahuye ahagana saa kumi z’umugoroba, nyuma yo kuva mu ishuri akagenda yihishe bagenzi be, yagera aho we na bagenzi be bararaga akiyahura akoresheje igitenge. Uyu mukobwa yiyahuye bagenzi be bari mu ishuri, baje kubimenya basubiye aho bararaga.

IP Dusabe avuga ko hataramenyekana impamvu uyu munyeshuri yiyahuye, gusa hagakekwa ko yari afite ibibazo mu muryango we kuko mu biruhuko bishize yanze kujya mu kiruhuko nk’abandi. Ibi ariko ntibitandukanye cyane n’ibyemejwe na bamwe mu banyeshuri, bavuga ko uyu mugenzi wabo yagaragaraga nk’utwite, kuburyo bakeka ko byaba ari nabyo byatumye yanga kujya mu kiruhuko ngo iwabo batabimenya.

Gusa umwe mu bayobozi b’ikigo waganiriye n’Ikinyamakuru Ukwezi.com, yavuze ko ibyo kuba uwo mukobwa yari atwite ari ibihuha bivuga na bagenzi be ariko bidafitiwe gihamya.


INKURU ZA :
Tanga Igitekerezo
Ibitekerezo 2
nina Kuya 28-08-2017

uwiyishe ntaririrwa

nina Kuya 28-08-2017

uwiyishe ntaririrwa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...