konka coffee
KONKA

AMAKURU

UKWEZI

Nyamirambo: Abaturage bigaragambije bafunga umuhanda n’amabuye

Nyamirambo: Abaturage bigaragambije bafunga umuhanda n’amabuye
13-09-2016 saa 16:38' | By Chief Editor | Yasomwe n'abantu 20317 | Ibitekerezo 3

Abaturage bakoze umuhanda uva i Nyamirambo ujya i Mageragere hose ho mu karere ka Nyarugenge mu mujyi wa Kigali, ku gicamunsi cyo kuri uyu wa Kabiri tariki 13 Nzeri 2016, bigaragambije bafunga umuhanda bakoresheje amabuye babuza imodoka guca muri uyu muhanda kuko ababakoresheje batigeze babishyura.

Mu kiganiro ikinyamakuru Ukwezi.com cyagiranye na Simon Peter Kalinda ushinzwe imicungire y’aba bakozi, yadutangarije ko hari abafundi basaga 170 n’abayedi basaga 200 bakoze ibikorwa by’ubwubatsi mu muhanda uva i Nyamirambo ugana i Mageragere, bakaba bari basanzwe babishyura buri cyumweru ariko ubu hakaba hashize ibyumweru bitatu batabahemba.

Bari batambitse amabuye mu muhanda ngo babanze bishyurwe ibirarane byabo

Avuga ko gutinda byatewe n’uko inzira zo kwishyura aya mafaranga zafashe igihe kirekire, kuburyo n’ubu bakirimo kubyirukamo ngo babishyure amafaranga yabo, bose hamwe bakaba babafitiye amafaranga y’u Rwanda asaga 4.300.000.

Simon Peter Kalinda avuga ko kuwa Gatandatu w’icyumweru gishize aba bakozi bavuze ko batazongera gukora batarahembwa, abandi nabo bakabizeza ko bagiye gushakisha bakabishyura ngo akazi gakomeze, ndetse no kuri uyu wa Kabiri abakuriye ibi bikorwa by’ubwubatsi bakaba bazindutse biruka mu bijyanye no gushaka ayo amafaranga, maze mu masaha y’umugoroba ahagana saa kumi, abakozi barigaragambya bafunga umuhanda bakoresheje amabuye, babuza imodoka gutambuka.

Icyakoze ubwo twavuganaga n’uyu Simon Peter Kalinda ahagana saa kumi n’ebyiri z’umugoroba, yavugaga ko Polisi yari imaze guhosha iyo myigaragambyo n’umuhanda wongeye kuba nyabagendwa, mu gihe aba bakozi nabo bari bategereje umuyobozi mukuru ukuriye ibikorwa byo kubaka uyu muhanda witwa John Bosco Kagubare ngo bumve icyo ababwira kuri iki kibazo. Amakuru agera ku kinyamakuru Ukwezi.com ariko ashimangira ko hari abantu babiri mu bigaragambyaga Polisi yahise ita muri yombi.

UPDATE: Nyuma y’iyi myigaragambyo, amakuru yageze ku kinyamakuru Ukwezi.com ku gicamunsi cyo kuri uyu wa Gatatu tariki 14 Nzeri 2016, ni ay’uko aba baturage bashyize bagatangira kwishyurwa amafaranga yabo, gusa abenshi bavuga ko nyuma batazigera bemera gukomeza akazi kuko bishyurwa biruhanyije.


INKURU ZA :
Tanga Igitekerezo
Ibitekerezo 3
Jos Kuya 15-09-2016

Nibibi biriyabintu kwigaragabya nibibi bagomba gushaka indinzira babikemuramo

Rwangombwa Kuya 14-09-2016

Harya ninde wazanye gahunda y’abikorera ku giti cyabo? Ubu ntabona ko ari gahunda yo gukiza bamwe akenesha abandi? Umuntu umwe yambure akarere kwose ngo kirazira kwigaragambya? Kirazira kuniga umuturage ariwe shingiro rya Leta.

ni Ndcyayisenga Emmanuel Kuya 13-09-2016

barwiyemeza mirimo bajye bishyura abakozi amafaranga yabo kugihe kubera ko baba babakoresheje kandi ntiwakora utariye ubwo rero ntibakabahohotere kuko baba bavunitse kandi abo baturage bakomeze kwihangana

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...