konka coffee
KONKA

AMAKURU

UKWEZI

’Nyirakuru’ w’abazunguzayi umaze imyaka 35 acuruza agataro, yasutse amarira imbere ya Minisitiri

’Nyirakuru’ w’abazunguzayi umaze imyaka 35 acuruza agataro, yasutse amarira imbere ya Minisitiri
11-05-2016 saa 06:07' | By Chief Editor | Yasomwe n'abantu 6896 | Ibitekerezo 6

Mu nama yahuje abazunguzayi ba Nyabugogo n’abayobozi barimo Minisitiri w’uburinganire n’umuryango, umuyobozi w’akarere ka Nyarugenge, ushinzwe imibereho myiza y’abaturage mu mujyi wa Kigali n’abandi batandukanye, niho umukecuru w’imyaka 64 witangarije ko ari nyirakuru w’abazunguzayi ba Nyabugogo, yagaragarije agahinda amaranye imyaka, kwihangana biramunanira araturika ararira.

Ubwo abazunguzayi bahabwaga umwanya ngo bagende babaza ibibazo byabo, buri wese yagendaga avuga ikimushengura umutima, abenshi bakaba baragarutse ku kuntu bafungwa, bagakubitwa, bakamburwa ibyabo ndetse by’umwihariko bagaruka ku rupfu rw’umwe muri bagenzi babo wiciwe muri gare ya Nyabugogo tariki 7 Gicurasi 2016.

Ababazaga ibibazo banatanga ibitekerezo, wumvaga koko harimo abababaje, ariko byageze ku mukecuru witwa Nyirabambogo Martha biba ibindi, bamwe birabarenga ku bw’agahinda n’umubabaro yavuganaga. Ni umubyeyi ukuze, ufite imyaka 64 y’amavuko, wivugira ko abazunguzayi ba Nyabugogo bamufata nka nyirakuru muri uyu mwuga, dore ko avuga ko yatangiye gucuruza agataro afite imyaka 29, ubu akaba abimazemo imyaka 35.

Nyirabambogo Martha imbere y’abayobozi agaragaza agahinda n’umubabaro we nka nyirakuru w’abazunguzayi nk’uko abyivugira ari nako abyemeranywaho na bagenzi be

Nyirabambogo avuga ko mu myaka yose yakoze aka kazi ko gucuruza agataro, yagiye ahura n’akaga gakomeye kimwe na bagenzi be, akaba yaragiye afungwa aranakubitwa ariko yanga kureka aka kazi, kuko ari ko kamutunze kandi akaba atakwibonera ubushobozi bwo gucururiza mu isoko nk’abandi.

Nyirabambogo Martha, yavuze ko aka kazi kamufashije kurihira ishuri umwana w’impfubyi wabuze ababyeyi be muri Jenoside yo mu 1994, gusa ubu akaba yararangije ntahite abona akazi, n’ubundi uyu mukecuru akaba ari we wirirwa ashakisha icyabatunga, nta handi ashakiye hatari mu bucuruzi bw’agataro.

Igihe cyaje kugera, kwihangana biranga araturika ararira, abari aho bagwa mu kantu

Nyirabambogo Martha yavuze ko hari bamwe mu bayobozi bagezwaho inkunga zigenewe aba bazunguzayi, bakazijyanira nyamara bazi neza ko Perezida Paul Kagame nabo aba yabatekerejeho. Ubwo yavugaga ibi, kwihangana byamunaniye ararira arahogora, abari bitabiriye inama bagwa mu kantu.

Inama yarangiye abayobozi bijeje abazunguzayi ko nyuma yo kuganira nabo bakumva ibibazo byabo, bagiye kubashakira imishinga n’ibikorwa by’ubucuruzi bazakora ariko nabo basabwa kwiyandikisha mu mirenge ngo bazagire aho babasanga hazwi.

REBA VIDEO HANO ABAZUNGUZAYI BACINYA AKADIHO MBERE Y’INAMA:


INKURU ZA :
Tanga Igitekerezo
Ibitekerezo 6
dodos Kuya 13-06-2016

arko koko aba dasso babuze icyo bakora kuburyo birirwa bica inzirakarengane nabajura bazengereje rubanda ahhhhhhh

habineza Kuya 11-06-2016

sha iyombonye umuzunguzayi yamburwa ibyafite nanjye amarira abunga mumaso cyokora ubwo bagiye kubafasha kuva mumuhanda birashimishije

bahira Kuya 12-05-2016

abazunguzayi babaye ikibazo gikomeye kandi cyoroshye gukemu vuba.gusa mbona biterwa nuko inzego zibishinzwe zidakora akazi uko bikwi;

kubwiyo mpamvu ndabona dukwiye gushyiraho minisiteri yiyongera kuzo dufite yogukemura ibibazo byabazunguzayi.

mukeneye ibindi bisobanuro imaze kujyaho nzabasubiza nimara kuba minisitiri uyiyobara.

kweri Kuya 11-05-2016

Yararize yoooo birababaje mbega inkuru mwamumariyikise yeee

Gygy Kuya 11-05-2016

murakoze kutumenyesha ko yarize .. ariko se hanyuma??? yarize bigenda bite ??? muratangaje pe umuntu wakoze iyi nkuru natubwire icyo yari igamije ..... kumenyesha ko umukecuru yarize!!! icyamurizaga ni iki? cyarangiye gute ? cg inkuru yanditswe akirira ?? muratangaje nukuri ubuse koko

Davx Kuya 11-05-2016

hanyuma c nyuma yo kurira ko miba mutavuze final result yicyo bamusubije

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...