konka coffee
KONKA

AMAKURU

UKWEZI

RSSB iramagana ibitaro n’amavuriro biha serivisi mbi abivuriza kuri Mituweli

RSSB iramagana ibitaro n’amavuriro biha serivisi mbi abivuriza kuri Mituweli
25-04-2017 saa 19:43' | By Vincent Nsengiyumva | Yasomwe n'abantu 2007 | Ibitekerezo 6

Umuyobozi mukuru wa RSSB, Gatera Jonathan, yavuze ko atumva neza impamvu abantu bakoresha ubwisungane mu kwivuza bwa Mituweli (Mituelle de Sante) badahabwa serivisi zinoze muri bimwe mu bitaro n’amavuriro, kandi nabwo ari ubwishingizi nk’ubundi bwose bukoreshwa mu kwivuza, anasaba ko bikwiye kwamaganwa iyo myumvire ikavaho burundu.

Ibi umuyobozi wa RSSB, Gatera yabitangaje kuri uyu wa Kabiri tariki ya 25 Mata mu kiganiro yagiranye n’itangazamakuru kigamije kugaragaza uko ubwitabire bwo gutanda umusanzu wa Mituweli buhagaze.

Uyu muyobozi mukuru wa RSSB yavuze ko niba hashobora kubaho gutinda kwishyura ibitaro ndetse n’amavuriro kubera impamvu zinyuranye bitagakwiye kuba intandaro yo kurenganya umurwayi ugiye kwivuza kuko we aba yaramaze kuzuza inshingano ze.

Yagize ati “ Ibitaro cyangwa se amavuriro bitanga serivisi mbi ngo RSSB ibafitiye umwenda, buriya baba bahima cyangwa se bagirira nabi umunyamuryango wacu. Yego birumvikana amafaranga twishyura akoreshwa mu buryo bwinshi, hari imiti, hari imishahara n’ibindi ariko ntibakagombye kubyitwaza. Serivise mbi itangwa mu buryo bwinshi harimo no gusuzugura ufite Mituweli, ukita k’ufite ubundi bwishingizi ariko imyumvire nk’iyo tugomba kuyirwanya ku buryo yahinduka kuko ubwishingizi bwa Mituweli ni kimwe n’ubwishingizi bundi. N’ubwo haba harabayeho uko gutinda kwishyura ntabwo umunyamuryango wacu ariwe wakagombye kubirenganiramo.”

Gatera yakomeje avuga ko abima imiti abarwayi kuko ngo bafite ubwishingizi bwa Mituweli ari ukudaha agaciro abanyamuryango ba bayo maze asaba ko aho ibintu nk’ibi bigikorwa bakwiye kubireka kuko ngo abafite ubu bwishingizi nabo baba barishyuye nk’abakoresha ubundi nka Rama n’ubundi.

RSSB inavuga ko ubwitabire bw’abatanga umusanzu wa Mituweli muri uyu mwaka buri ku kigero gishimishije aho ubu bageze kuri 84,2% hakibura amezi 2 ngo umwaka utangire mu gihe umwaka ushize wari warangiye bari kuri 81’6%.

RSSB yanaboneyeho kwibutsa abanyamuryango ba Mituweli ko bashyiriweho uburyo butandukanye buborohereza kwishyura, aho umuntu ashobora gukoresha Mobicash anyuze ku mukozi wayo (agent) maze akishyura cyangwa akamenya andi makuru atandukanye yaba yifuza ku bijyanye na Mituweli, ibintu bizaborohereza gukora ingendo zitandukanye bakoraga aajya gushaka izi serivisi ku nzego zibishinzwe.

Umuyobozi mukuru wa RSSB,Gatera Jonathan yamaganye ibitaro n’amavuriro biha serivisi mbi abivuriza kuri Mituweli


INKURU ZA :
Tanga Igitekerezo
Ibitekerezo 6
Maggie Kuya 2-05-2017

Mwiriwe mutubabarire mutubwire ukwotwabingeza evuriro ryo kumuhima bahima abarwayi bangakabya byagera kubatanga iminti ya HIV nogukora ibizamini bya barwayi bikaba akarusho ugeyo bakaguha appointment wasubirayo bakubwirako ntabikoresha bakaguha iyindi wasubirayo ngo watinze kandi ntabarwayi bafinte bikyayeho barimo bavuga ubusa ubwo ikyumweru kyingashira ugafanta ikindi ibyose nibiki nturabirabiwe

Maggie Kuya 2-05-2017

Mwiriwe mutubabarire mutubwire ukwotwabingeza evuriro ryo kumuhima bahima abarwayi bangakabya byagera kubatanga iminti ya HIV nogukora ibizamini bya barwayi bikaba akarusho ugeyo bakaguha appointment wasubirayo bakubwirako ntabikoresha bakaguha iyindi wasubirayo ngo watinze kandi ntabarwayi bafinte bikyayeho barimo bavuga ubusa ubwo ikyumweru kyingashira ugafanta ikindi ibyose nibiki nturabirabiwe

rukundo Kuya 27-04-2017

inkuru y uko tutazongera kuivuza muri privee nta transfert ndavuga abakoresha RAMA KO MUTAYITANGAZA NEZA NGO TWUMVE NOEHO BYABA ARI AGAHOMA MUNWA RWOSE

remakwinshi Kuya 27-04-2017

WAGIRANGO MITUELLE SI UBWISUNGANE NKUBUNDI.dUFATWA NABI CYANE.uMUSAZA WANJYE BAMWIMYE AMBILANCE YO KUUJYANA IKANOMBE NGO MITUELLE NTIBIYIREBA UBU YIBEREYE MURUGO.Aho ni ibyumba

Ishimwe Kuya 26-04-2017

birababaje kubona ujya kwivuza bajya kukwandikira imiti bakakubaza ngo ese ukoresha ubuhe bwishingizi wavugako Ari mutuel ngo hari imiti uterewe jye byambayeho nda namwinginga ngo ayinyandikire nyigure hanze hanze aranga

Ishimwe Kuya 26-04-2017

birababaje kubona ujya kwivuza bajya kukwandikira imiti bakakubaza ngo ese ukoresha ubuhe bwishingizi wavugako Ari mutuel ngo hari imiti uterewe jye byambayeho nda namwinginga ngo ayinyandikire nyigure hanze hanze aranga

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA