konka coffee
KONKA

AMAKURU

UKWEZI

Rubavu: Umwana w’imyaka 10 yakorewe iyicarubozo atwikishwa ibyuma - Amafoto

Rubavu: Umwana w’imyaka 10 yakorewe iyicarubozo atwikishwa ibyuma - Amafoto
27-04-2017 saa 10:34' | By Chief Editor | Yasomwe n'abantu 12960 | Ibitekerezo 9

Umuryango w’umwana witwa Ineza Credo, w’imyaka 10 gusa y’amavuko, uhangayikishijwe n’undi muryango bitanga inshuti yabo wakoreye uyu mwana ibikorwa by’iyicarubozo, agatwikishwa ifurusheti ishushye ku bice bitandukanye by’umubiri ndetse akanakubitwa azira ko yananiwe gukora imwe mu mirimo yo mu rugo.

Mujawamariya Odette, ni nyinawabo wa Ineza Credo ndetse ninawe mubyeyi umukurikirana kuko nyina w’umwana yagiye hanze y’igihugu. Uyu mubyeyi yatangarije ikinyamakuru Ukwezi.com ko umuryango w’uyu mwana usanzwe utuye mu karere ka Musanze, bakaba bafite umuryango wo mu karere ka Rubavu, wari inshuti zabo ariko bakaba barabahemukiye bakabatwikira umwana ubu akaba amerewe nabi.

Nk’uko Mujawamariya abisobanura, ngo umuryango wa Uwilingiyimana Pascal na Nyirabarekezi Chantal utuye mu karere ka Rubavu mu murenge wa Nyakiriba, mu kagari ka Kabisizi, umudugudu wa Kamakinga, usanzwe ari inshuti y’ababyeyi ba Ineza Credo. Ubwo nyina wa Credo yajyaga hanze y’u Rwanda mu mezi ane ashize, yasigiye uyu muryango umwana we ngo ahabe kuko yari n’inshuti y’abana bo muri uwo muryango, ndetse uwo mwana yahise atangira no kwigana n’abandi bo muri urwo rugo.

Uyu mwana afite ibikomere byinshi ku mubiri byatewe n’aho yatwitswe

Mujawamariya Odette ati: "Baramutwitse, bamushyiraga mu nzu, agafata abana be mbega akabaha amabwiriza, bakamubona n’ikiziriko, n’umwana aramubwira ngo baramubohaga noneho bagashyira ifurusheti n’ibindi bintu by’ibyuma mu muriro, mu ziko, bakamutwika. Noneho uwo mugore nawe akamukubita, ubu amatako ye ni imyotso, umwana ubu turimo turamuvuza... Umwana baramutwikaga akaboroga, baranamukubise imikandara mu mutwe amaraso agashoka mu maso, ubu ibisebe birahari n’inkovu, ibirenge byarabyimbye... Uwo muryango ni inshuti, mama we yarabizeye kuko yari agiye hanze mu bukwe (muri Senegal), baranasenganaga mu itorero rya ADEPR, njyewe ndi nyina wabo ubu ari iwanjye."

Nyina wa Ineza Credo yakundaga kubaza uyu muryango uko umwana amerewe abandi bakamubwira ko ameze neza ndetse ko atifuza no kuzasubira iwabo, ariko umuryango waje kumenya ko umwana akorerwa iyicarubozo maze nyinawabo (mukuru wa nyina) aza gufata icyemezo cyo kujya kumukurayo atangira kumuvuza.

Nyirabarekezi Chantal yaganiriye n’ikinyamakuru Ukwezi.com, yemera ko umwana yatwitswe koko ariko ibyo kumukubita no kumukorera ibindi bikorwa by’iyicarubozo abitera utwatsi, avuga ko byakozwe n’umwana we ndetse ko ibindi atabizi kuko yarwaye n’ubu akaba arembye.

Yagize ati: "Ngo njyewe mutwika? Yesu we! Ubwo bugome sinabugira ni ukuri kw’Imana. Njyewe maze iminsi ndwaye n’ubu ndacyarwaye, nyinawabo byo yaraje ariko kubera ko nari ndyamye ntameze neza, ntabwo nabashije kubimenya, ubwo umwana aramutwara numva amutwaye bisanzwe... Umwana we ku kuguru yari afiteho igisebe, yarahiye byo. Ariko uko bari bicaye n’abandi bana iyongiyo, sinari ndi kumwe nabo. Nari ndi hanze ndimo kwanura imyenda, numva arimo gucyocyorana n’abandi bana, nyuma murebye mbonaho igisebe arambwira ngo mugenzi we aramutwitse, ngo amuziza ko yariye ibiryo akabimara..."

Uyu mugore ashimangira ko yabonaga bidakomeye ndetse n’umwana we wamutwitse akaba yaramuhannye, ariko ibyo kuba ari we wabibwiraga abana ndetse akaba yaranamukubitaga byo abitera utwatsi, nyamara ku rundi ruhande umwana we abwira nyinawabo ko byose byakorwaga n’uwo mugore, akabwira abana be ngo bamuhane kuko imirimo yo mu rugo yabaga yamunaniye.

Umuryango wa Ineza Credo uvuga ko watanze ikirego kugirango abahohoteye uyu mwana bashyikirizwe ubutabera, ariko basaba ko n’inzego zishinzwe kurwanya ihohoterwa by’umwahariko irikorerwa abana, bakwiye kubafasha kugirango ibyakorewe umwana wabo ababigizemo uruhare babiryozwe.

Bamaze gutanga ikirego basaba ko hakorwa ibishoboka byose umuryango ugahabwa ubutabera


INKURU ZA :
Tanga Igitekerezo
Ibitekerezo 9
Uzayogeza Fabien. Kuya 5-05-2017

Uwo mugore akwiriwe Gukatirwa, kuko uwo nawe n’Umwicanyi nk’Abandi.

Uzayogeza Fabien. Kuya 5-05-2017

Uwo mugore akwiriwe Gukatirwa, kuko uwo nawe n’Umwicanyi nk’Abandi.

Turikumwenimana Elie Kuya 4-05-2017

Eh eh eh! Birakaboje vraiment umwana umuziranenge! rero n’ubwo yaba umuntu mukuru. Njye ndamutse nshinzwe ihohoterwa nabanza gufa abakoze ayo mabi nkabafunga ubundi ngakora iperereza bawurimo. Inshuti gito gusa.

Turikumwenimana Elie Kuya 4-05-2017

Eh eh eh! Birakaboje vraiment umwana umuziranenge! rero n’ubwo yaba umuntu mukuru. Njye ndamutse nshinzwe ihohoterwa nabanza gufa abakoze ayo mabi nkabafunga ubundi ngakora iperereza bawurimo. Inshuti gito gusa.

h Kuya 4-05-2017

ahubwo icyo kigore mucunge neza gishobore kuba ari iki genocidaire erega kirahakana.ubuse nyina wabo yaje gutwara umwana ngo kiryamye bishoboka bite ahubwo cyari kihishe urebe no kuno aricyo cyabikoze kigeze kimuvuza ikigoryi gusa umuco kirikwigisha abana bacyo ubwo ni uburere. mugifunge nigiterahamwe kibi ahubwo

BB Kuya 27-04-2017

Mana yanjye koko wa mugore we uri ikivume ibyo wakoreye uwo mwana uzabikorerwe inshuro 100 wa nterahamwe we agahinda kuwo mwana kazakokame wa dayimoni we,gufata umuziranenge ukamubabaza gutye uwakumpa hari gihano naguhanisha nta nubwo ukwiye gupfa harigihano naguha kuburyo uzajya ureba umwana ukamwubaha wa cyontazi we!!!!

king Kuya 27-04-2017

Ariko mana ibi bintu birarenze, abanyarwanda dukabije ubugome. ariko se ibibintu birimo guterwa niki? ninzara c? ni genocide yahabaye kweri ibi niki kweri. mana fasha urwanda

Leonard i musanzekinigi Kuya 27-04-2017

Abwo ntaburere burimo! ndasaba leta ko ntarindi perereza rihabaye nubwo yavurwa agakira,uwo mugore wakoze ayo mahano bamukatire nkuwakoze iyica rubozo kd nabo banabe niba bajijutse bakatirwe nkabafantanya cyaha! ubwo ni ubwicanyi bwindengakamere!!

- Kuya 27-04-2017

Police se izakora iki? Kwihanira hano byafasha kuruta kujya muri POLICE!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...