konka coffee
KONKA

AMAKURU

UKWEZI

Gakenke: Umugore yabwiwe ko umwana we yapfuye bagiye gushyingura basangamo amabuye

Gakenke: Umugore yabwiwe ko umwana we yapfuye bagiye gushyingura basangamo amabuye
24-08-2016 saa 08:11' | By Chief Editor | Yasomwe n'abantu 16545 | Ibitekerezo 21

Umugore wo mu karere ka Rulindo mu Ntara y’Amajyaruguru witwa Nzamwitakuze Brigitte, yabyariye ku bitaro bya Ruli biherereye mu murenge wa Ruli mu karere ka Gakenke, nyuma abaganga bamubwira ko umwana yapfuye ariko nyuma bagiye kumushyingura basangamo ibipupe n’amabuye, kugeza ubu bikaba byabaye amayobera.

Kuwa Mbere tariki 22 Kanama 2016, nibwo uwo mugore yabyaye, hanyuma kuri uyu wa Kabiri ubwo yari amaze kuzanzamuka, abwirwa ko umwana we yapfuye ndetse nyuma gato hahita hategurwa imihango yo gushyingura uruhinja rwari rwamaze gushyirwa mu isanduku yo gushyinguramo, maze umuntu umwe aza gupfundura isanduku mbere yo gushyingura, asangamo igipupe n’amabuye.

JPEG - 37 kb

Ibi nibyo basanze mu isanduku bibeshyaga ko irimo uruhinja rwapfuye

Umwe mu bakozi b’ibitaro bya Ruli ukora akazi k’ubunyamabanga muri ibi bitaro, yatangarije ikinyamakuru Ukwezi.com ko kuri uyu wa Kabiri ari bwo uwo mugore bamusezereye bakanamuha isanduku irimo uruhinja rwe yabwirwaga ko rwapfuye, uwayitwaye akaba atarigeze apfundura ngo arebe ahubwo akaba yarabibonye bageze ku mva bari bagiye gushyinguramo, bagakubitwa n’inkuba bagahita bajya kuri Polisi.

Amakuru agera ku Kinyamakuru Ukwezi.com kugeza ubu yemezwa na Dr Kaneza Deogratias uyobora ibi bitaro, ni uko umubyaza w’ibi bitaro witwa Bucyensenge Beatha yamaze gutabwa muri yombi nyuma yo kuvumbura ko ari we wari wibye urwo ruhinja ndetse akaba anabyiyemerera, akaba yari yamaze no gusohokana urwo ruhinja hanze y’ibitaro. Uyu mubyaza akaba afunganywe na Dr Sangwa Victor wabimufashijemo kuko ari we wabwiye umubyeyi ko umwana we yapfuye, naho uwitwa Amos Bugingo we yari yaraye izamu. Umwana kugeza ubu yasubijwe ababyeyi be. Uyu Bucyensenge Beatha yari amaze igihe abana n’umugabo ariko ntibarabona urubyaro.


INKURU ZA :
Tanga Igitekerezo
Ibitekerezo 21
JAMBATISTA Kuya 30-08-2016

Mbega abahemumu ? Muhane byintangarugero.Bagane ibigo byipfubyi babahe abana bifuza uwomubyeyi baribateye Agahinda Mbega birababaje?

Da Kuya 29-08-2016

Nibamufunge kuko yaje kudutekaho imitwe tumuha amafranga araduhemukira bikabije kumbi yari ayo gukoresha amanyanga.

Habineza Kuya 27-08-2016

Ariko Mana ibyo ni ugukunda abana gusa? Nyamara bamubabarire yabitewe no kubura urubyaro.

Pacifique Kuya 26-08-2016

uyu muganga nakurikiranwe kdi mukumuhana ntibazibagirwe circonsistance aggravente kuko birakabije!!!

mugwaneza Kuya 26-08-2016

this is total human trafficking. Ibaza nurse vraiment.

mugwaneza Kuya 26-08-2016

this is total human trafficking. Ibaza nurse vraiment.

Tuyishimire Kuya 26-08-2016

Mbega abaganga babi!

umutoni clarisse Kuya 25-08-2016

isi igeze agarindimuka peeeeee ubwose iyajya mukigo cyimpfubyi akarera

kanyarwanda Kuya 25-08-2016

Nibamuhane nabandi ba nurse barebereho. buriya se iyo yihangana ko hari abamara imyaka 13 kdi bakabyara.

Gérard Kuya 24-08-2016

Uwo Muganga Yari Yibye Umwana Nahanwe.

mujyanama aimable Kuya 24-08-2016

nimba yarafite kumurera mumubabarire kubura umwana nikintu gikomeye.

madame Kuya 24-08-2016

bamukatire uburundu. yari yishe umwana. yerekane nuwamumutumye kandi inkuru muzayidukulikiranire. mbega igipupe gisa nk umwana!!! uyu mudamu azahite yimuka batazamwicisha....

NSINZI Kuya 24-08-2016

YEGOKO MUFOROMOKAZI WE UBUSE WABUZE UWAGUHA UMWANA ABAKOBWA TWEBWE BABAMAZE BABAVUGUNYA MU ISHYAMBA. IYO USABA UWAMUBYAYE ATAMUKENEYE KO BARIHO. ARIKO MBEGA IMITWE AMABUYEEEEE IGIPUPEEEE.!!!!!!!!

KANUMA Kuya 24-08-2016

EWE ZATA WEEEEEEEEEEEEEEE
Kwihangana byamunaniye satan amwoshya kwiba umwana w, abandi?
Yabaye aka Sarah na Aburaham disi...
...kandi nyamara kwihangana gutera kunesha.
satani ni uko akora rero aguteje isi rwose.

ndumiwe Kuya 24-08-2016

abantu bize? ubu se babonaga ko bari bushyingure batarebye ako kamarayika kagiye kataraye ku isi narimwe!!!satani akoshya gukora icyaha yarangiza akagutamaza.hakorwe iperereza birashoboka ko uwatangaje inkuru nuwanditse attestation de deces yabisabwe nka serivise zisanzwe amwizeza ko ababikeneye bari kwihuta.

evariste Kuya 24-08-2016

Bamukatire

Gakiza Kuya 24-08-2016

babafunge bose..abo ba nurse n uwakoze atestation de deces, n uwabyajije uwo mugore, nuwavuze kuwo mwana yapfuye.uwo nubyeyi atange ikirego kuri ibyo bitaro abamuhemukiye bose bahanwe kandi ahabwe n indishyi z akababaro.

angel Kuya 24-08-2016

Bamugurishirije umwana wana

coco Kuya 24-08-2016

uyumubyeyi narenganurwe bakurikirane uwamubyaje abifitemo uruhare mana we

Denis Kuya 24-08-2016

hahahahaha! Bamwibiye umwana ahubwo abaganga ni bakurikiranwe

Mahoro Kuya 24-08-2016

Iyi si ya none iteye UBWOBA.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...