konka coffee
KONKA

AMAKURU

UKWEZI

Rutsiro: Bataburujwe imibiri abandi bakurwa mu byabo bizezwa ingurane none barahebye

Rutsiro: Bataburujwe imibiri abandi bakurwa mu byabo bizezwa ingurane none barahebye
24-08-2017 saa 08:54' | By Akayezu Jean de Dieu | Yasomwe n'abantu 2991 | Ibitekerezo 3

Abaturage bo mu murenge wa Mushubati, Akarere ka Rutsiro bararira ayo kwarika nyuma yo kumara hafi umwaka bakuwe mu mitungo yabo n’ubuyobozi bushaka kubakamo umudugudu w’ikitegererezo n’imihanda ijya muri uyu mudugudu. Bamwe muri aba baturage bakodesherejwe aho kuba gusa hari n’abandi batigeze bahabwa aho kuba bacumbitse mu gihe batarahabwa ingurane yabo ngo nabo babashe kubaka, kugeza ubu aba baturage bavuga ko bagiye kumara hafi umwaka batakambira ubuyobozi bw’aka karere ariko bukirengagiza ikibazo cyabo ari naho bahera basaba kurenganurwa.

Bamwe muri aba baturage baganiriye n’Ikinyamakuru Ukwezi.com bavuga ko n’ubwo ari ibyo kwishimirwa kuba ubuyobozi bw’igihugu bwarabazaniye amajyambere nko kuba barubakiwe umudugudu w’ikitegererezo ariko kuri bo ngo hari bimwe mu bibazo basigiwe n’ibi bikorwa kandi bifuza ko byashakirwa umuti kuko babayeho nabi kubera ingaruka z’ibyo bakorewe.

Musoni Etienne utuye mu mudugudu wa Gitega, Akagari ka Mageragere, ho mu murenge wa Mushubati yagize ati “Kuva mu kwezi kwa cumi na kumwe nta muntu wigeze asarura n’umubeya w’ikigori cyangwa udutonore tw’ibishyimbo, baraje badusenyera amazu, bafata imva z’abantu bacu twari twarashyinguye mu ngo zacu barabadutaburuza tubajyana gushyingura mu irimbi rusange hanyuma batubwira ko buzaduha amafaranga none bibaye amezi hafi umunani guhera mu kwa cumi na kumwe, twajya kubaza akarere bati ibibazo byanyu tubirimo bakatubwira ngo ku itariki 25 nibwo umuhanda twubatse abantu wangirije, imirambo twataburuye byose nibwo tuzabishyura”

Uyu niwo mudugudu w’ikitegererezo wubatwe muri aka karere ka Rutsiro

Uwitwa Ayingeneye Valentine yagize ati “Njyewe nari ntuye muri Gitega noneho uyu muhanda ugwa mu nzu yanjye barayisenya ngo bazatwishyura amafaranga kugeza n’ubu ntabwo bari bayaduha batwangirije mu kwezi kwa cumi na kumwe muri 2016 batubwira ko bazayaduha mu kwezi kwa mbere ariko kugeza n’ubu iyo tubajije bagenda baturerega mbese twabuze aho tubariza nkanjye bari barambariye milliyoni eshatu n’igice (3.500 000Frw) kandi n’imyaka yanjye bayiranduye itari yera

Ikinyamakuru Ukwezi.com cyashatse kumenya icyo ubuyobozi bw’akarere ka Rutsiro buvuga kuri iki kibazo, ku murongo wa telefone tuvugana n’Umuyobozi w’aka karere wungirije ushinzwe Iterambere ry’Ubukungu, Munyakazi Gakuru Innocent, uyu muyobozi akaba yatubwiye ko kuba abaturage babona amafaranga yabo ari uburenganzira bwabo kandi ahamya ko abambere bamaze kuyabona ndetse na bake basigaye bari hafi kubona amafaranga yabo.

Visi meya Innocent yagize ati "Mu by’ukuri abaturage bafite ikibazo cyo kubona ingurane basigaye ari bake kuko abenshi bamaze guhabwa amafaranga ndetse n’abo basigaye wenda naza kubaza ababishinzwe aho babigejeje ariko nijeje abaturage ko mu gihe cya vuba baraba babonye ingurane bose kandi bihangane"
Ayingeneye Valentine iyi niyo nzu ye yasenywe none ubu ntafite aho kuba we n’umuryango we
Uyu Musoni Etienne avuga ko yakuwe mubye none arimo gusembere we n’umuryango we Ibi ni bimwe mu bikorwa by’abaturage byanyujijwemo imihanda ahandi hubakwa umudugudu w’ikitegererezo ariko kugeza ubu ntabwo bari bahabwa ingurane
REBA HANO VIDEO aho aba baturage bavuga ko babayeho nabi nyuma yo kudahabwa ingurane n’ubuyobozi


INKURU ZA :
Tanga Igitekerezo
Ibitekerezo 3
Karamaga Kuya 24-08-2017

Ibikorwa by’iterambere ni byiza, ariko nanone bikaba bibi iyo bikoranywe ubuswa. Abayobozi nkabo ntibashoboye, plz mujye mwishyura abaturage mbere iyo bitagenze bityo muba mushaka kuzuza inda zanyu, badget iba yarakozwe mbere. Nkamwe naho mwageze u rwanda mwegure kuko ntimushoboye, uretseko mushobora no kudakonezanya na gouverment nshya, ariko mujye munabazwa ayomafuti yanyu

Karamaga Kuya 24-08-2017

Ibikorwa by’iterambere ni byiza, ariko nanone bikaba bibi iyo bikoranywe ubuswa. Abayobozi nkabo ntibashoboye, plz mujye mwishyura abaturage mbere iyo bitagenze bityo muba mushaka kuzuza inda zanyu, badget iba yarakozwe mbere. Nkamwe naho mwageze u rwanda mwegure kuko ntimushoboye, uretseko mushobora no kudakonezanya na gouverment nshya, ariko mujye munabazwa ayomafuti yanyu

Karamaga Kuya 24-08-2017

Ibikorwa by’iterambere ni byiza, ariko nanone bikaba bibi iyo bikoranywe ubuswa. Abayobozi nkabo ntibashoboye, plz mujye mwishyura abaturage mbere iyo bitagenze bityo muba mushaka kuzuza inda zanyu, badget iba yarakozwe mbere. Nkamwe naho mwageze u rwanda mwegure kuko ntimushoboye, uretseko mushobora no kudakonezanya na gouverment nshya, ariko mujye munabazwa ayomafuti yanyu

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...