konka coffee
KONKA

AMAKURU

UKWEZI

Ubuhamya bw’indengakamere bw’ibyo Padiri Kayisabe Vedaste yahuye na byo muri Jenoside

Ubuhamya bw’indengakamere bw’ibyo Padiri Kayisabe Vedaste yahuye na byo muri Jenoside
13-04-2017 saa 09:45' | By Akayezu Jean de Dieu | Yasomwe n'abantu 15640 | Ibitekerezo 21

Ibyabereye kuri Paruwasi ya Mukarange muri Jenoside yakorewe Abatutsi ni amayobera, biragoye kumva uburyo abantu basaga 5000 bishwe umunsi umwe. Padiri Vedaste warokokeye kuri iyi Paruwasi avuga uburyo ku itariki ya 12 Mata 1994, igitero cyari kiyobowe na Gatete wari Burugumesitiri wa Komini Murambi cyaje kigatsemba iyi mbaga y’abantu bari bahungiye kuri iyi Kiliziya harimo na Padiri Munyaneza Bosco Interahamwe zicishije umuhoro zimukasemo ibice, gusa uyu yari umuhutu ariko yari yanze kwitandukanya n’abakirisitu be b’Abatutsi bahigwaga muri icyo gihe.

Padiri Kayisabe Vedaste avuka mu Murenge wa Mukarange, Akarere ka Kayonza, kuri ubu ni umuyobozi wa Seminari nkuru ya Kabgayi. Mu gihe cya Jenoside yakorewe Abatutsi mu 1994, uyu mupadiri yari umunyeshuli muri Semineri nkuru ariko yari mu biruhuko aho yabaga kuri Paruwasi ya Mukarange iri mu Kagari ka Nyagatovu, Umurenge wa Mukarange, Akarere ka Kayonza, ari naho yaje kurokokera ubu bwicanyi ndengakamere.

Ku itariki ya 12 Mata 1994, kuri iyi Paruwasi ya Mukarange hari hahungiye Abatutsi benshi cyane babarirwaga hejuru y’ibihumbi bitanu ari naho uyu Padiri Vedaste yari ari, gusa kuri iyi tariki aba bantu bose barishwe aho avuga ko kuva ku isaha ya saa kumi n’imwe zo mu rukerera kugeza saa cyenda z’igicamunsi aba bose bari bamaze gushira hasigaye abarimo guhumeka umwuka wa nyuma ari nabo uyu Padiri Vedaste yabarizwagamo. Gusa nabo ntibarengaga batanu uretse we n’undi mukecuru yibuka ndetse n’umugabo umwe wari ufite icumu icyo gihe ni bo yibuka babashije kurokokera kuri iyi Paruwasi.

Ubuhamya bw’ibyabaye kuri Padiri Vedaste muri Jenoside yakorewe Abatutsi, bugaragaza inzira y’umusaraba yanyuzemo, aho avuga ko muri iki gihe cya Jenoside iyi Paruwasi yabarizwaga mu cyahoze ari Komini Muhazi ariko ikaba itari ifite Burugumesitiri ari nabyo byatumaga uwari Burugumesitiri wa Kayonza witwaga Senkware (Ushobora kuba yaragiye muri Tanzaniya akaza gupfirayo) yaragenaga uko abatutsi bicwa. Undi wazaga gutanga amabwiriza aho ndetse akanazana n’intwaro zo guha interahamwe ni Burugumesitiri wa Komini Murambi witwaga Gatete.

JPEG - 66 kb

Padiri Kayisabe Vedaste ubu ni umuyobozi wa Seminari Nkuru ya Kabgayi iri mu karere ka Muhanga

Mu buhamya bwa Padiri Vedaste yagize ati: “Ku itariki ya 12 nari muri abo bantu bateraga amabuye nyine turwana n’abari bafite ama gerenade n’imbunda, byageze mu masaha ya saa Tanu z’amanywa nibwo Gatete yaje azanye n’imodoka yuzuye intwaro n’izindi modoka zirimo interahamwe nyinshi ari nabwo yahise abahereza intwaro batangira kurasa, binjira mu kigo aho twari turi twese turi benshi cyane, ubwo rero njyewe bateye gerenade imfata ku kaguru ubu mfite Fragment (inkovu) ndazigendana, ubwo rero nkimara kumva ko nakomeretse mbonye urushonzi rw’amaraso rurimo gutemba nashatse uburyo nkururuka nza ahabaga abapadiri ninjira mu nzu. Icyo gihe nibwo nahise numva amasasu menshi babandi twari kumwe bose barabarasa, ni uko nibwo bamwe bahise baza birukira mu cyumba Padiri Bosco yari arimo afite ishapure arimo gusenga byamuyobeye, nuko Interahamwe ziza zibasanga zibwira Padiri ziti ‘Wowe va mu nzira abo dushaka ni Abatutsi’. Ni uko yanga kuva mu nzira arababwira ati sinshobora kwitandukanya n’intama zanjye, hanyuma ubwo bahise bamurasa isasu yinjira mu kindi cyumba hanyuma baramukurikira baramucoca n’imihoro bamucamo ibice byinshi”.

Padiri Vedatse akomeza avuga uburyo kuri iyo tariki Burugumesitiri Gatete yabonye abantu bose bamaze kwicwa, abona neza ko interahamwe zabishe bose ari imirambo iryamye hasi, yumva ko akazi ke akarangije niko guhita bafata amamodoka barongera baragenda, ubwo byari bimaze kugera nka saa cyenda z’igicamunsi.

Padiri Kayisabe Vedaste ati: “Ubwo nyine bimaze kugera mu masaha ya saa cyenda z’umugoroba abantu bose bamaze kubica, nibwo imodoka zongeye zipakira za nterahamwe barazijyana ariko hashize nk’isaha twumva amasasu arongeye aravuze bagaruka gushaka ahari abantu bagihumeka ,ni uko nanjye nahise nsohoka aho nari nihishe njya mu mirambo ndegura ndyamamo ariko nyuma haje kuza umuntu agenda areba niba harimo abakiri bazima araza aba angezeho yeguye abona negutse, yanjyana hirya akabona ngiyeyo, ni uko arampondagura gusa sinabashaga kuvuza induru kuko numvaga yahita anyica, ageze aho abona ntagihumeka arangije arandeka aragenda. Ubwo nyuma haje kugaruka abandi batatu harimo n’undi twiganye kuko na we yari mu bicaga, ni uko aravuga ati “Yoo bamwishe nawe!!!”, arangije afata akantu k’akenda anshyiraho, nka byabindi ngo aho umugabo aguye undi arenzaho utwatsi”

Padiri Kayisabe Vedastea akomeza asobanura uko yaje kuva aho bikaza kumuhesha kurokoka. Agira ati: “Uko naje rero kuva aho ngaho, hari undi mukecuru wari hirya yanjye ariko na we batamwishe agihumeka, ni uko araza arandeba aramfata amanura hepfo mu ishyamba ariko ubwo tukigera mu ishyamba hirya hahise haturuka imodoka y’abajandarume, ni uko ahita anshyira mu muringoti hanyuma na we arihish, bamaze kugenda turongera turamanuka tujya kwihisha hepfo mu rutoki rwari ruhari ari bwo nahise mbona undi mukecuru na we wari warokotse hanyuma anjyana iwe ampisha mu nzu ari naho Inkotanyi zaje kudusanga ku itariki ya 17. Twabanje kuzisaba Imbabazi tugirango baje kutwica, hanyuma baratubwira bati nimuhumure ntabwo tuje kubica ahubwo tuje kubakiz, ni uko bankorera akantu kameze nka burankari banshyira mu modoka banjyana ku muhanda bahita banjyana mu bitaro bya Gahini ndagenda marayo ukwezi barankoreye akagare nagendagamo, nyuma nibwo naje gukira neza nsubira muri Semineri mu mwaka w’1998 mpabwa ubupadiri none kuri ubu ndakomeye nk’uko mumbona turimo kuvugana”

Padiri Vedaste avuga kandi ko mu muryango we bari abantu 8 harimo ababyeyi be babiri ndetse n’abana yavukanaga na bo, gusa Jenoside yaje guhitana ababyeyi be ndetse na barumuna be babiri kuri ubu bakaba basigaye ari bane. Ikindi cy’ingenzi uyu Padiri avuga afite ku mutima ni urugero yahawe na Padiri Bosco wemeye kwitanga akanga kwitandukanya n’abakirisitu, akavuga ko yamubereye intangarugero akaba ari na we watumye agira umuhate wo gukomeza inzira yo kwiha Imana kugirango na we azamere nk’uyu mupadiri Munyaneza Bosco washyizwe no mu barinzi b’igihango mu Murenge wa Mukarange.


INKURU ZA :
Tanga Igitekerezo
Ibitekerezo 21
kantengwa Kuya 20-04-2017

Olalaaaaaaa!
Groly to God!!!!
Komera Padi n’abandi bose barokotse, ubuzima bwa kiriya gihe ni inshoberamahanga, gusa biri amahire dufiteImana yo mugenga wa twese na byose.

MAMY Kuya 18-04-2017

Birababaje nukurI

JOY Kuya 18-04-2017

Uyu mupadiri afite impano yo kutaba umuhezanguni. Ibintu by’urwanda arabizi ni cyo mukundira. ikindi azi neza Imana..Yo ibabarira byose kandi Ikanezezwa n’ineza n’urukundo. ibindi Kayisaba nta byo azi

Emmanuel Kuya 18-04-2017

Padiri Vedaste,
Ikiniga cyo kumva ibyawe nicyo gitumye mvuga ngo: Burya Imana Nyagasani yashatse kukugira uwo uriwe. Si wowe wayiyeguriye ahubwo niyo yagutoye ngo uyibere umugaragu udahemuka, kuko weretswe urupfu n’ububi bwarwo (rw’inzirakarengane), abazabona ibikorwa byawe bizabaheshe urupfu ruzabahesha ubugingo bw’iteka. Navuga byinshi, ariko nyemerera nshimire Imana ikomeje kwigaragaza mu bantu nawe nifuza ko wazakurikiza harimo na Padiri utaragambaniye izo yari aragiye! Imana nibahe umugisha. Ndabashimiye namwe muduha ugira icyo tuvuga kubyo muba mwanditse.

junior Kuya 17-04-2017

Mana ugira imbabazi reberera uru rwanda nabarutuye kuko harimo ibikomere pe nge ndi muto sinz ibyabaye ark mubyukur iyo numvish amateka nkumv ibyo abatubanjirije bahuye nabyo nareba uko tubanye ubu abanyarwanda mbita intwali bose

Venuste Kuya 16-04-2017

yoooo, father KAYISABE ndamuzi gusa namukundaga ntaramenya amateka ye none aranyubatse, numwe mubo wareze nakwigiyeho byinshi byingirakamaro, ndizerako nabo uri kurera ubu ndetse nabazabakurikira bazavoma byinshi. ngaho komera Imana ikongerere imbaraga maze ntuzigere wirengagiza uzaza akugana!!!!

Aime Kuya 16-04-2017

Birababaje ibyabaye mu rwanda

Aime Kuya 16-04-2017

Birababaje ibyabaye mu rwanda

mupenzi Kuya 15-04-2017

wowe wiyise never again witwaye nk’injiji. uramugira inama yo gushaka se utekereza ko yihaye Imana Ku mpanuka? wowe ushobora kuba warasaritse na kamere. imana ikubabarire

Prosper Ishimwe Kuya 14-04-2017

Fr Kayisabe is by far the most influential person in my life.The tragedy he experienced made him even a kinder, wiser person instead of hardening him.Instead of breaking his heart, his heart broke open to love even more.He’s one of the wisest person I know, and I wish he were more involved in the design of the Politics of memory and reconciling Rwandans.To me he’s one of the Rwandan Mandelas.I’m grateful that I got to know him as a young seminarian, and he’s still by far my role model.Sending much love to him during these difficult moments!

Claudine Kuya 14-04-2017

Yooo
Ese burya padiri yakoze inzira y’umusaraba nk’iyi? Nyagasani wahisemo kwiyegurira agukomeze inziraw

Claudine Kuya 14-04-2017

Yooo
Ese burya padiri yakoze inzira y’umusaraba nk’iyi? Nyagasani wahisemo kwiyegurira agukomeze inzira

never again Kuya 14-04-2017

Wowe icyo wita kwagura umuryango ni kamere muntu kamere y’Imana biratandukanye uwo afite ni mwinshi twese turi intama yaragijwe,nge ndamuzi yaranyigishije kdi ni umupadiri watwereye imbuto. Nyagasani Akomeze kugushoboza ntuzateshuke kubyo wiyemeje,mc love

NTWARI Kuya 14-04-2017

padri uwakurinze yagutegetse kubyara ukororoka none Wowe wakurikiye ibyabanzi buhoraho baje kuturimbura vamo ushaka ubyare wororoke abaza shyigikira ibibyiza abakurokoye Batu gene nebo

NTWARI Kuya 14-04-2017

padri uwakurinze yagutegetse kubyara ukororoka none Wowe wakurikiye ibyabanzi buhoraho baje kuturimbura vamo ushaka ubyare wororoke abaza shyigikira ibibyiza abakurokoye Batu gene nebo

NTWARI Kuya 14-04-2017

padri uwakurinze yagutegetse kubyara ukororoka none Wowe wakurikiye ibyabanzi buhoraho baje kuturimbura vamo ushaka ubyare wororoke abaza shyigikira ibibyiza abakurokoye Batu gene nebo

Imana izi byose Kuya 13-04-2017

Uwiteka abakire abahe iruhuko ridashira Tonton Wacu komeza umutima Imana Ni inyembabazi Gatete yari yagabanye Ariko sinibaza ko ubu aho Ari anezerewe Nibaza ko nta mahoro y’umutima afite Abacu bahatikiriye turabazirikana Kdi baratekanye ijabiro kwa Jambo!Abatarunamira icumu bagikomeje kutwica ndabateza isengesho ribasabira guhinduka Uwiteka we turagutabaje ngo utwiteho Ni ukuri wumve amasengesho y’ingorwa zawe!Twiteho muri ibi bihe Mana we hanagura amarira Ku maso yacu utuneshereze abaduhiga womore ibikomere Ku mitima yacu Uduhe amahoro arambye ntituzongere kubona ibyo twabonye ukundi.Umva gusenga k’umugaragu wawe Amen

CYEPI CYEMEZO Kuya 13-04-2017

Imana ihimbazwe kuko yakurinze padi! Twizeye ko bitazongera kubaho ukundi.

igihozo Kuya 13-04-2017

Yooo Mbega agahinda !

Dophine Kuya 13-04-2017

Ntibizongere kubaho ukundi oncle kayisabe imana igukomeze mubihenkibi Uri umubyeyi mwiza ndagukanda knd harimpanvu imana yatumye urokoka kugirango abawe Bose tukwigireho ubumuntu nubungwaneza ugira

NEVER AGAIN Kuya 13-04-2017

Nibyiza kwiha imana ariko inama nakugira iyo ubivamo ukishakira umugore ukabyara nibura ukongera umuryango

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...