konka coffee
KONKA

AMAKURU

UKWEZI

Uburaya n’imibonano mpuzabitsina ku batarashaka, si icyaha mu mategeko y’u Rwanda

Uburaya n’imibonano mpuzabitsina ku batarashaka, si icyaha mu mategeko y’u Rwanda
7-07-2016 saa 15:51' | By Chief Editor | Yasomwe n'abantu 44538 | Ibitekerezo 20

Icyaha cy’ubusambanyi ni kimwe mu byo Abanyarwanda batari bacye baba badasobanukiwe neza, kuburyo hari n’abatazi ko bashobora kukiregera inkiko zikaba zabaha ubutabera. Hari n’abibeshya ariko ko umusore n’inkumi baryamanye baba bakoze icyaha imbere y’amategeko, ariko siko bimeze. Uburaya nabwo, hari abazi ko ari icyaha gihanwa n’amategeko nyamara ntibufatwa nk’icyaha ndetse hari aho usanga bigaragara ko bwemewe nk’umwuga mu Rwanda.

Twifashishije ibiteganywa mu gitabo cy’amategeko ahana ibyaha mu Rwanda gikoreshwa kugeza ubu, turabasobanurira byinshi ku busambanyi no ku buraya, n’icyo amategeko ateganya kuri byo. Kimwe mu bidasanzwe abantu bakwiye kumenya, ni uko uburaya cyangwa ubusambanyi bwose bukozwe hagati y’abantu bombi bakiri ingaragu, bidahanwa n’amategeko y’u Rwanda.

Ubusambanyi:

Ingingo ya 244 mu gitabo cy’amategeko ahana ibyaha mu Rwanda, isobanura ko ubusambanyi ari imibonano mpuzabitsina ikozwe n’uwashyingiwe ku buryo bwemewe n’amategeko, akayikorana n’uwo batashyingiranywe. Ibi bisobanura ko abasore n’inkumi batarashaka, iyo bakoze imibonano mpuzabitsina bombi ntawe urashaka, bititwa icyaha mu mategeko y’u Rwanda n’ubwo ku bemera Imana ndetse no mu muryango nyarwanda ho bigaragara nk’icyaha.

Ingingo ya 245 yo muri iki gitabo cy’amategeko ahana ibyaha mu Rwanda, ivuga ko Umuntu wese uhamwe n’icyaha cy’ubusambanyi, ahanishwa igifungo kuva ku mezi atandatu (6) kugeza ku mwaka umwe (1).

Icyaha cy’ubushoreke nacyo gihanwa n’amategeko y’u Rwanda. Ingingo ya 247 itanga igisobanuro cy’ijambo ubushoreke, nk’imibanire nk’umugabo n’umugore ku buryo buhoraho ku bantu batashyingiranywe, umwe muri bo cyangwa bombi bafite uwo bashyingiranywe. Ingingo ya 248 ivuga ko umuntu wese uhamwe n’icyaha cy’ubushoreke, ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda kuva ku bihumbi ijana (100.000) kugeza ku bihumbi magana abiri (200.000).

Icyakoze ingingo ya 249 yo ivuga ko gukurikirana icyaha cy’ubusambanyi n’icy’ubushoreke bidashobora kuba hatareze uwahemukiwe mu bashyingiranywe ku buryo bwemewe n’amategeko. Muri icyo gihe, hakurikiranwa uwarezwe n’uwakoranye icyaha na we. Uwahemukiwe ashobora gusaba guhagarika ikurikirana ry’urubanza, aho rwaba rugeze hose, iyo yisubiyeho akareka ikirego cye. Uwahemukiwe ashobora kandi gusaba guhagarika irangiza ry’urubanza rwabaye ndakuka mu nyungu z’umuryango. Iryo hagarika ry’ikurikirana ry’urubanza cyangwa ry’irangiza ryarwo bireba n’uwakoranye icyaha n’uregwa

Uburaya

Nk’uko bisobanurwa n’ingingo ya 204, Uburaya ni ukugira umwuga igikorwa cyo guhuza ibitsina hatanzwe ikiguzi, byaba bikozwe n’umugabo cyangwa umugore. Ingingo ya 205 yo ivuga ko umuntu wese ukora uburaya ategekwa kubahiriza mu gihe kitarenze umwaka umwe kimwe cyangwa byinshi mu bintu bikurikira: kutarenga imbibi zagenwe n’urukiko; kudatarabukira ahantu havuzwe n’urukiko; gufatirwa icyemezo cy’igenzura; kwivuza no kwitaba buri gihe inzego z’imirimo cyangwa z’ubuyobozi zagenwe n’Urukiko. Umuntu unyuranya na kimwe mu bitegetswe muri utu duce dutanu tw’iyi ngingo, ahanishwa igifungo kuva ku mezi atatu (3) ariko kitageze ku mezi atandatu (6).

Icyakoze ku bijyanye n’uburaya, amategeko y’u Rwanda ahana umuntu wese ushishikariza abandi gukora uburaya, utanga amazu akodeshwa ngo akorerwemo uburaya, usangira n’undi ibyatanzwe nk’ikiguzi cy’uburaya cyangwa ushora imari mu mazu akorerwamo uburaya.


Tanga Igitekerezo
Ibitekerezo 20
nsanzintwari Kuya 30-04-2017

ese iyo umwe mubashakanye byemewe n’amategeko aciye mugenziwe inyuma akabikorana n’undi utarashaka bombi bahanwa kimwe ?

gogo Kuya 3-01-2017

ariko njye muransetsa!!!NGO ubusambanyi buhanirwa Na leta kandi usanga abakozi ba leta aribo bashukisha abakobwa amafr bakaba aba sugar daddy!!!mubanze mwigenzure

Asha Kuya 18-12-2016

Ikyo mugomba kumenya urwanda rusingaye rufinte bamukyera rungendo so uburayi ntibwabura kandi mumenye ko uburayi buri mubyo bamukyera rungendo bashaka iyo batebereye igihungu kindafinte indaya ntabwo kyatera ibere

umusz Kuya 18-12-2016

birakabije kbs gusa ubishoboye yifate kuko buriwese azabazwa ibyoyakoze

Alex Kuya 10-12-2016

mwaretse kwigira nki nkoko na masazi mukareka kugira Urwanda nkisodomu nigomora. muzana ubutinganyi nubusambanyi

Alex Kuya 10-12-2016

mwaretse kwigira nki nkoko na masazi mukareka kugira Urwanda nkisodomu nigomora. muzana ubutinganyi nubusambanyi

Rekayabo James Kuya 4-12-2016

mbega! uburaya leta y u Rwanda yarikwiye kubwamaganira kure nababukora bakamaganwa aho gusoreshwa kuko kiriya ni icyaha imana yanga urunuka.ninacyo cyatumye irimbura isodomo nigomora nkuko tubisoma muri bibiriya yera.tubyange kandi tubyamagane niba dushaka kuramira mugihugu imana yaduhaye.

Amani Kuya 4-12-2016

Uwabageza muri Esapan Ngoma ngo murebe uburyo abayobozi b’ikigo barongora abakobwa bahiga mwashira ivuga!

shimirimana ejide Kuya 3-12-2016

NONE UWO MUVIGIZI WA NYAKUBAHWA PIERE KURUNZIZA

Komayombi Kuya 3-12-2016

Sodoma na Gomora=Rwanda

Urazirikanye Herman Kuya 3-10-2016

ubwo rero abafite imbaraga nibashyiremo agatege basambane cyane kuko ndabona barakomorewe.

kanzima Kuya 11-09-2016

nibabikore vuba, igihembo cyicyaha n’urupfu namwe murabizi nubwo amategeko ataba abihana,

Josiane Kuya 13-07-2016

Ngewe ndaziko mû rwanda ntamategeko ahana abasambanyi. Kubona abayobozi bâ mashuri basambanya abana ntibahanwe ibyo birerekana ko namategeko. Kandi umuyobozi afite umugore akongera agasambanya abana bari munsi yi myaka 17 ans ..Nshuti Narcisse yatumaze adusambanya adutera ni ndwara.ES Karama.Twebwe abakuze tubura naho tumurega kuko bamukingira ikibaba

umuyobozi

BOSCO Kuya 12-07-2016

nonese ko tuziko umuntu usambanyije umwana abakoze icyaha cyubusambanyi kandi uwamusambanyije akaba ari ingaragu aho ntimwaba mwibeshya.plz help know.

BOSCO Kuya 12-07-2016

nonese kotuziko umuntu usamabyije umwana abakoze icyaha cyubusambanyi kandi uwamusambanyije akaba ari ingaragu aho aha ntimwahibeshy

ocaragashi Kuya 12-07-2016

None se Abayisilamu ko badahanwa niba ubushoreke butemewe? None se amategeko ateganya iki ku bagore bima abagabo babo igihe kinini, cg abagabo batita ku bagabo babo bakamara igihe kinini batabakoreye?

ocaragashi Kuya 12-07-2016

None se Abayisilamu ko badahanwa niba ubushoreke butemewe? None se amategeko ateganya iki ku bagore bima abagabo babo igihe kinini, cg abagabo batita ku bagabo babo bakamara igihe kinini batabakoreye?

Ruhago Kuya 8-07-2016

IMANA YATWISE. SODOMA NA GOMOLA KUBERA UBUSAMBANYI BWABO!!!!

Gashobero Kuya 8-07-2016

Nimwerure rero mushore urubyiruko mu busambanyi, kandi mubumvishe ko ari uburenganzira bwabo ntayegayezwa. Hanyuma muti indangagaciro...blalala.

kanyarwanda Kuya 8-07-2016

uraoze cyane.iyi sujet ijya iba ikibazo cyane mu bantu baba baganira cg basubiza abababajije.gusa bigakomezwa n’amadini asobanura termes adasobanukiwe neza, ibi rero nibyo gushimirwa kuba wateguye iyi ngingo ukavana abantu mu rujijo ubahugura ku mategeko

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA