konka coffee
KONKA

AMAKURU

UKWEZI

Ukuri ku mubumbyi nyawe wa Kigali Convention Center wahembwe kuyitemberezwamo

Ukuri ku mubumbyi nyawe wa Kigali Convention Center wahembwe kuyitemberezwamo
11-07-2017 saa 11:59' | By Chief Editor | Yasomwe n'abantu 13174 | Ibitekerezo 7

Nyuma y’uko ku Cyumweru tariki 9 Nyakanga 2017, ubuyobozi bwa Kigali Convention Center na Raddison Blu Hotel bwakiriye umwana witwa Gisa Gakwisi agahemberwa kuba yarabumbye inyubako yabo akoresheje ibumba, abantu batandukanye bakomeje kugaragaza ko haba harabayeho kuriganya umubumbyi nyawe w’iki gihangano, kuko ifoto yari yagaragaye mbere yagaragazaga undi mwana utandukanye n’uwahembwe. Nyamara, ubuyobozi bwa Kigali Convention Center na Raddison Blu Hotel bwagaragaje ko nta buriganya bwabayeho.

Mu kwezi gushize kwa Kamena, nibwo ifoto y’umwana uri iruhande rw’ikibumbano gifite ishusho ya Kigali Convention Center na Raddison Blu Hotel, yacicikanye cyane ku mbuga nkoranyambaga. Bidatinze, ubuyobozi bwa Kigali Convention Center na Raddison Blu Hotel bwashakishije uwakibumbye aza kuboneka, ndetse ku Cyumweru tariki 9 Nyakanga 2017 ahembwa ibihembo bitandukanye birimo kuyitemberezwamo n’ababyeyi be, hamwe n’ibindi birimo impano no kuzatangiza amarushanwa azamwitirirwa.

Umwana wakwirakwijwe cyane ku ifoto mu by’ukuri si we Gisa

Urebye koko ifoto yari yakwirakwijwe mbere, bigaragara ko umwana uri ho atandukanye n’uwahembwe akanatemberezwa muri Kigali Convention Center. Ubuyobozi bwa Kigali Convention Center na Raddison Blu Hotel bwasobanuye uko byagenze. Bagize bati: "Twamenye ko umwana uri ku ifoto yakwirakwijwe, ari inshuti ya Gisa. Uyu niwe Gisa n’umuryango we mwiza."

Nk’uko amakuru agera ku kinyamakuru Ukwezi.com abishimangira, uyu mwana wagaragajwe ku ifoto yakwirakwijwe mbere, we yitwa Uwikunda ariko bakunda kumuhimba Gasore, akaba ari inshuti cyane ya Gisa Gakwisi ndetse ni abaturanyi, kuko bombi ababyeyi babo batuye mu kagari ka Ruhando, mu murenge wa Kimihurura mu karere ka Gasabo mu mujyi wa Kigali, aka kagari kakaba ari nako kubatsemo inyubako ya Kigali Convention Center.

Gisa n’ababyeyi be batemberejwe muri Kigali Convention Center

Uyu Uwikunda niwe wari iruhande rw’igihangano cya mugenzi we cyafotowe kigakwirakwizwa ku mbuga nkoranyambaga, ariko ubwo ubuyobozi bwa Kigali Convention Center na Raddison Blu Hotel bwakurikiranaga basanze uwabumbye igihangano ari uyu Gisa Gakwisi ari nawe wagombaga kubihemberwa.


INKURU ZA :
Tanga Igitekerezo
Ibitekerezo 7
Allain Kuya 29-07-2017

Ariko mujye mureka amatiku. Radisson blue ifite izihe nyungu mu guhemba umwana utari we?Gisa kuba atarafotowe biriya ni ibintu yakoze atazi ko igihangano cye cyagera hariya

Allain Kuya 29-07-2017

Ariko mujye mureka amatiku. Radisson blue ifite izihe nyungu mu guhemba umwana utari we?Gisa kuba atarafotowe biriya ni ibintu yakoze atazi ko igihangano cye cyagera hariya

Mayeri Kuya 13-07-2017

Ntago ibi bintu bisobanutse!None c uriya Gasore yafotowe nande,yari agamije iki,Ikigaragara nuko uriya Gisa ashobora no kuba atazi gufata ibumba,Gasore rwose urebye urabona ariwe wabumbaga pe,nge uransobanurira ukuntu Gisa yaba yarafotowe,ku gihangano kitari icye,akambwira aho Gisa yari ari,niho ndabyemera,sha naho rwose ibi harimo urujijo

ODETTE Kuya 12-07-2017

Mu mikino y’abana (jeux d’enfants) habamo no kubumba. Nk’umurezi, birangoye kwemera ko umwana umwe yageze kuri kiriya gikorwa.
mugize neza mwatubwira aho bariya bana baziranye, ndetse mukatugerera mu mudugudu mukatubariza cyane cyane uko umurimo wo kubumba wakozwe; ibumba ryavaga hehe? kubumba byakorewe ahantu hameze gute, byakozwe mu gihe kingana iki?...Hari igihe twasanga hari uwari akuriye abandi; icyo gihe nabo bakwitabwaho.

Mico Kuya 11-07-2017

Muri make abanyamakuru ni bo batuyobeje.None se uwafotoye uwo mwana wa mbere akanakwirakwiza inkuru, ntakiganiro yigeze agirana na we? Ako kana kamamaye katabishaka ubwo ntimugahemukiye?Izo ntoki zako ziriho ibumba zigaragaza ko bafatanyaga.Na ko bakarebere akantu.

gruec Kuya 11-07-2017

Please mujye mukora ibintu mwabanje gutekereza kungaruka, niba "Igihangano cyarakozwe n’UWIKUNDA(alias GASORE) ariko mu guhemba mugahemba "GISA GAKWISI" aho hari ikibazo gikomeye kuko Gisa ntazashobora gukomeza ubuvanganzo yahembewe kuko butazaba arubwe ubwo nazaba yarabikoze "azaba anize Artiste wejo hazaza" Mwongere mushishoze neza ko atari Uwikunda Gasore wakoze kiriya Gihangano. Murakoze

dadi Kuya 11-07-2017

uriya mwana baramuriye niyihanagure.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...